23-12-2009, 08:42 PM
|
عضو جديد
|
|
تاريخ التسجيل: Dec 2009
المشاركات: 21
معدل تقييم المستوى: 31
|
|
اقتباس:
المشاركة الأصلية كتبت بواسطة نهاية البدايه
سابك تدعوك لحضور اختبار تحديد مستوى اللغة الإنجليزية لبرنامج تدريب ( وظائف مشغلين ) بكلية الجبيل الصناعية بمدينة الجبيل الصناعية وذلك يوم ***** الموافق *** *** **** الساعه ****
مع مراعاة احضار الآتي :
صورة من شهادة الثانوية العامة
بطاقة الأحوال الأصل وصورة منها
صورة من إشعار درجتي القدرات والتحصيلي
الف مبروك لمن وصلته هذه الرساله وعسى الله يوفقه ويكتب له فيها خير انشاء الله
بصراحه ياشباب قريت في كذا منتدى وفي كذا موضوع برضوا في المنتدى عن اختبار تحديد
المستوى وكيف ان البعض مصعب الامور ومدري ايش
الوضع ياجماعه بسيط تحضر لكلية الجبيل الصناعيه بجانب مبنى الهيئه الملكيه للجبيل وينبع بالجبيل الصناعيه
والاختبار زي اختبار القدرات العامه اللهم انه على اساسيات اللغه الانجليزيه ومثل ماقلت في احد ردودي ان فيه واحد من ربعي والله ياجماعه انه يادوب يفرق بين الحروف ومع ذلك عدى الاختبار ووصل لين المقابلة الشخصيه في شركة حديد بس شكل اسلوبه ما اعجبهم وصرفوا النظر عنــه
المهم بعد ماتختبر وتعين خير بعدها بأسبوع او بالكثير اسبوعين راح توصلك رساله منهم يخبرونك انك اجتزت الاختبار بنجاح وانك مدعوا للمقابله الشخصيه في مخيم شركة حديد على سبيل المثال
طبعا انت وحضك يمكن يقبلونك في شركة بتروكيميا ويمكن في اي شركة من شركات سابك
المهم بعد ماتجيك الرساله ضبط عمرك وحضر لك كم من كلمه انجليزيه وكم من معلومه عن الشركه لانهم يمكن يسألونك ويقولون لك عطنا خمس الوان باللغه الانجليزيه ويمكن يقولون لك عطنا عشر كلمات باللغه الانجليزيه واهم شغله في الكلام ذا كله راح يقولون لك عرف عن نفسك باللغه الانجليزيه عاد انت اضبط عمرك زين والله الله بالثقل والثقه ياذيبان
المهم بعدها بفتره يمكن توصل اسبوعين او ثلاث تقريبا تجيك الرساله اللي يا اما انها تشرح الصدر ولا انها تعفس الخاطر وعسى العفسه ماتجي انشاء الله
اذا هي شرحت صدرك فـ ألف ألف ألف مبروك
يقولون لك تعال في اليوم الفلاني وانت صايم ثمان ساعات طبعا راح يعطونك موعد من الساعه كم تصوم اخوياي من الساعه 10 الليل وهم صايمين طبعا الرساله تقول انك اجتزت المقابله الشخصيه بنجاح وانك مدعوا للفحص الطبي عاد هنا الله يعينك يا انك تبي تتعب من جد بس وش تسوي لازم تتحمل هذا مستقبلك
المهم بعد ماتسوي الفحص الطبي والبهذله هذي كلها يقولون لك توكل على الله نبي نعلمك بالنتيجه عن طريق رسائل الجوال وانت اذا وصلت لمرحلة الفحص الطبي انشاء الله انك 90% ناجح
نتيجة الفحص الطبي تطول بصراحه ويمكن تخليك توسوس لانها راح تاخذ شهر او ثلاث اسابيع وانت على احر من الجمر لكن اصبر وانشاء الله خير
بعد كذا تجيك الرساله وتدحدر عندهم تسلمهم ملفك وتستلم بطاقتك من عندهم واليوني فورم ( الزي الموحد ) ومدري وشو والخرابيط هذي
طيب انت انقبلت وبعدين .؟؟؟؟؟؟؟؟؟
طبعا يقولون لك تعال في التاريخ الفلاني
وضعك ياطويل العمر دراسة انقلش ( مكثف ) تبدا من الحروف الابجديه الين ماتحترف فيها
من الساعه 7 صباحا حتى الساعه 12 او 11 ظهرا
لمده سنتين سنه وتسع شهور تقريبا هذي دراسه بعد كذا تطبق في المصنع ثلاث اشهر وبعد كذا انشاء الله انك تترسم والف الف الف مبروك
طبعا راتبك وانت طالب 4300 ريال مع بدل السكن ( 800 ريال )
عاد نقص 800 ريال وشف كم راتبك هذا غير التأمين الصحي والتأمينات الاجتماعيه و و و و .........
طيب الكلام هذا كله صار مع اخوياي اما الدفعه الجديده واللي انا من ضمنها يمكن انهم يبغون انتر ميديات يعني اللي لغتهم متوسطه علشان يواصلون مع بقية الطلاب لانهم طردوا من شهر حوالي 100 طال وعلى حسب كلام منسق شركة سابك في الكلية يقول للطلاب المتدربين حاليا في الكليه بالحرف الواحد
( ياشباب لاتحسبون ان سابك تبي توقف عليكم ترا سابك مستعده تستغني عن 150 طالب اذا رسبتم في الاختبارات وفيه 300 طالب راح نجيبهم جدد وانتبهوا لدراستكم احسن لكم )
واذا انقبلتوا ياشباب عليكم بالحضور اهم شى والمذاكره ولو انها سهله بس لازم اول بأول لان مافيه الا قوة شوت صراحه
هذا كل ماعندي وكل ما اعرف واعذروني على القصور ........
و دمتم بــود ...
|
اخوي انا من جده الكشف الطبي ما يحولونه على المستشفيات الي في جده ولا زم يكون عندهم
|
العرض العادي
