الحرس الوطني وكل المعلومات عنه

جروح نت · #**4791** (**permalink**) 06-12-2010, 02:37 PM

يااخوان كم وصل سرا السواقين

فهريكو · #**4792** (**permalink**) 06-12-2010, 02:41 PM

شباب اللي فحص وقالو له جب تقرير عشان تعدي اللي رسبت فيه

1-من وين اجيب التقرير
2-يتاخرون في الاعاده ولا لا
3- ابي الزبده ومشكورين

نوااااف العتيبي · #**4793** (**permalink**) 06-12-2010, 03:54 PM

[align=center]
السلام عليكم جميعا

وكل عام وانتم بخير

وإن شاءالله مقبولين كلكم في خدمه دينكم ووطنكم بس عليكم بالصبر

بالنسبه للي فحصو ورسبو في دم او غيره وطلبو منهم تقرير

لازم يكون التقرير من مستشفى عام وحكومي بعد

لاني تعبت معهم لين جبت لهم التقرير وماهو تقرير بعد نتائج تحاليل انزيمات كبد بس الحمدلله قبلوها التجنيد وارسلوها للمستوصف عشان الدكتور يقرر إعاده تحليل

وللحين انتظر لي اسبوعين من حين سلمت للتجنيد التقرير وإللى الان ماردو المستوصف شكل الدكتور في إجازه

وبالنسبه للتاخير مافيه كلها اسبوع ويعطونك موعد

موفقين إن شاءالله

هاذا ماصار معي دعواتكم لي
[/align]

دحلاوي · #**4794** (**permalink**) 07-12-2010, 01:35 AM

والله مشتاقلكم كتير كتير .
وبالمره ابي اسجل حضوري وارفع قسمي !

المجهوول · #**4795** (**permalink**) 07-12-2010, 01:49 AM

السلام عليكم
اخباركم شباب
انا قدمت في تجنيد الرياض وتم تعييني في القطاع الشرقي لواء الملك عبدالعزيز وما اعرف شي عنه وقالو لي حتى الدورة تكون في الشرقية وش رايكم انا ابي الرياض وهل اقدر ارفض التعيين وش السواة هل الدورة فيه كرف وطبيعه العمل فية وهل فيه زيادات من ناحية الراتب تكفون الي يعرف شي عنه لا يبخل علي

بندوري القصيم · #**4796** (**permalink**) 07-12-2010, 04:17 PM

للرفع

سعادة العريف · #**4797** (**permalink**) 07-12-2010, 04:31 PM

اقتباس:

المشاركة الأصلية كتبت بواسطة الحوطه

[align=center]
سؤال لسعاده العريف

انا تعينت بالامداد والتموين مكتوب على كرت المراجعه اذا تعرف عنه شي كيف دوامه والراتب والصنف

طبعا انا شهادتي دبلوم كليه سيارات
[/align]

تعيينك في قاعدة الإمداد والتموين وعملها امداد وتموين الحرس بالصيانة وقطع الغيار للآليات وجميع المستلزمات المكتبية والبنزين ووووو الخ ودوامها عادي من الساعة 7 تقريبا الى 1 وتقريبا مريحين ماعندهم رمايات ولا مشاريع وبالنسبة لشهادتك اتوقع بيحطوك في صيانة الآليات وشهادتك عليها صنف اتوقع من 700 الى 800 ريال نسيت والله وعموما راتب بيصير تقريبا اساسي 2800 اعاشة 500 نقل 400 غلاء معيشة 420 صنف (( 700 تقريبا )) يومية ميدان 450 واخصم التقاعد 9% من الراتب الاساسي بيكون راتبك تقريبا 5000 بالتوفيق اخوي ..

سعادة العريف · #**4798** (**permalink**) 07-12-2010, 04:34 PM

اقتباس:

المشاركة الأصلية كتبت بواسطة الجندي الرائع

والله معلوماتك رائعه يا سعادة العريف
ويا ليت اذا ما عليك امر
تعلمنا عن مكافحة المخدرات الي في الحرس !!
طبيعة العمل,, الراتب,, الترقيات ,, الدورات

والله ياخوي ماعندي اي معلومات عن ادارة مكافحة المخدرات واتوقع عندهم بدلات وزيادات يعني رواتبهم زينه .. تحياتي ...

سعادة العريف · #**4799** (**permalink**) 07-12-2010, 04:36 PM

اقتباس:

المشاركة الأصلية كتبت بواسطة عااطل الغربية

سعـآدة العرٍيــف كفـيت ووفيـت . والــله . يسعدك

شهـآدتي في الكـلية التقنيـة . تخصص محـآسبـة .. ومعـآي فوقهـآ شهادة حـآسب آلي 6 شهور .. تتوقـع استفيـد منهـآ ..

وفقـك الـآـه إْخوٍي ..

اكيد تستفيد منها وان شاء الله يحطونك كاتب ادارة يعني على الحاسب ومرتاح جسديا مضغوط نفسيا من كثرة المعاملات ويعطونك صنف تقريبا 700 بالتوفيق اخوي ..

سعادة العريف · #**4800** (**permalink**) 07-12-2010, 04:44 PM

اقتباس:

المشاركة الأصلية كتبت بواسطة ياسر السيف

السلام عليكم ورحمة الله وبركاته
سؤال لسعادة العريف ولا يهنون الشباب الي يعرفون
انا تم تعييني في مدارس الحرس الوطني العسكريه
جامعي مدرسة المشاه كيف طبيعة العمل وش يكون العمل وراتب
الله يعطيك العافيه

مدارس الحرس الوطني العسكرية العمل فيها زين ومدرسة المشاة وظيفتها تعطي الضباط والأفراد دورات ضرورية في الترقية ( رجل مشاة - تأسيسة مشاة - متقدمة مشاة ) وانت عملك فيها راح يكون اداري راح يكون فيه طابور الصباح وبعدها مكتب ويمكن بعد فترة تاخذ دورات عندهم وتترقى وتصير مدرب في نفس المعهد عموما العمل فيها ممتاز والراتب اذا انت جندي يكون الراتب ( تقريبا ) 4500 الى 5200 واذا عريف 4800 الى 5500 وبالتوفيق اخوي ..

الحرس الوطني وكل المعلومات عنه

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته انـا الـحـمـد الـلـه طـلـع رقـمـي فـي الـحـرس الـوطـنـي ومـوعـدي فـي 30 / 7 وحـاب...

الحرس الوطني وكل المعلومات عنه

تسجيل الدخول

الحرس الوطني وكل المعلومات عنه

إستفسارات ونتائج الوظائف العسكرية

بسم الله الرحمن الرحيم السلام عليكم ورحمة الله وبركاته انـا الـحـمـد الـلـه طـلـع رقـمـي فـي الـحـرس الـوطـنـي ومـوعـدي فـي 30 / 7 وحـاب...

الحرس الوطني وكل المعلومات عنه