22-05-2009, 03:48 AM
|
 |
عضو جديد
|
|
تاريخ التسجيل: May 2009
المشاركات: 28
معدل تقييم المستوى: 32
|
|
|
قصتي مع أمانة عسير والأمين الله لا يسامحه ..
بسم الله الرحمن الرحيم
أولاً : أشكر القائمين على هذا المنتدى الذي خدم فئة كبيرة من المجتمع ظُلمت كثيراُ ولا ندرى متى سيأتي الفرج .
ثانياً : اسمحولي أن أضع أولى مشاركاتي في هذا القسم لأضع بينكم ما بداخي من قهر لا زلت أكبته حتى اليوم .
.............
قصتي مع أمانة أبها أو بالأصح أمانة عسير ..
في يوم 26 / 6 / 1429 هـ تخرجت من الكلية التقنية بأبها قسم ( أنشاءات معمارية ) ،، فرحت وتكدرت في نفس الوقت ، فرحت لأني تخرجت
وتكدرت لأن المستقبل مظلم ولا في وظائف .. المهم بعد تقريباً يومين من التخرج قالي واحد شغال في أمانة أبها في وظائف في امانة عسير تعال وقدم ملفك .
رحت اليوم الثاني دخلت على الأمين أعطيته ملفي وقال بالحرف الواحد ( معهد مراقبيين وتقنية بنفس التخصص هذا المطلوب )
أسبشرت خير بكلامة أخذ ورقه صغيره وشرح عليها ( لقسم التخطيط العمراني يُجرب فلان الفلاني لمدة 20 يوم ويرسل بتقرير من رئيس القسم بعد أنتهاء مدة التجربة )
طلعت وأنا طائر من الفرحة أتصلت على أمي وبشرتها وأكيد فرحت لي من كل قلبها وبعدها رحت للقالي بالوظائف بما انه شغال في الأمانة وشكرته بما أني أسرع واحد
توظف من دفعتي رحت للقسم وشغلوني مراسل قلت ما ابغى أخرب على نفسي أمشّي يوم يومين وأكيد بعدها بيعطوني مشاريع ومخططات .
مر الأسبوع الأول وأنا على هذا الحال ( ود وجب ) ومن من ياحسره من ناس ماعدهم حتى ثانوي .. ومشت عشرين يوم بعد قلت حيا وصبر مع أني ماغلط على أحد بالعكس
أشتغلت مراسل عشان أضمن وظيفة على الأقل ... رحت لرئيس القسم قبل ما يكتب تقرير التجربة وقلت له أتشغلت مراسل مع اني خريج تقنية وعادي تكفى التقرير يبيض بالوجة
قال أبشر من عيوني ولا تخاف وضعك تمام .. كتب التقرير وبصراحة ما قصر فيه كان ممتاز لابعدالحدود ، جيت اليوم الثاني أبغى أدخل على الامين مو موجود .
طبعاً معالي الأمين ( يوم السبت والأربعاء ملغيها من حساباته ) أنتظرت الأسبوع الأول بعد التقرير والأمين رافض حتى يدخني المكتب والاسبوع الثاني نفسه وخلال هاذي الفتره برضو شغال بدون راتب .
وفي بداية الأسبوع الثالث بعد التجربة يالله سمح معاليه بدخولي المكتب ،، دخلت هذا المكتب الطويل العريض وأمشي وانا ارتجف من الخوف وما ادري ليه !
سلمت ما رد ، أعطيته تقرير رئيس القسم ( وانا افكر الوظيفة في ابها ولا برى أبها ) وبعدها لف الكرسي الدوار ورى جهة دولاب وطلع ملفي ( طبعا ملفات الموظفين الي تحت التجربه عنده ) أخذ الملف وشرح عليه وكتب :
( إلى شؤون الموظفيين يأخذ رقم فلان ويتصل عليه في حال وجود وظيفة ) بعد ما قريت الشرح سألته يعني ما في وظيفة ؟؟
قال لا وتفضل أنا مشغول ..
رديت عليه قلت طيب وشهر ونص وأنا شغال من 7.30 حتى 2.5 بدون راتب وش الفايده منها .. ما رد على سؤالي وطردني . .
رحت لمدير شؤون الموظفين وقلت هاذي شرح الأمين تتوقع فيه وظيفة قريب قال ان شاء الله
استحلفته بالله وقلت له الحركة هاذي يعني فيه وظائف ولا تضحكون علينا ،،
أقسم بالله يا شباب رد علي مدير شؤون الموظفين وقال رح دورلك وظيفة أحسن !!
طلعت وأنا زعلان وأفكر وأقول الأمين أغتال فرحتي وفرحة أمي الي ما صدقت أن أكبر عيالها توظف وأصدقائي وش اقلهم الحين ووين أودي وجهي من الناس بعد ما باركوا لي .
وأفكر في الأيام الي انكديت فيها لدرجة بعض الايام ماعندي فلوس حتى الفطور وصبرت عشان ذا الوظيفة وفي الاخير الشارع !!
وأسأل نفسي معقوله ما في وظائف ،، طيب ليه يشغلني شهر ونص ، ليه من أول ما قال ما في وظايف وريحني ..
........
المهم أشتكيت الأمين في الأمارة وما عبروني أشتكيت الأمين في الوزارة في الرياض ونفس الشي .
ولكن أقول الله لا يسامحه في هذا اليوم الفضيل .
امين ما عنده حتى هندسة يالله الدنيا كذا
|
العرض الشجري
