(( ))

والله اللي بجيني كف محترم من العنوآن ,,
أستهدوا بالله يا جماعه وأقروا موضوعـي زين ..
يالبى الريآض وأهل الريآض وشوآرعها وزحمتها و جوهآ وكل أبوها
وه بس

:

قبل ما أخش في الموضوع ..

صبآح \ مسآء الخير للجميع
مره من المرات وانا ما شيه في الصاله
..شفت أخوي الصغير يكلم خويه على التلفون وهو يقول: أفففففف ياخي أكرهه ذا الرياض..
طبعا هو كان واحد من طلاب الفصل اسمه رياض وأنا على بالي يقصد ديرتنا الحبيبه ...
المهم جلست فوق رآسه ولما سكر قال :وشو وش تبين ؟
طبعا أنا أنفجرت في وجهه : ترى حامت كبدي قسم بالله ..الرياض والرياض ..حبيبي الرياض تبيعك وتشتريك ولا ترجع الباقي بعد .....ألخ (في الردود ما فيه مثلها) خخخخخخ
هو يا عمري عليه كان فيسه كذا : ..

,

أنا لما عرفت السالفه ما قابلت وجهه أسبوع من طيحة الوجه
آآآآآآآآآه أكره هالموآقف لما أجي مدرعمه وأسو فيها فاهمه ..وفي النهايه أكون فاهمه الموضوع
غلط ..نتيجه القطه المفآجئه

,

على آيآم أولى ثآنوي ..دخلت علينا مدرسه الرياضيات في حصة الاحياء
وقالت : يا بنات ترى تآجل الأختبار ..
أنا وقتها كنت منزله راسي وما رفعته الا على كلمة ( أختبار ) قمت وقلت : لا يا أستاذه
معليش اللحين فوق روسنا عشر أختبارات وأنتي جايه تقولين أختبار ..مالي شغل لازم يتآجل
..المفروض تلتزمون بالجدول أففففففففففففف

الله يخلف علي ..أنا سكت وماسمعت بعدها الا ضحك البنات والأبله ..
نآظرتني وقالت : هاهاها ياحبي لك ..أقول نامي بس <~
طبعا أنا غدا وجهي هالكبر ~> . <~ وأستأذنت أروح للحمام وأنتم بكرأمه وجلست أبتسي من الفشيله

,

بعدها خذت وعد في قرارة نفسي أني ما أقط في شي الا أنا أدري وش السالفه .. بس بو طبيع ما يجوز من طبعه

أممممـ ودي أذكر لكم مواقف ..بس فيه نآس ما يحبون المواضيع الطويله واللي أنا منهم ..

عالعموم ..
المهم سؤالي ؟؟؟؟
هل قد حصلك موقف .. جلست تتفلسف ..وأنت فاهم الموضوع غلط ؟

وإذا واحد صار له هالموقف معك ,, تقعد تضحك وتفشله والا تفهمه الموضوع بأسلوب ؟؟

دمتم لمن تحبون ودام من يحبكم لكم ~

(( ))
مع ارق التحايا بطالة بكالريوس

موضوعك مرة ظريف اعجبني
احيانا الواحد يتملقف ويتسرع قبل الهرجة ما تخلّص بعدها يطيح في الإحراج :o

بطالة بكالريوس

ههههههههههههههههههههه

الله يسعدك خيتو وربي يحميك من كل شر

صحيح ساعات تجينا مواقف تمسح في وجهنا من الفشلة

يوم الربوع اللي طاف صار لي موقف حرام بالله

لو شخص مكاني انتتحر من الفشلة

كنت توني ضارب خط النوم وعاد تعرفون الشباب

اذا صار وقت النوم بس بملابسي الداخلية

المهم عيال اختي مزعجيني من فوق لتحت وانا ابي انام تعبااااان

وأنزل لهم من غرفتي وادخل المقلط حق الحريم معصب حدددددي داخل بتهاوش مع اختي

على شان إزعاج عيالها بحط حرتي فيهاا

دخلت المقلط وشكلي غلط وبملابسي الداخلية بس وكشتي ضاربها الهواء

وادخل المقلط وهات من الكلام على اختي وانا حيييل معصب

ماشفت الا عم الهدوء في الغرفة وأختي تأشر علي وتقول ناظر وراك

وكان اشوف جمعة هالحريم جارتنا وعيال خالتي وعيال هندي البقالة المهم ماباقي حرمة

من الحارة ماجات زيارة عندنا

طيب هالحين كيف اصرف نفسي والله من الحوسة طار النوم مني ههههههههههههههه

هههههههههههههههههه

وهذا أحد المواقف اللي الانسان يبي يصير فيها قوي

وآخرتها يطيح بفشلة تمسح وجهه في البرسلان هههههههههه

مشكورة اختي وعساك ع القوة

في حفظ الرحمن

هههههه ههههههههههههههه ههههههههه
وش تقرب لك ضاربه فيوزها !.؟!. الله يذكرها بالخير .!.!
من زمان عن هالموضيع الحلوة ...’,
وياكثر المواقف المحرجة بس خليها على ربك ..!.
شكرا لكِ

موضوع حلووو هههههها
اممم لاماصارلي قد تكلمت بشي وانا فاهمه غلط

بس كثير يصيرلي موقف محرج هوو أدخل على الرجال واتفشل مايشوفون الا الغبار
واخواني تعبو مني تخدرو دايم احصلي قرصه ولطشه ونظرات وده تاكلني
بس احيان ماادري فيه رجاجيل واجي طااايره للمجلس عشان اخواني لاصقين فيه مايخرجون
واكون ابي منهم شي ..مره فشله

كأني خرجت عن الموضوع

تشكرات حلوتي

مره وناسه
هههههههههههههههههههههههههههههههههههههههههههههههههه ههههههههههه

موضوع رائع يعطيك العافية ع الطرح
والمواقف كثيرة والفشيالة اكثر بكثير