سلام عليكم يالذيآبة
كفــــ..ـوو والله لكــ..ــل من ســ..ــاهم في انمــ..ــآء هــ..ــذا الموضــ..ــوع بـ..ــأي معلـ..ــومة لديــ..ــه
بس انا ياشباب عندي شوي معــ..ــلومــات ودي اقولــ..ــها .. وودي استفـســ..ــر عن شيء مهــ..ــم ماحـ..ـد عطــ..ـاه اي اهتمــ..ــام في الموضــ..ــوع
الكثير منكم سأل عن الطول المطلوب .. حلـــــ...ــــو ؟
انا مقدم وعطوني 60 الف ورقة فيها معلومات من ضمنها مكتوب ,
الحد الآدنى للطــول المطــلوب : 160
ورأيت هذه العبآرة على احد الاوراق اللي وقعت عليها بمكتب التجنيد لديهم ][ بــ..ــأم عيــ..ــينــ..ـي ][
وانا بعد شفتها مثلك
مكتوب الا يقل الطول عن 160
يعني ياشباب هدوو وارتاحوو وصدقوني صدقوني صدقوني الموضوع بسيط اكثر مما تتوقعون
وعلى فكرة ياشباب .. انا قدامي واحد شفته طول عادي والله ماتوقع يتعدى الـ 170
ووزنه الظآهر متعافي الرجال شوي .. مو مرة منتفخ ولا مرة رايح فيها .. يعني متعافي شوي ومكرش الرجال الله يعطيه الصحة والعافية .. قاسو طوله ووزنه في مكتب التجنيد .. ومشت الامور زي اللوز .. صدقوني التدقــير مو لذيك الدرجة بس انتو روقو وارتاحو
على فكرة ياشبــآب , المشكلة بمكتب التجنيد تدرون وين ؟
مع الافراد اللي من ورى الشبابيك .. نظامهم مع احترامي للحرامي .. وبصراحة نفسي نفسي
صـدقـت والـلـه
يعني كل واحد يرمي على الشباك اللي جنبه .. معاملتك عند فلان معاملتك عند فلان الفلاني تلقاها عند الشباك الفلآني .. وفي ناس داقين عليهم جوالات الحرس قالو لهم تعالو في شواغر .. واللي يجي من الغربية واللي يجي من الشرقية في والمسكين يجيب اوراقه وشهايده ويمكن حتى يكون في كلية المسكين ويسحب منها عشان ياخذ شهايده الاساس : [ الثآنوية + حسن السيرة والسلوك ]
وفي الاخير يوم يجي لمكتب التجنيد .. يجلسون يماطلون فيه لين مايطلعون روحه .. لين مايحبطونه ويحطمون اهل اهله المسكين .. واحد قدامي شفته شوي وبيبكي .. يقول ياجماعة الخير انتو امس داقين علي تقولون تعال بكرة مكتب التجنيد لقينا لك شاغر ومساكين في منهم مقدم من 4 سنين وانتو ماشيين ..
المهم رد عليه العسكري من ورى الشباك بنفس خايسسة : يالحبيب رقمك مو موجود عندنا ولا اسمك
تاكد روح مدري وين مبني هيئة شئؤون الافراد <- وإنــووووآآآع المرمطــيشن ياشباب
يعني اللي باوصله لكم ياحببايبي الطول + الوزن .. مايهتمون فيه بالحرس بذاك الزود
اهم شيء اذا عندك صبر وقوة تحمل ومايبغالهم الا اللي معاه 100 قلب .. ويقدر يتداقش يمين ويسار ليييييين ماتوصل اوراق التعيين + الادلة الججنائية + الكشف الطبي + الاحوال المدنية
هذي اهم شيء .. صدقوني ياشباب انا انسان مريت بكل هالامور وما اتكلم من فراغ ولا من عدم
يعني كل الشباب القلقانين يرتاحون ويتطمنون
بس ماقول الا الله يكون بعونكم على الافراد واسلوبهم في التصريف .. كل واحد يرمي على الثاني
وربي يضيع نص النهار وانت متمرمط بين الشبابيك .. وفي الاخير اذا حسو ان الغلط منهم .. يقولون لك اجلس اجلس على كراسي الانتظار الى ماننادي على اسمك ؟ ! 
كيف ينادون على اسمي وهم قايلين المعاملة ماهي فيه .. يعني نظامهم من جد ينخول الواحد
بس برضو لازلت اقول واكرر واعيد .. كل هالامور تافهه وبسيطة وخرابيط فاضية وماتستاهل الخوف ياشباب .. قبل لاتدخل حط في بالك بتتمرمط مع الافراد .. يجيك الواحد يسوي فيها عريف ركن لواء حائز على شهادة الاوسكار في تجنيد الشباب السعودي .. 
عموما حبآيب قلبي انا في شيء مخوفني وهو اللي الواحد مفروض يخاف منه
اللي هو الكشف الطبي .. انا مريت بكل الاششياء السابقة وشفت الاسلوب والوضع كيف وعطيتكم ملخص كامل عن كل اللي واجهني وكييف اسلوبهم معاي من الالف للياء
بس اللي يهمني هالحين موضوع الكشف الطبي
باقي لي الكشف حاطينه بعد كم شهر .. والله اني انام على قلق واصحى على هم وغم كل ماتذكرت سالفة الكشف الطبي
ابغى اعرف من الشباب اللي مرو بالكشف الطبي وش وضعهم وش نظامهم
انا بااااقي ما مريت على الكشف
موعدي في شهر 1
بس ان شاء الله تسهيل
في تدقير في الكشف الطبي .. يرجعون يقيسون الطول من جديد ؟ <- طولي رايح فيها شويتين
ولا بتمشي الامور سهايل ؟
وبالنسبة لموضوع البدل والثياب في شباب يقولون الكشف تجي ببدلة وبدون جوال ومدري وشو
انا عندي ورقة من الحرس الوطني
فيها تعلميات خاصة للمتقدم قبل إجراء الكشف الطبي العسكري
تـقــول :
1- الالتزام بموعد الحضور الساعة 8 ص بإدارة التجنيد وفي حال الـتأخر قد يتعرض طلبك للألغاء .
2- الحضور للكشف الطبي بعد أخذ قسط من الراحة والنوم قبل الفحص لمدة (6-7) ساعات .
3- ارتداء لبس رياضي بدون جزمه وشراب (حذاء فقط).
4- عدم إحضار الجولات.
5- التأكد من نظافة الأذنين وخلو القناة السمعية الخارجية من الصمغ وذلك بمراجعة الطبيب المتخص قبل موعد الكشف .
6- الاستحمام وغسل الجسم ، وتأكد من نظافة البدن والأسنان .
7- إخبار الطبيب بأي أعراض أو أمراض مزمنة وإحضار العلاج المستخدم أو الذي سبق استخدامه .
8- إحضار أي تقرير طبية سابقة ، لأنها ستنفعك في الكشف الطبي .
9- عليك الحضور لوحدك ، ولن يسمح بدخول أي أحد من المرافقين أو الأقارب .
10- إحضار أسـاس بطاقة الأحوال .
11- على الأفـراد المعينين على وظائف فنية وطلبة الخدمات الطبية وطلبة سلاح الإشارة وهم يرتدون نظارة طبية عليهم إحضارها عند الكشف الطبي لأهمية ذلك .
وانا والله ماني من اهل الرياض .. بأجي برحلة مباشرة من المطار على مكتب التجنيد .. فـ ودي اكون جاهز ومجهز اموري من بيتي .. يعني اجي ببدلة رياضية ولا بثوب عادي ؟ !
وايضاً .. وش الاشياء اللي يطلبها منك الدكتور تسويها اذا دخلت عنده .. في واحد يقولي ان الدكتور قال له : خذ لفه .. خذ لفه ثانية .. روح عند الباب .. تعال خلاص .. وبعدها مشى 
معقولة ياششباب لذي الدرجة ؟
بالله اللي عنده اي معلومة بخصوص الكشف الطبي لا يبخل بها علينا يرحم والديكم
والله اني ممغوص وخايف من الكشف ... لآ ليلي ليل ولا نهـــآري نهار ياجماعة الخير
ياليت الشباب اللي مرو بالكشف الطبي ، يفيدونا اكثر واكثر بهـ الموضوع
واي سؤال بالنسبة لكل اللي مريت فيه سابقا وفي احد ماهوب عارف كيف يتصرف او ايش يسوي
يبشر بعزه .. يكتب سؤاله وانا جاهز اشرح له بالتفصيل الممل .. ومانبغا الا الدعاء بظهر الغيب والاجر من الله عز وجل
تحيآتي لشباب الحرس ورجالها 
لي عــ..ــوودهـ
15-11-2009, 10:32 AM
العرض العادي
