شفني وانا من ضيقة البال ... مبسوط !!
مشاعري تاهت وقلبي خلطها
ماعدت أميز بين صايب.... ومغلوط !!
سيّان صار صوابها معْ غلطها
دنياي يومن صاعدة ويوم .. بهبوط
واليا صعدت كن فيه شي شفطها
ولساني اللي مفتلت .. صار مربوط
وحروف شعري كن شي ربطها
مدري لوين أبتجه وين لخطوط
دنيا غريبة ولا عرفنا خططها
كني مهستر أو على الراس مخبوط
يومن عباته تحت خصره حقطها
ناس يجيها العز معْ جرة شخوط !!
وناس هَوت للقاع ومحدن لقطها
وناس إتكلم بالملايين والنوط
وناس مع العتمه .. هزت وسطها !!
يمجدون اللي غلط فيه أهل لوط
ويستنكرون اللي صلاته ضبطها !!
رصيدهم أرقام وأصفار ونقوط
وللخير والمعروف ساقت.. عبطها
ترفعهم الدنيا .. وبالآخره سقوط
يوم الحساب النفس تعرف شططها
يومن حسابه بالموازين مضبوط
اللي سمانا بدون عمد(ن).. بسطها