قوية هالحركة لايفوتكم
تعرفون انتشرت ألحين أقلام الليزر لمعاكسات البنات
ومضايقة العوائل من الشباب وهدفهم المغازلة

لكن ألحين طلعت حركه جديدة من الشباب يستهدفون البنات إلي يلبسون عبايات مخصرة وفاتنة
وسمو نفسهم حملة شباب الكلوركس للتبيض

وشفتهم في السوق بس شفت بنات قليل منهم

تعرفون وش السالفة

اللي قالت لي الخبر بنت محتشمة في لبسها للعباية
تقول رحت أنا وزوجي للسوق ومنها بنلعب العيال ، شفت أربع بنات لابسين عبايات مره فاضحه ، يـبان حجم اليد والصدر والخصر ومن تحت فضفاض
واثنين شباب يمشون وراهم وأنا وزوجي عيونا عليهم وشوي إلا واحد من الشباب طلع من جيبه أبره ورش عبايات البنات وانحاشو

جلسنا نمشي ورى البنات ، تقول وشوي تغيرت لون عبايتهم طلع لها لون غريب يضحك . واضح إن منكب عليهم كلوركس



وبعدها جلست أدور في عبايتي عسى مارشوني أنا بعد

تقول الحمدلله عبايتي ما فيها شي
وراحوا البنات
وتقول زوجي مستغرب و يفكر ليه سووا الحركة هاذي
تقول سبحان الله بعد ماشريت لي ملابس رحنا نلعب العيال بالملاهي إلي بالسوق ولقينا نفس الشباب وقلت لزوجي شوفهم هناك ورى البنات



وراح لهم زوجي وبعد خمس دقايق رجع يضحك قلت له هاه وش السالفه
قال وهو يضحك : الإبرة اللي شفناها معهم هذي أنبوبات بدون أبره وفيها كلوركس يقولون اللي عجزت عنهم الهيئة تكافحهم . إحنا نكافحهم

يقول الشاب لزوجي : نجي بدري لأي سوق يسمحون لنا ندخله و نلبس بنطلون أبيض أو ثوب ونحط في الجيب الواحد 10 أنبوبات فيها كلوركس ونرش عبايات البنات المخصرة والفاتنة ويحلف بالله اللي محتشمة ما نرشها نرش بس العبايات المخصرة والفاضحة
وسمو نفسهم شباب الكلوركس للتبيضيقول عددنا اللي في السوق 10 نتقسم وإذا خلص الكلوركس اللي معنا نروح نعبي من الجالون اللي بالسيارة
وسألهم زوجي ليه تسوون كذا
تعرفون ويش قالوا
قالوا هدفنا واضح هو نخلي هالبنات يلتزموا بالستر وبس


والله عليهم حركات ماتجي في بال أحد
وانصح كل وحدة بالستر في كل مكان مو في السوق وبس ولا راح تكون عرضه لشباب التبييض
وأضحوكه للناس
وعلى فكره شفت كم بنت ينعدون على الأصابع في أحد الأسواق تعرضوا للتبييض بالكلوركس

عساهم يتأدبون

الله يهدينا ويهديهم ويستر علينا وعليهم


شر البلية مايضحك بس صدق عرفوا لهم



عجبتني الفكره ونقلته ليتوسع

الغلط راكبهم من راسهم لين ساسهم
مالهم حق
ليه الدنيا سايبه
في دولة وفيه هيئة الامر
والا بس يبغون يتحرشون في البنات
وزي ما قالت اخر العنقود الهداية من رب العالمين
يأتي بعدها التربية ثم التربية ثم التربية

استغفر الله العظيم

وش دخل ابوهم في البنات

كل بنت مسؤؤله عن نفسها والله هو اللي يحاسب ويعاقب

أتوقع إن هذولا من أصحاب الفكر المتشدد (التكفيرين) اللي يغذونهم ويحرضونهم على عمل هذه الاشياء الوقحة
وبعدين هناك قانون في البلد وليس كل من هب ودب يسوي فيها مرشد وناصح
حتى وأن أرادوا ان ينصحون ويرشدون ولكن ليس بهذه الطريقة المعيبة والاستفزازية اللي قد تزيد من حجم المشكلة وتبث الكراهية
والرسول صلى الله عليه وسلم قال ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان )
ماقال صلى الله علية وسلم بالقوة واستفزاز الاخرين
وقال تعالى ((انك لا تهدي من أحببت ولكن الله يهدي من يشاء))

بس نحاكي مين ؟؟