[align=center]
عاطل سدير يعطيك العافيه لتشريفك صفحتي ,,



مفلس مان الله يكتب اللي فيه الخير ,,



هتان الليل والله ضحكتني يمكن لو صار عندك نفس رأس المال احترت مثلي لكن الله يرزقنا وياك وانا اخوك من واسع فضله ,,



ر السلاطين ر كيف على الفاتوره يعني يأخذون نسبه 2,5 على رأس مال البضاعه المستورده؟؟ اتمنى انك توضح لي لاهنت وهل اقدر اتفاوض معهم على البضاعه من هنا وهم يتكفلون يجيبونها؟؟ ويأخذون النسبه المتفق عليها ؟


عاشق دنيا والله ما من ميول محدد يعني انا توني مبتدئ مابعد ريشت,,
[/align]

ياخوي تقدر تشوف أحد عندو مكتب بالصين يتعامل مع المصانع يساعدك واعتقد ضروري تكون البضاعة بتكلفة 30,000وأكثر وتقدر كمان تشتري عن طريق المصانع الصينية بالمواقع بس انتبة من النصب لازم تكون لغتك جيدة حتى تفهم كل شي واشهر موقع علي بابا ادخل عليه وشوف تقدر تختار البضاعة اللي تبغاها *_^ .

وعلى فكرة تقدر تستورد بدون سجل تجاري وبدون محل .!

دمت بحفظ الرحمن .

طموحي بحر,, آآآمين الله يستجيب دعاك ولك بالمثل ويرزقك الرزق الحلال



والله الاعضاء ما قصروا وبيض الله وجيههم واحد واحد والله يجعله في موازين حسناتهم والله يرزقنا وياهم الرزق الحلال

وبالنسبه لمبلغ 30,000 ريال بسيط بس انا من يوم شفت اسم الموقع( علي بابا) الصراحه شكيت فيهم

حياك الله أخوي

في فكره ماأدري اذا هي تخدمك أو لا

تقدر تشتري دبابات (أضغر حجم) من حراج بو قاسم بالرياض الواحد على سبع ميه وخمسين 750

وتبيعهن بالقصيم على 1500 الواحد بالراحه. سواء تعرضهن عند محل او انت تفتح لك محل دبابات

طبعا تشتري بالجمله

تراها فكره حلوه

بالتوفيق

اخوي شغلت الاستيراد شغله ليسة بالسهله لنك لابد ان تكون على علم ودرايه بقوانين الاستيراد الامن
يجب ان تكون ملم باللغه الانجليزيه تحدثا وكتابه وعلى علم بالامور البنكيه وطريقة فتح الاعتمادات البنكيه وفواتير البيع والشراء واختيار المصدر المامون لان هناك نصب واحتيال وتغيير بضاعه وووو الى اخره
بالاضافه الى اختيار السلعه ومعرفة سوق البيع وسوق الشراء وحساب تكاليف الاستيراد والشحن والتخليص ومستودع التخزين والتسويق للبضاعه وتوزيعها وعرفة عملاء الشراء وهامش الربح
المهم متاهه وانت راسمالك لايقبل المغامره لذا
اذا رغبتك بالبضائع واستيراده
1- اختر نوع السلعه
2- قم بدراسة السوق والتسويق والتوزيع
3- اشتر نفس السلعه من احد المستوردين وبياعي الجمله
4- قم ببيعها بهامش ربح بسيط
اجتهد واتعب بالبدايه اعتبر نفسك موظف عند صاحب هذه السلعه وان عملك هو توزيع هذه البضاعه
اذا كونت شريحه من العملاء فالتجار سوف يمنحك هامش ربح اكثر
واصل لمدة سنه سنتين وبعد ذلك سوف ينفتح لك الف باب ومنها قد تفكر بالاستيراد
لذا دام معك مية الف انا عندي لك المشروع الناجح باذن الله
وهو
1- اعمل مظله في حوش بيتكم بتكلفك حوالي 10الاف ريال لو خسرت بتكون مضله ومستودع لبيتكم
2- توكل على الله قبل كل شي وحافظ على الصلاة وبر الوالدين وخلهم يدعون لك
3-اشتر وانيت داتسون مستعمل بمبلغ 20 الف ريال لو خسرت خله لمقاضي البيت ورحلات البر
4- رح لاقرب مستودع لشركة عصيرات او بيبسي او مياه وخذ بالجمله ولف على البقالات الصغيره ووزعها مربح بيكون ريال على الكرتون وكون عملاء
5- بعد كذا اشتر دينا وحط فيها سائق وعطه اماكن العملاء واشتر بضائع بالكميات الكبيره ووزعها
بعد فتره بتحصل عندك عشر دينات والبيت صار يضيق ببضاعتك وصرت تستاجر مستودع
اوصيك بالصبر والصلاة

اهلا اخي
(ر السلاطين ر كيف على الفاتوره يعني يأخذون نسبه 2,5 على رأس مال البضاعه المستورده؟؟ اتمنى انك توضح لي لاهنت وهل اقدر اتفاوض معهم على البضاعه من هنا وهم يتكفلون يجيبونها؟؟ ويأخذون النسبه المتفق عليها ؟)
نعم تقدر تفاوضهم وتتفق معهم على البضاعة ويعطونك عينات اي بضاعة تريدها
بخصوص 2.5 على الاسم وبعضهم ياخذون 5 بالمائة على البضاعة والاسم .
وتقبل تحياتي
السلاطين

المشكلة ليست في أستيراد سلعة ما من أي دولة .

المشكلة في تصريف هذه البضاعة التي تعتمد على العلاقات والتاريخ التجاري لمستورد البضاعة بالإضافة إلى أمور أخرى .

حاول أن تجد المشروع الذي تستطيع أن تنمي فيه روح التجارة في نفسك وأن تكون لك علاقاتك التجارية .

ويقال : أن التفكير سهل والتنفيذ صعب ، ولكن الأصعب أن تنفذ ما تفكر فيه .

وبالتوفيق .