24-09-2010, 08:32 AM
|
 |
عضو مهم
|
|
تاريخ التسجيل: Nov 2009
المشاركات: 219
معدل تقييم المستوى: 2286
|
|
شباب اهم شيء اهم شيء لا حد يتهور ويجيب شنطة ملابسه يوم الثلاثاء اليوم اللي طالبين فيه التحضير
انتبهوا تراكم بتشوفون عالم كثير جايبين شنطهم مايدرون وش السالفة على بالهم الدورة بتبدا من يوم الثلاثاء
يوم الثلاثاء بس توزيع سرايا وبدال عسكرية يطلبونكم تقيفونها وبس لا جديد يخلونكم تروحون ، طبعا في واحد من الشرطة العسكرية اللي في شؤون الافراد سأله واحد من الشباب قال له نحتاج الشنط نجيبها والا لا ؟ قال له ايه جيبها ، قلت له ياخي ذا يستهبل تعرف نظام العسكر اللي هنا طقطقة على روس الشعب ، قال لا اكيد بنحتاجها ، تشحطط المسكين وشالها معاه وفي الاخير ما استفاد شيء رجع بشنطته ومعاه كيس البدال العسكرية اللي وزعوها مع البسطار والقايش
وفي واحد اعرفه كلمته بالجوال اكثر من مرة قلت له يابن الناس لاتجيب شنطتك من هالحين اقلك ترى الشنط مانحتاجها يوم الثلاثاء لانهم بيفكونا قال طيب طيب ، يوم الثلاثاء اقابله الا جايب الشنطة معاه .. ليش يافلان ؟ قال والله شفت اغلب الشعب جايبين شنطهم وانا يوم جيت مع ولد عمي حطيت شنطتي في شنطة السيارة قلت اذا لقيت العالم بشناطهم اخذت شنطتي واذا ماجابو بلاش اخذ
يعني باختصار في عالم ماتفهم عقولها صغيرة ، تدور العنا والشقا لنفسها
يالله بالتوفيق يالربع وفالكم الدورة والتخرج ودعواتكم لي حبايبي
|
العرض العادي
