سلام ياعووال
تسسيف الحآل وش اخبآركم عساكم طيبيــن ؟
واخبــآر اعـلام < اخلص ياخوٍي
شسسسمه ، ابي اول شيء اشكر كل الشباب المتفاعلين بالموضوع وخصوصاً الاخ محبوب الحرس
وانا عندي كم استفسار مهمين ماحد اعطاها اي اهتمام بالموضوع وماحد يقدر يفيدنا فيه الا الشباب اللي تحدد لهم مواعيد الدورات
طبعاً انا ولله الحمد والمنـة خلصت الكشف الطبي ، وبأروح الرياض اعطيهم اوراق التقديم اللي هي : الكتيب الابيض اللي فيه معلومات كثيرة عن المتقدم ويطلبون فيه توقيع العمده والشرطة و و و و ... ألخ
مع ورقة الاحوال المدنية مع برنت الادلة الجنائية وبرنت الاحوال المدنية ...
طبعاً الاسئلة هي :
1 - لمن اروح لهم اجمع كل هالاوراق بملف علاقي وإلا احطها داخل الكتيب الابيض واعطيهم اياها والا وش السوات ،، لاني بأجي مباشرة من المطار ،، بس عشان ازبط وضعي من بدري لا ينشبوني اجلس ادور لي مكتبة في عز القايلة وبدال ما اخلص شغلتي في يوم واحد اخلصها في يومين والا ثلاث ايام
وعلى طاري عدد الايام ،، وقت تسليم الاوراق واخذ نتيجة الكشف الطبي ،، هالشغــلآنة كلها على بعضها كم تاخذ يوم واحد ؟ والا اكثر من يوم والا كم ؟
وهل يحددون موعد الدورة للشخص من نفس اليوم ، والا يصرفونه لموعد ثاني ، وإذا صرفوه ليوم ثاني يدقون عليه جوال والا لازم يحضر مرة ثانية سردادي مردادي ....
والاهم من هذا كله في صفحة من صفحات الكتيب ، صفحة رقم 4
مكتوب فيها شهادة بعدم توفر حفيظة نفوس لدى الجد .. نشهد نحن الموقعين ادناه ان المذكور اسمه بعاليه حامل حفيظة نفوس رقم ×××× وتاريخ ××××× سجل ××××× ان جده من مواليد السعودية قبل عام 1322 هـ وانه سعودي الاصل والمنشأ وبالواقع نشهد والله خير الشاهدين
وفي شخصين يوقعون اسفل ويحطون معلوماتهم كاملة من ارقام هويات وعناوين سكن
عموماً مالكم بطولة الكلام ،، هذول الشاهدين اللي موقعين تحت ،، لازم اجيب صور لبطاقات احوالهم ؟ والا لا ؟
لان سبق شفت احد ردود الاخ محبوب الحرس يقول لازم تجيب صور بطاقات احوال مدري مين !!!
يعني بإختصصصآر ومن النهـآية ،، مين هم الاشخاص اللي اجيب صور من هوياتهم قبل ماروح اسلم الاوراق ؟؟؟؟؟؟؟؟؟ لان والله ماني من الرياض ياشبــآب 
وبعدين هل يطلبون صورة من بطاقة احوال الوالد ؟ ام يكتفون بصورة من كرت العائلة والا لازم الثنتين مع بعض ..؟؟
ومتى بيكون تقسيم السريات والشغل ذا .. زي ماسوو مع عسكري الرياض والشباب اللي بدت دورتهم من شهر
يعني اتمنى هالامور يكون عليها تركيز برضو ولا تـُهمل لان في شباب مثلي مايدرون كيف يتصرفون عند هالخطوة فـ اتمنى يفيدونا الزكرت اللي مرت عليهم هالخطوة ويشرحون لنا تفاصيلها
ويعطيكم الفين عافية ياشباب ودعاويكم لي بالتوفيق ان شاء الله
تحياتي لكم
17-03-2010, 06:16 AM
للرفع ياطـوـآل إْلششوٍآرٍب .. ! 
العرض العادي
