[POEM="font="Simplified Arabic,5,white,bold,normal" bkcolor="transparent" bkimage="./images/backgrounds/95.gif" border="groove,3,silver" type=0 line=0 align=center use=sp num="0,black""]
الكرز واحد وعشرين حبّه=رفرف الغصن وأورق عندليبه
أفتحوا للشبابيك المحبّه=وأصدحوا بالهلاهيل الرطيبه
غافل الشمع في عيده تنبّه=راح يأخذ من الظلما نصيبه
طفل من عادته يكسر ألعبّه=وشعليه إن كسر خاطر حبيبه
سنةٍ من سننه المستحبّه=يترك قلوب عشاقه عطيبه
ضاع من قال أنا ضايع بحبّه=والله ان الدلاله ضيعتني به
قبلة الله عليه وشلون ربّه=خالق مبيسمه يوم يحكي به
لو مكنته تغافلته بحبّه=بس هو شايفٍ فالأمر ريبه
ماأحسن الظن في ريحٍ تهبّه=يحسن الظن في مثلي مصيبه
المسبه به .. الطرف المسبّه=ماسوى طرفه الساهي يعيبه
عجزت مرايته فيه تشبّه=حاولت فيه ماقدرت تجيبه
بعد هذا وش اللي ينكتب بّه=قبل هذا وش اللي ينقري به
منبع النهر والنهر ومصبّه=مشرق النور والنور ومغيبه
ان بغى يسلب الرمان لبّه=وان بغى صابت النعناع خيبه
وان حلى اللعب والميدان طبّه=مالك الا تقول الله حسيبه
والله ان القلوب المستتبّه=تصطفق تقل ناهبها نهيبه
ياهل العرف ماقبله يجبّه=كيف أجل بالحشى مركي صليبه
الكرز واحد ومليون أحبّه=من هينا لين سكره وحليبه
[/POEM]




للشاعر فهد عافت

صح لسانك انت والشاعر
مشكور على النقل ...

صح لسانه ونشكرك على النقل وقصيدة جميلة

صح لسانك وانا اجييييز القصيده خخخخخخخ

ثاننننننننننننننننننننننننننننكس
حبايبيبي

صح لسانك
وانشاء الله المزيد