ساعدوني اختبار اللغة الانجليزية لمشغلي سابك

كهربائي عطالي · #1 (**permalink**) 12-05-2009, 09:09 PM

السلام عليكم ورحمة الله وبركاتة

يااخوان ارجوكم ساعدوني انا عندي اختبار في انجليزي في شركة سابك

اذا في احد اختبر الاختبار هذا يريت لو يعطيني نبذه عن طريقة الاسئلة

وادعولي بالتوفيق وشكرررررررررا

ماهر القحطاني،، · #2 (**permalink**) 12-05-2009, 11:18 PM

انا مثلك اخوي ..امتحاني الإربعاء 20مايو

ودي الأخوان يفيدونا ولا يبخلـــــــــــــــــــــــــو علينا .....عشان نفيد ونستفيد

برفسور · #3 (**permalink**) 12-05-2009, 11:25 PM

https://www.btalah.com/t12837-post126954.html

برفسور · #4 (**permalink**) 12-05-2009, 11:29 PM

الاختبار ثلاث اسئلة :
السؤال الاول : 100 سؤال ( أختر الكلمة الصحيحة ) طريقة السؤال : المدرس عنده مسجل فيه شريط يقرا علينا الجمل الي في كل فقرة مثلا :المسجل يقول بلغة سريعه شوية ذهب خالد الى بيتهم صباحا
وفيه الورقة السؤال: ذهب خالد الى ( بيتهم - بيته ) صباحا

السؤال الثاني : 100 سؤال ( اختر الاجابة الصحيحة )
يعطيك جملة وبينها ( ثلاث اجابات ) تختار منهن الجملة الصحيحة
وقت السؤال 50 دقيقة

السؤال الثالث : تعبير
4 اسئلة حقت تعبير
وقت السؤال : اول ماتخلص ارفع يدك وتروح لم المدرس تختبر شفوي ,, يعني يتحدث معك المدرس باللغة الانجليزية

ثمن تطلع من الاختبار وتمشي لبيتكم والنتايج بتطلع بعد اسبوع باذن الله

منقووووووووووووووووووووووووووووووووووووووووووووووو وووول

العاطل2008 · #5 (**permalink**) 13-05-2009, 01:03 AM

ياشباب الله يوفقكم
لكن اللي بعيييييد ولا عنده انجليزي لايروح نصيحة ويتعب نفسه

قاسم المحمد · #6 (**permalink**) 13-05-2009, 03:03 AM

انا مسجل في سابك من زماااااااااااااان
وليه توهم يردو
المهم
انا لغتي ماااش

وهم يقولون في الرسالة تحديد اللغة فقط
يعني هل انا مقبلو بس مو عارفين في اي مستوى يحطوني
ولا هذا هو اختبار القبول

ارجو الافاادة

وانا اختباري الثلاثااء

غسان خ · #7 (**permalink**) 13-05-2009, 03:53 AM

السلام عليكم

جميعا

انا اختباري يوم الأربعاء

بس بغيت اسألكم هم يبغون صورة لشهادة الثانوي وانا عندي دبلوم؟؟

كي يعني هل هذا الشي يشملني ولا لأ؟

مع العلم اني مقدم من زمان يعني صار لها 9 اشهر - سنة

وما ادري بصراحة

وعندي مشكلة ثانية انا ما عندي شهادة تحصيلي

بس عندي قدرات بس قديم صار لها ثلاث سنوات

يعني كيف أروح ولا لأ

<<<ذبحته الشكوك ؟

مع اني اشتغل حاليا بشركة ؟

وش الحل افيدوني

جزاكم الله خيرا

كهربائي عطالي · #8 (**permalink**) 13-05-2009, 07:28 PM

غسان انا نفس موضوعك بالضبط يريت لو احد يفيدنا

نهاية البدايه · #9 (**permalink**) 14-05-2009, 12:49 AM

ياجماعه انا عندي اختبار برضوا يوم الاربعاء 20 مايو واخوياي قبلي اختبروا في سابك وهذولا هم متدربين في سابك

سألتهم عن الاختبار قالوا لي مافيه شى اسمه استماع وشفهي

بس اختيارات كأنك في اختبار القدرات وفيه شوي الرايتنق ( الكتابه )

يعني الوضع سهل جدا كله على اساسيات اللغه الانجليزيه وواحد منهم والله ياشباب يادوب يفرق بين الحروف تجاوز الاختبار بس انه انرفض في المقابله الشخصيه

المهم بعد ماتتجاوز الاختبار يرسلون لك رساله يخبرونك انك انقبلت وانك تراجعهم علشان المقابله الشخصيه للشركة اللي اقبلت في سابك ( طبعا سابك مجموعة شركات على سبيل المثال انك انقبلت في شركة بيتروكيميا) تجيك في الرساله كذا انك انقبلت في شركة بيتروكيميا وتجي علشان تسوي مقابله شخصيه واذا تعديت المقابله الشخصيه تجيك برضوا رساله يقولون لك تعال لنا صايم من الساعه 10 مساء علشان الفحص الطبي

بعد كذا يرسلون لك رساله تجي تسلم ملفك وصلى الله وبارك

والوضع ذا كله يبي له تقريبا شهرين او شهر واسبوعين

طبعا اذا كنت من وظائف مشغلين تدرس في الكليه لغه انجليزيه (مكثفه) سنه وتسع اشهر تقريبا بعد كذا يبدأ التطبيق

وانشاء الله انها سهود ومهود ياجماعه

واي استفسار انا حاضر

بالنسبه للاخ غسان خ
احضر معك الشهادة اللي طلبوها منك في الرساله

قالوا لك صوره من شهادة الثانويه العامه هاتها معك ومن باب الاحتياط خذ صورة من شهادة الدبلوم

والقدرات اطبعها وتوكل على الله

وعسى الله يوفق الجميع