السلام عليكم اولا وش اخباركم ثانيا والفزعه يا اهل الفزعه ثالثا انا حمره اقصد حرمه عندي طموح ماله حدود لاكن متقيدين ان بنت القبايل تنطق في بيتها ان كانت موضفه خيرونعمه غير كذا لاتقولين اسوي مشروع اوتفكرين لاكن ما اقدر اشوف الناس وصلت القمر وانا قاعده اقول ياليت عندي فطالما الواحد عنده العزيمه والايمان راح يحقق اللي يبيه ادري سندرت روسكم لاكن سؤالي اللي ماله اجابه الاعندكم يالاجواد عندي ثلاثين الف وقبل فتره قريت شي وبسالكم عن راس تريله
وهذي الحاجه اللي عجبتني انها حاجه اسويها وانا قاعده في بيتي وين اروح وش اسوي ياليت تعطوني النشره كامله عطوني افكاركم تكفون قبل افتح الموضوع مع زوجي واللقط وجهي قدامه تكفون ياهل الفزعه

اولا شي راس التريلا فوق 90 الف ريال اقل شي يعني مالك امل براس التريلا
ثانيا /ياليت تفكرين بتاجير فساتين ترا احلا لك خصوصا ان المشروع هذا يمشي بين الحريم اكثر شي وهذا افضل لك لان التعامل راح يكون نسوي بحت
بالتوفيق لك

وشو راس التريلا ؟؟

عزيزتي الناس رضائهم ومجاراتهم لاتزيدك الا هما وضياعا

يروح عمرك وانتي تدورين الرضا ولا بعمرك راح تنالينه

اهم شي رضا رب العالمين

دامك بنت مستتره وراجيه ربك وتدورين الحلال وتهابين الحرام فماعليك من احد

الله يرزقك ويرزقني ويحقق احلامنا

مشكلتنا بمجتمعنا مساراتنا النسويه قليله

يامشغل يا مدرسه يامحل ويديره لك واحد ويضيع حلالك وهو غايب عن عينك

انا مثلك صار لي سنين افكر بشي اديره بنفسي ويكون مدخل رزقي وماني عجلانه على الارباح والثراء

وفقك الله حبيبتي

رأس التريلا أغلى من المبلغ الذي تملكينه
ولكن دام هذه رغبتك يلزمك الصبر حتى يزداد المبلغ
ويكون ذلك عن فتح مشروع حتى لو منزلي
والله يوفقك

اذا انتي مياله لنشاط المعدات راس مالك ما يجيب لك الا رافعة شوكية وديزل وموديلها قديم

يعني لو بتأجرينها على الشركات والمستودعات بالشهر ما يراح يدفعون لك اكثر من2500 ريال كإيجار معدة

اتمنى لك التوفيق

أولا: رأس مالك مثل ما قالو لك الاخوان ما يجيب رأس تريله ممكن تحصلين رأس تريله من 60 الف وفوق
ثانيا: رأس التريله ماتقدرين تديرينه وانتي ببيتك يعني يبيلك توقعين عقد مع الشركات ويبيلك تصلحين الخرابات يعني شغله ما اتوقع تناسب الحمره قصدي الحرمه

والله يوفقك ان شاء الله ويفتح لك ابواب رزقه

بالتوفيق أخيت قصدي أختي الكريمة ، لكن ترى مشكلة العثور على المشروع المناسب ليست مشكلة خاصة بالنساء بل حتى الشباب بل حتى القادرين مادياً يجدون صعوبة في العثور على المشاريع المناسبة .

لكن لماذا لا تشاركين زوجك في شراء ( دينا ) ويكون جزء من المبلغ لديك دفعة أولى بس المهم العثور على من يستطيع العمل بالنسبة أو الإيجار ... ومع الأسف أنه ليس لدي معلومات أكثر عن مثل هذه المشروع ، بس قلت دينا مثل التريلا بس حجم أصغر .

وبالتوفيق .

ما رح يناااسبك المشروووع والله اعلم

بالتوفيق اختي