اخيرا وزارة الخارجيه اتصلو (بكالوريوس حاسب)

فطري · #1 (**permalink**) 23-05-2009, 04:46 PM

السلام عليكم ورحمة الله وبركاته

اليوم جاني اتصال من وزارة الخارجية طبعا انا مسوي مقابله قبل شهرين عندهم
المهم قالي فلان الفلان قلت الله الله قال تعال بكره للوزارة وقلت له طيب بخصوص ايش اجي ؟ قالي انت تعال وهناك بتشوف وكانه معصب (خير ان شاء الله) وقالي جب معك 7 صور شخصيه وصور لمؤهلاتك .
حبيت اقولكم اول باول وش اللي صار لي
ومومفقين ان شاء الله

شمري حايل · #2 (**permalink**) 23-05-2009, 05:38 PM

اخوي فطري الله يوفقك يا الغالي

بس الوظيفه تراها نظام عقد مع شركه وليست رسميه مع وزاره الخارجيه

الشركه هاذي شغاله داخل وزاره الخارجيه علا برنامج

والله يوفقك يا الغالي
انا كنت فيها وقدمت استقالتي مع ان الراتب كان مناسب
البكالوريوس يعطونه 5500
والدبلوم يعطونه 4500
والثانويه مع دوره ست شهور يعطونه 3500

وما اقول الا بي يوفقك لكل خير يا الغالي
اخوك ..شمري حايل

مواطن محترم · #3 (**permalink**) 23-05-2009, 05:58 PM

اخوي شمري حايل ،،،،،،،،،،،
انا دقوا علي اليوم وقالوا لي تعال يوم الثلاثاء والوظيفة نظام تعاقد بس قال انها في الممثليات الخارجيه،،،،

وبخصوص الراتب انت متاكد انه 5500 ما فيها زياده،،لان المبلغ قليل مره مقارنه ببكالوريوس ،،،

اتمنى انك توضح لنا كل شي وعن الفترة اللي جلست فيها عندهم كيف كان النظام ووين مكان الدوام شرط يكون في الرياض والا انت تختار مثلا الغربية،،،،،،،

وتمنياتي لك بالتوفيق،،،

مواطن محترم · #4 (**permalink**) 23-05-2009, 06:52 PM

اخوي فطري ،،،
ننتظر منك ان تكتب لنا اللي يصير معك بكره ان شاء الله،،،،

وبخصوص الطلبات هل كان فيها صوره من جواز السفر لان اللي كلمهم اخوي (وما قالي صوره من الجواز مع انه في التقديم كان من ضمن الشروط)،،،،،

تمنياتي لك بالتوفيق

شمري حايل · #5 (**permalink**) 24-05-2009, 01:50 AM

اخوي مواطن محترم .. ابشر يا الغالي ما طلبت شيء ابي اقول لك كل شيء صار معي

يا الغالي انا دقو علي قبل شهر ونص وكنت متحمس زيكم علا ان الوظيفه رسميه بوزاره الخارجيه .. بس تحطمت يوم قالو لي شركه ونظام عقد سنوي قابل للتجديد مع شركه اتجاهات التقنيه

طبعا وراني العقد .. وكان الراتب مع البدلات 6000 ومخصوم منه 500 تأمينات يعني يصير صافي الراتب 5000

طبيعه الوظيفه يدربونك علا برنامج داخل وزاره الخارجيه مده اسبوعين .. وبعدين انت تعلم موظفين الوزاره علا هالبرنامج والمشروع

طبعا فتره الدوام :
من الساعه 8 ونص الين الساعه 4 ونص

بالنسبه لي ما حسيت اني مرتاح بالوظيفه زي وخصوص يوم قال لي احد كبار الموظفين انه متا ما انتها المشروع راح نستغني عنكم

وانا براسي زواج ومشاريع

قلت اللي من اولها كذا تنعاف تاليها

ما اقول الشيء هذا يا شباب من باب التحطيم او كذا يشهد الله اني اتمنا لكم الخير بس حبيت احطكم بالصوره

وهي حلوه للي ساكن بالرياض ويبي خبره

بس اللي من برا الرياض مثل حالتي ما اظن تصلح له

والله يوفق الجميع

وأي اسئله اخوي مواطن ابشر بعزك
فمان الله

مواطن محترم · #6 (**permalink**) 24-05-2009, 02:19 AM

اخوي شمري حايل,,,,كفيت ووفيت،،،،،،

بالنسبة لي اخوي هو اللي رد عليهم ،،،وسالهم عن الوظائف قال له نظام تعاقد في الممثليات الخارجيه وكررها ،،،
ما ادري هل قال لك انهم بيطلعونك برى والا .......

مشكور مقدمااااا

شمري حايل · #7 (**permalink**) 24-05-2009, 02:22 AM

اخوي مواطن محترم ..

ايه نعم لما يعلمونك علا البرنامج حقهم وتفهمه زين مع انه بسيط مثل برنامج البريد الايميل حق الرسايل .. ولما يتعلمون موظفين الوزاره هنا يرسلونك بعد فتره خارجيا عشان تعلم موظفين الممثليات والسفرات خارجيا علا البرنامج

والله يوفقك يا الغالي ويسهل امورك ..

واي استفسار انا حاضر

تركي البدراني · #8 (**permalink**) 24-05-2009, 08:38 AM

اخوي شمري حايل

كيف طريقة التقديم عليهم

جزاك الله ألف خير

عريمط2 · #9 (**permalink**) 24-05-2009, 10:25 AM

اخي الشمري جزاك الله خير , حتى اللي داخل الرياض يأخذها عبــــــــــــــــــر

الدوام طويل و الراتب قليل شوي , فلو كان الى الساعة 2 ظهراً فهو مناسب 5500 زي الناس

خاصة إذ ا كانت الوظيفة عابرة (مؤقته) , يعني الإستقرار الوظيفي صفــــــــــر .