السلام عليكم ورحمة الله وبركاته

ابحث وظيفة لاخوي وهذه مواصفات اخوي المبدأه وللي عنده شغل له راح ارسله سيرته الذاتيه

- حاصل على شهادة الثانوية العامه
- يجيد استخدام الكمبيوتر بالاخص الويندوز والوورد والبوربونت ولكنه لا يملك شهاده لهم
-طبعا يجيد سياقه السياره
-عمره 26 سنه

طبعا ممكن تقولون ما فيه له وظايف وهو ماعنده غير الثانويه العامه

اخوي دخل جامعة الامام محمد بن سعود وتغرب عنا وجلس فيها سنتين ولا قد يكمل لصعوبة الدراسه فيها وترك الجامعه وتعقد من الدراسه واكثر شيء عقده انه كان يبي يدرس اداره بجامعة الملك عبدالعزيز لكن ابوي الله يحفظه اصر عليه الا انه يتخرج من قسم الدراسات الاسلاميه بجامعة الامام محمد بن سعود او من جامعة ام القرى حس بإحباط والعمر يتقدم فيه ومع الوقت مافيه اي جامعه تقبل بقبوله في هذا العمر , وغير انه كل ما شاف الخريجين عاطلين قال وشوله اتعب نفسي وادرس وبالاخير بلا فايده فتجمعت عليه من كل النواحي وصار شخصيه محبطه ويائسه وغير متفائل بعد ما كان يحمل احلام وطموح وامال يريد تحقيقها

لكن متأكده انه لو يلقى حد ياخذ بيده ويرجع له الامل من جديد ممكن يشد حيله وبيعزم على اكمال تعليمه انتساب وكمان ياخذ له شهاده حاسب آلي مع اني يجيد استخدامه اصلا

طبعا المحاسبه لايجديها اخوي بكثره واكثر مايجيده هو الاعمال المكتبه رغم عدم تعلمه اياها لكنه شاطر ومن فتره تدريب قصيره ممكن يضبط الشغل غير انه لو لقى اشخاص يشجعونه على تطوير نفسه والالتحاق بتدريبات في هذا المجال وتوفير المناخ والجو المناسب له في تكملة تعليمه ممكن يبدع ويعود للحياة من جديد ويصبح عضو فعال ومجدي في المجتمع

اتمنى القى عندكم حل لاخوي لان حالته تكسر خاطري وودي اساعده

الله يرزق اخوك بالوظيفه الطيبه

ممكن يفيدك القسم

http://208.43.41.187/~btalahc/forumdisplay.php?f=42
موفقين يارب

تابعي قسم وظائف الغربية فيها وظائف نازله هذا الأسبوع
الله يرزقك ويرزق أخوك من واسع فضله

الله يرزقه من اوسع ابوااابه

تاابعي المنتدى اختي وان شاااء الله تحصلي مرااادك ومرااده

يارب يوفقك بالدنيا والآخرة ......

ولا تيأسي من رحمه الله وأبتلائة ........

بيض الرحمن وجهك .........

تسلمون كلكم ماتقصرون يا علي ما انحرم منكم ولا يحرمكم ربي الفرحه