حياك الله بين اخوانك ومنورٍ الموضوٍع ،
شوف انا قبل ما ابدأ اتكلم بس باقولك شيء في البداية ، بدايةً اباك تاخذ الموضوع بصدر شرح
واعتبر كلامي مجرد دردشة في قهوة ، يعني لاتزعل ولا تاخذ بخاطرٍك من كلامي
اولاً يالغالي ، يعني انا اشكر لك حماسك وحبك لمساعدة الاخرين واحب اثني على كلمة كتبتها قد تصب في مصلحتي ومصلحة الاخوان المتجندين بالحرس ودوراتهم بـ تبدأ قريباً
الشيء الثاني حبيب قلبي ، يعني بالنسبة لمدة الحجز ما اتوقع انها صحيحة لان اغلب الاخوان يقولون شيء ثاني ، وخلنا نقول احتمال انها صحيحة كل شيء وارد
بالنسبة لكلامك انا عندي ملاحظة صغيرة وياليت تتقبلها بصدر رحب يالغالي ،
طبعا مايخفى عليك هنا الشباب مو متواصلين بهـ الموضوع ولا شادين حيلهم يردون ويشاركون بالموضوع ذا ، الا لان اغلبهم ماوصل ملفه للتعين الا بعد جهداً جهيد ، وبعد تعب والله وحده اعلم بالمشاكل اللي حصلت لكل واحد منهم عشان يلبس بدلة الجندي ،
اغلب الاخوان هنا خايفين من امور الكشف الطبي و و و ... ،
واحنا جالسين نهدي فيهم ونحاول نحسسهم ان الموضوع تافه وبسيط ، مع ان حقين الكشف يرفعون الضغط ويجيك واحد منهم يرفع صوته بعض الاحيان على المتقدم ، بس انا والاخوان ماحد ذكر شيء من هالكلام للي كانو يسسألون عن الكشف ...،
لأن احنا هنا نبا نهدي الشعب نبا نسهل الامور عليهم مانبي نحبطهم ونحطمهم ، يمكن الاحباط والتحطيم يكون له دور كبير على نفسيتهم >> يخبصون في الكشف الطبي والا انهم يتشابكون مع احد الدكاترة والسبب لان احد الاخوان الطيبين في المنتدى جلس يعبي روسهم بأن دكاترة الكشف ماعندهم لا اخلاق ولا احترام للمتقدمين ،
طبعاً الكلام هذا مجرد مثال لاخونا امير نجد يعني الاخوان اللي عندهم كشف طبي ، لا يجيني يقول من جدك دكاترة الكشف هذا اسلوبهم ؟
بالعكس محترمين للغاية وكلهم ضباط دكاترة وسبق وقلت هالكلام ، والله قمة في الاحترام جميع الدكاترة
فـ انت اخوي امير نجد الله يهديك جيت وعلى قولتهم مسكت الجرح الناشف وجلست تضغط عليه وتفركه الى مانزل الدم ، يعني كلنا عارفين ان الدورة فيها تعب وفيها كرف ، وشيء طبيعي هذي هي الحياة العسكرية ، والاخوان عسكري الرياض وحبوب 9 سبق وقالو لنا ان الدورة تعب بسيط في البداية وبعدين تتأقلم وتنبسط فيها ، واحنا قاعدين نحاول نتناسى موضوع الدورة ليومها ، بس ماكان فيه داعي انك توصف معاناتك بشكل دقيق ، انت كذا والله احبطتني انا ، وهذا طبعاً غير الباقيين يمكن في شباب تحطموا بعد ماقرو كلامك بس مابين عليهم الشيء ذا ؟
طيب ياخوي انت الله يعطيك العافية كتبت لنا انو بتنهان كرامتنا و و و .. طيب ياخي كان في اسلوب احسن لتوصيل المعلومة يعني اكثر لباقة ، معليش تحمل اسلوبي بس انت جيت وطخ طخ طخ طخ على قولتهم جالس ترمي قنابل علينا هنا واحنا تونا ماقلنا "بسم الله توكلنا على الله"
انا اقدر لك جهودك وانك حبيت توضح لنا طرق تعامل المدربين معانا في الدورٍة ، بس الله يهديك انا اللي مسوي فيها جالس اهدي الشباب في ذا الموضوع اي واحد قلقان ولا خايف اجلس اهدي فيه ، احبطتني قسم بالله بعد ماشفت كلامك
عامل نفسي ، انت الان قاعد تأثر على نفسية اشخاص كثيرين باي كلمة تكتبها بما انك مريت على الشيء اللي هم يسألون عنه ؟ يا انك تجي وتعطيهم كلمتين حلوين تفتح نفوسهم على الدورة والا تجي وتخبص اوم اومها معاهم وتمشي ، وعاد الشعب السعودي مايحتاج نفسية الواحد في راس خشمه ومستعد يتضارب يد بيد مع حقين التجنيد والا حقين الكشف الطبي والا حقين الدورة ،
يعني معليش عذراً ، كان في اكثر من اسلوب انك تجي وتقول هالنصايح فيه ، انت ممكن بكلامك هذا الحين على قولتهم شيشت راسي وَ اي كلمة يقولها لي وااحد من المدربين في الدورة باطير في وجهه ويمكن اقلبها شكل معاه ،
ويمكن اذا دقو علي قالو دورتك حددنا موعدها تعال وخذ كرت المراجعة ، اقلهم يعطيكم العافية مابغا لا دورتكم ولا عسكريتكم ما دام هذا اسلوبكم مع العالم
انا ما اقولك لا توصف ، اوصف اللي حصل لك في الدورة بس بشكل ايجابي رغبنا في الدورة حببنا في الدورة ، مو تجي تحبط في اهالينا وتطلع <= عشآنك خلاص تخرٍجـت ؟ ! 
ويعطيك الف عافية واسمح لي اذا زليت بكلمة في ردي اخوي
تحياتي لك 
__________________
04-04-2010, 06:59 PM
شرواك الطيب 
العرض العادي
