اقول يالاخت شمس تراكي عطيتي الاجنبي اكثر من حقه وانا ماراح اعلق على الموضوع

انا اتكلم كشي صار فيني وكنت اعانيه يوم كنت موظف في شركه كلها اجانب والسعودين

على عد الاصبع يعني تلقين المدراء كلهم اجانب ويعاملونا كاننا ولا شي وهم الي

يشتغلون وحنا المقصرين واي شغل نسويه ماله تقدير ويستخدمون اسلوب التطفيش

والاهانه والتطنيش وكثير يسوونه في السعوديين ولا يقدرون يسوون شي وانتي

الحين تقولين انهم مساكين لا والله ماهم مساكين لمن تجربين عيشتهم راح تعرفين

حقيقتهم وانهم يستحقرونا كسعودين وادعي من كل قلبي ان الاجانب ذولا مايجلسون

ولا يوم هنا بالسعوديه ويتسفرون لبلدهم بالقريب العاجل ويتوظفون ابناء البلد الي

احسن منهم كفائه وافضل شغل والتجربه خير برهان وشكرا لصاحب الموضوع

سلام

المشكله والله والله والله مو في الاجنبي الى قصدي عليهم العمال العماله الوافده
والى اخص منهم مافي في البلد وبصراحه مالهم قيمه عندي الى يحاولون يطفش السعوديين
المشكله مو في العماله المشكله في مكااااااااااااااااااتب العمل الى في جميع المناطق
والوزير بكبره الى مو فالح الى ينعم في وجه كل يوم يحلق دقنه يحسب نفسه وائل كفوري
ياليت من الى يخاف الله من المسولين الى لديهم سلطه من بعد الله فوق القصيبي يشفون اوضاع مكاتب العمل
بدال ما يطبقون نظام السعوده والله انهم يساعدون عليه باسباب شخصيه
وانا عندي دليل قاطع وجازم لي اي مسول يشكك في مصداقية كلامي انه مكتب العمل يخالف السعوده
للانني عندي اوراااق مهمه تثبت كلامي ومختومه من الشركه
وفي قصص كثيره والله اني عايشها بس اعذروني مو وقته اني اكتبها

الله يصلح الاحوال يارب...

وانا والله مو قصدي انه الاجانب اكثر كفاءة...او انهم مساكين

في حالات كثير احنا االمساكين

لكن ماحب انه شبابنا يخلون عقدتهم بالأجنبي

احب اني اشوفهم يتحركون ويلجاون لربنا بالدعاء والاستغفار


وانا اسأل الله العظيم انه يفرحنا بتوظفيكم كلكم

لأني بجد اشيل هم كل شاب وكل بنت زي ما اشيل هم اخواني في البيت


الله يوفق الجميع

شمس يعني بتقولين ان الاجانب افضل من السعوديين .
انا عشت مع سعودييين واعرفهم اكثر منك. صح انا اقولك في سعوديين ما يحبون الشغل لكن هذا الكلام زمااااااااااان.

وبالعكس والله السعوديين عباقره بس ظروف الدنيا هي الي جرت عليهم. مطرودين من كل مكان بملفاتهم العلاقيه ولا احد فكر فيهم . وش يسووون طيب !!

والله جماعة الخير ما فيه الا حل واحد.

نضايق الاجانب حنا مو هم يضايقونا والله ما عاد ينفع الا ذا الحل.
اذا الدوله ما عندنا استطاعه تسوي شيء وواقفه مكتوفة الايدي لازم نشوف حنا الحل العاطلين.

( حسبنا الله ونعم الوكيل )

وصلت لهالدرجة!! لكن هالاجنبي ماينلام لانه ما لقى من يوقف بوجهه لا رقابه

ولا مسؤولين وبعدين وين السعودة اللي صجنا فيها الوزير غازي ؟!!

وياترى وش التغيرات اللي صارت من لحظة استلامه هالمنصب الى الان ؟

ووش آخر اخبار البطالة والعاطلين؟!! وين القرارات والوعود!!

الاخ ضيم مشكور على نقل هالموضوع اللي ما عرفته الا عن طريق المنتدى وهذي والله

انها مصيبه وشي يموت من القهر لكن حسبنا الله ونعم الوكيل على هالاجانب.

الاخت شمس جدة انا بصراحة ما اوافقك الرأي أبداً وليش خرجتي عن الموضوع؟!!

وموقف هالاجنبي ما ينسكت عليه ولا اظن ان اي سعودي راح يوقف مع الاجنبي .