23-09-2010, 09:04 AM
|
 |
عضو مهم
|
|
تاريخ التسجيل: Nov 2009
المشاركات: 219
معدل تقييم المستوى: 2286
|
|
بسم الله الرحمن الرحيم
السلام عليكم ورحمة الله وبركاته
حنش الدجاج يحدثكم من مقهى مكسر مهربد المهم ماعلينا من التفاصيل
خنعطيكم العلوم 
رحت يوم الثلاثاء شؤون الافراد الصباح الساعة 7 ، قعدو لين الساعة 9 ونص تقريبا ينادون علينا اسم اسم وبطيئين بشكل مجنون ينادي بشكل بطيء وياخذ كرت المراجعة من كل واحد منا ويحطه بالملف الخاص فيك عندهم ويقول له اطلع الباص انتظر لين نخلص الباقيين وتوديكم الباصات على ديراب
عشان لاحد يجي يسأل بعدين الملف اللي يحط فيه كرت المراجعة الخاص فيك ، اللي هو فيه اوراقك اللي يوم قدمت عندهم اخذوا منك الاوراق هو نفسه الملف تلاقيهم مجهزين ملفاتكم وينادونكم بالاسماء اسم اسم وكل واحد يجي يعطيهم كرت المراجعة ويحطونه له بالملف الخاص فيه يعني انت اذا رحت لا تاخذ معاك الا كرت المراجعة وبطاقة الاحوال لاحد يقولي اجيب شهادة كذا اجيب صورة من مدري ايش ، بس بطاقة الاحوال وكرت المراجعة للعازب ، والمتزوج يجيب زيادة كرت العائلة وبطاقة الاحوال وكرت المراجعة ايضاً ...
المهم انتظرت لين خلصنا ورحنا بالباصات على ديراب ويقولون هناك اللي معاه سيارة يروح بسيارته عشان لا يسوي لنا زحمة لان اغلب الشباب جايين من مدن ثانية فـ عشان كذا اللي معاه سيارة او اللي يقدر يجي بسيارة يختصر الوضع ويفك أزمة قدر المستطاع
ماعلينا من هالكلام ، رحنا لمركز تدريب الحرس الوطني في ديراب ، وانتظرنا لين ماجات باقي الباصات فيها باقي المتقدمين ويجون مجموعة ضباط و افراد كل شوي ينادون بالاسماء من اوراق معاهم ، يعني يقسمون الشباب سرايا
وَ بس مافي شيء جديد يذكر ، طبعاً اذا رحت للسرية الخاصة بك انت والشباب اللي معك بنفس السرية يوزعون عليك البدال العسكرية ويطلبون منكم تقييفها ويعطونكم بعض التعليمات انكم تحلقون على الصفر وانكم تجيبون بدال رياضية وصور شمسية وصور من بطاقة الاحوال وخرابيط عادية وبس بعدها كل واحد يطلع ، طبعا الباصات في الاخير سحبت علينا ولا رجعتنا
عشان كذا الواحد اذا قدر يجيب معاه سيارة يكون افضل ، مع العلم ان في تكاسي تجي هناك جهة ديراب يعني لاحد يشيل همها ياشباب الامور تساهيل ترى
اهم شيء المويــــــــة الباردة الله الله بالموية الباردة ترى هناك بتعطشون حبتين اللي مايقدر يجيب معاه موية باردة اقل شيء تكون معاه ريالات عشان بتلقون هناك مكاين مشروبات غازية تبيع مويات ومشروبات غازية باردة اللي مامعه ريالات الله يكون بعونه بيعطش
وترى ماتطولون ترجعون على صلاة الظهر وانتم خارجين من هناك
وتحياتي للجميع ودعواتكم لي بالتوفيق ياشباب 
|
العرض العادي
