السلام عليكم ورحمة الله وبركاته


صباح الخير اخواااااااني أعضــاء منتديات حلول البطالة


عندي إستفسار و آتمنى القى اجابه وافيه له


تم الإتصال بي من مدينة الملك عبدالعزيز للعلوم و التقنية بالأمس بخصوص وضيفة عالمرتبه السابعه..

ودي أعرف كيف طريقة المقابلة الشخصيه..

هل فرصة الإبتعاث للخارج ممكنه أم لا..

بيئة العمل و الجو العام داخل المنظمه هل هو جيد ام سيء..

والراتب المتوقع للمرتبه السابعه..

ولله الحمد راتبي الحالي يتجاوز 8000 فإذا كان الراتب أقل من راتبي بالشركة(قطاع خاص)الحالية فما راح أتعب نفسي واسافر للرياض لإجراء المقابلة..


ياليت و آتمنى ردود وافيه و كافيه...


و الله يجزيكم بالخير..

يــآخووي لا تروح خلكـ هني ..لانهآ حكوميـه ..ومرتبه سابعه ..مااتسوى ..وبعدين عندهم نوعين من الوظائف ..
يعني اذا معدلكـ عالي تكون باحث اكاديمي ..واذا معدلكـ ..عادي تصير عالمرتبه السابعه اللي نفس وظيفتك ..والرياض اجاراتهاا موووت ..صدقني ممله وتعب ..وياليت تسوى ..مرتبه سابعه ..
والابتعااث للي يصير باحث اكاديمي ..ولا اللي بالمرتبه السابعه.. من المستحيلاات ..والله يوفقكـ انت مدامك موظف دور الافضل ..

شوف الرابط التالي بالنسبة لسلم الرواتب والعلاوات
http://www.mcs.gov.sa/McsImages/r101.pdf

المرتبة السابعة اول مربوط:
الرابط الأساسي: 5120
بدل نقل: 600
بدل غلاء معيشة: 266
بدل طبيعة عمل: من 512 إلى 1024 (لأنه ما دام الوظيفة في مدينة الملك عبدالعزيز أكيد راح يكون في بدل طبيعة عمل)
يعني الصافي: 5447 قبل حساب بدل طبيعة عمل، يعني خلينا نقول 6100
العلاوة السنوية 315 ريال

أهم حاجة وضعك الوظيفي الحالي كيف؟ عندك ترقيات؟ عندك علاوات؟ كيف الأمان الوظيفي؟ هذه أسئلة يجب أن تجاوب عليها قبل أن تتخذ القرار، لأن مسألة الراتب وحدها ليست كافية لاتخاذ قرار

والله يكتب لك الذي فيه الخير في دينك ودنياك

مشكور اخوي عاجز عن التفكير
بعد كلامك صراحة بديت افكر إني ما أروح..لإن كان على بالي بإن المرتبه السابعه بتكون أفضل من كذا

جزاك الله بالخير أخوي كابتن فيمتو

بس كإني سمعت إنهم مو تابعين للخدمة المدنية يعني سلم الرواتب الخاص فيهم مختلف او كلامي خطأ..؟


بالنسبه للوظيفه الحالية(موبايلي)الترقيات موجوده مادام معك شهادة جامعية والعلاوات و الحمدالله من أحسن مايكون والراتب جداً ممتاز في ظل الظروف الإقتصاديه القاسيه إللي بتمر فيها معظم الشركات بالعالم..

بس كنت أفكر بالقطاع الحكومي أكثر أماناً في رأيي..