ايش رايكم في مشروع تقسيط اجهزت اللاب توب طبعا على نطاق المعارف والاصدقاء وبعض الموظفين وزي كذا يعني بدون فتح محل او مؤسسه
يعني شغل تاجر شنطه با التقسيط:o
كيف اضمن حقي هل الكمبياله تكفي
كم معدل الربح المعقول في الجهاز
كيف اسوي دعايه لنفسي وانشهر بسرعه:o
فين افضل الاماكن لشراء الاجهزه با ارخص الاسعار
ايش رايكم في الفكره بشكل عام

أنا زوجي يشتغل بها الشغله وبصراحه فكره حلووه ومربحه

وتقريبا ياخذ عالاب توب الواحد زياده 600ريال

وبالنسبه للدعايه ارسل رساله من جوالك على كل اخوياك وقلهم اذا تعرفون اي احد غيركم يبي عطوه رقمي

بالاضافه الى الانترنت طبعا

واللي اسمعه ان افضل مكان اذا كنت من الرياض فهو الصالحيه

وحقك تقدر تضمنه بانك تروح انت والزبون لبنك الراجحي ويقتطعون من راتبه

كل شهر الين يخلص قصده طبعا يكون فيه اتفاقيه مادري كيف طريقتهم بالظبط بس البنك مسوي هذي الخدمه

وانا سمعت عنها مادري اذا هي صح او لا

واتمنى اكون افدتك هذا الكلام دايما اسمعه من زوجي لان عنده خبره واسعه بالاب توبات

واي احد يبي يشتري بعيلتنا جهاز لازم يشاوره...بالتوفيق

موظفه بس 600 ريال قليله لمى يكون سعر الجهاز 4000 ومعدل الخطوره عالي يعني اقل شي جهاز سعره 4000 اخذ عليه ربح الف ونص
ممكن اعرف كم القسط اللى ياخذه زوجك من سعر الجهازيعني اعطيني فكره بصفه عامه عن هذا الموضوع
بالنسبه للاستقطاع اغلب الناس رواتبهم مو على الراجحي يعني الاستقطاع مو شرط اساسي

والله زوجي توه مبتدئ بشغله التقسيط وخلاها 600 ليكسب الزباين بالاول

وفعلا صار فيه طلب كبييييير طبعا راح يرفع السعر واغلب اللي قسطلهم من معارفه واخوياه

يمكن لوكان احد مايعرفه ماراح يعطيه بها السعر

وانت حاليا ابدا من الاهل والاقارب والناس اللي ماتعرفهم اساله اذا راتبه ينزل عالراجحي والا لا

اذا قال لا قله متأسف ماقدر وخلك صريح و واضح عشان تضمن حقك

مشكور موظفه واتمنى من باقي الاعضاء التفاعل لكي استفيد من ارائيهم

شغلة حلوة

ولها طريقة تضمن حقك وماعندي فكرة عنها

وبصراحة صديقي أشترى محمول قبل فترة بزيادة 800ريال برغم ان سعر الجهاز جديد حوالي 2100 ريال

وبصراحة هالشئ ضايقني وشرشحت صاحبي لان سعر المحمول بسيط ومن المفترض ان تكون الزيادة بسيطة
مجرد وجهة نظر

بالتوفيق لك
وصدقني مشروع ناجح

الاخ رامي ممكن تسال صديقك ماهي الاوراق والضمانات التي طلبت منه

بصراحه وجع راس