الحرس الوطني وكل المعلومات عنه

الا الجيش · #**621** (**permalink**) 29-11-2009, 10:33 AM

التقديم في السنه الجديد هذا لي سمعته ولله اعلم....

حنش الدجاج · #**622** (**permalink**) 30-11-2009, 01:35 AM

سلام ياشباب
كيفكم بشروني عنكم
كل عام وانتو الحب

حبينا نسلم ويعطيكم العافية

صابر واناصابر · #**623** (**permalink**) 30-11-2009, 02:14 AM

بشروني عنك مايدرون عني مادرووووو بالي شغل فكري وضني... وكل عااام ونتم بخير يالعطاليه...

تتوقعون فيه ارقام شاغرة بعد العيــــد؟؟؟

مشعل العقيص · #**624** (**permalink**) 30-11-2009, 08:39 PM

شباااب سمعنااا انه فيه تقديم ملفات بعد العيد <<<الكلام ذا صح ولالا

طالب التقنية · #**625** (**permalink**) 01-12-2009, 05:37 AM

السلام عليكم اللهم ارزق كل من في هذا المنتدى اللي يتمنااه ويرزقه المال الحلال قولو معاااي امين بس الله الله بالصلاة عشان الله يوفقناا
اسمحو لي اذا طولت عليكم
شكرا

طالب التقنية · #**626** (**permalink**) 01-12-2009, 06:00 AM

ياشباب أبي أسألكم اللي معه كلية تقنية(ادارة مكتبية) وش يعطونه من رتبة

حنش الدجاج · #**627** (**permalink**) 02-12-2009, 04:05 AM

اقتباس:

المشاركة الأصلية كتبت بواسطة صابر واناصابر

بشروني عنك مايدرون عني مادرووووو بالي شغل فكري وضني... وكل عااام ونتم بخير يالعطاليه...

تتوقعون فيه ارقام شاغرة بعد العيــــد؟؟؟

+

اقتباس:

المشاركة الأصلية كتبت بواسطة مشعل العقيص

شباااب سمعنااا انه فيه تقديم ملفات بعد العيد <<<الكلام ذا صح ولالا

ياحبيبي ياعمري ياقلبي انتاه .. والله اني شفت بعيني اكثر من واحد من الشباب رد على نفس هالسؤال

قال لكم عاطل الرياض من قبل .. التقديم على مدار السنة تحط ملفك في مكتب التجنيد .. ومتى ماجاء التعيين دقو عليك وقالو لك تعال لقينا لك شاغر .. وهذي اجراءات القبول خلصها وختــّم اوراقك ومعاملاتك من الاحوال المدنية والادلة الجنائية ومن عند العمدة والشرطة .. وبعدها يحددون لك موعد للكشف الطبي .. تجيهم وتسويه وان شاء الله ان شاء الله انكم تنقبلون وتمشي اموركم زي اللوز يافستق انت وياه

وبالنسبة للشواغر ماحد يعرف ان فيه شواغر الا الافراد والضباط الموجودين بمكتب التجنيد

تتوقعون في عساكر من حقين مكتب التجنيد موجودين هنا ؟

ما اتوقع ان في احد من الشباب عنده خلفية عن الشواغر ..

وعلى فكرة ياشباب ,, انا شفت لي واحد يوم رحت لمكتب التجنيد .. يسأل واحد من العساكر

اللي ورى الشبابيك .. قال له الظاهر : انا رقمي الظاهر كذا كذا .. كم باقي علي ويوصلني السرى

قال .. باقي عليك ياطويل العمر والسلامة حوالي السنة او اقل من السنة

يعني زبدة الكلام اللي يبغى يعرف كم باقي ويوصله السرى .. يروح لمكتب التجنيد مباشرةً وياخذ العلم من روس العساكر اللي هناك ..

مع العلم بأن اخلاقهم X .. "زفت" مع احترامي
مايتكلم الواحد الا من راس خشمه وانواع التصريف وروح شباك الصادر والوارد وروح شباك اعادة التعيين وروح شباك تنسيق الدورات

يجلسون يصرفون الواحد إلييييييين يكرهونه عيشته

يبغالهم الواحد المصحصح ونــَـفـَـسه طويل معاهم حبتين

عموماً ياشباب موفقين

مع تمنياتي لكم بالتوفيق

تحياتي محبكم

حنش الدجاج · #**628** (**permalink**) 02-12-2009, 04:13 AM

اقتباس:

المشاركة الأصلية كتبت بواسطة طالب التقنية

ياشباب أبي أسألكم اللي معه كلية تقنية(ادارة مكتبية) وش يعطونه من رتبة

نظامياً والمفروض ان طالب الدبلوم ياخذ احد هذي الرتب .. وكيل رقيب او رقيب او رقيب اول

واحده من الثلاث الرتب الموجودة بالاعلى .. طبعاً انا ذكرت الثلاثة لاني والله ما ادري اي واحده فيهم بالضبط ..

بس على ما اظن في طلاب تقنية في الحرس ورتبهم جنود

انت لاتحط في بالك هالاسئلة لانك بتتعب ومابتلقى لها حل

لكن خذ نصيحتي وانا اخوك وسوي اللي عليك

انا اعرف ناس معاهم باكالوريسات قدمو عند التجنيد على اساس ياخذون الرتبة المستحقة اوَ المعادلة لمستواهم الدراسي .. بحكم ان معاهم بكالوريوس .. لكن للأسف قالو لهم شهايدكم بلوها واشربو مويتها .. حنا تقديمنا هنا بالثانوية عندك ثانوية هاتها هذا المطلوب مانبغا غيرها

يعني بتسمع مني ومن غيري ومن كل واحد من الشعب السعودي افتاء في هالسؤال .. بـ تتعب نفسيتك على الفاضي والله ياخوي

قدم وخل الباقي على ربك

والله يقدم لي ولك وللأخوان اجمعين اللي فيه الخير

موفق حبيبي

تحياتي لك