ساعدوني ،، !!

انوووثه · #1 (**permalink**) 31-05-2009, 02:47 AM

السلام عليكم ورحمه الله وبركاته

كيف حالكم ؟

عندي مبلغ بسيط حوالي 20 الف واتمنى اعمل به مشروع بسيط

لو ربحه بسيط المهم دايم

مهما كان وانا بنت ــ

وش تنصحوني فيه الي مجرب شئ ولا سامع عن شئ ياليت تخبروني ؟

وش رايكم بالأسهم ؟

وش رايكم بغـيرها ؟

ابي ارائكم تكفون لاتحرموني ،،

جزاكم الله الف خير

سيرياليه · #2 (**permalink**) 31-05-2009, 02:56 AM

القسم المناسب

وفقكِ الله

ابو ياسر · #3 (**permalink**) 31-05-2009, 04:08 AM

هلا فيك اختي انتي عندك الرغبه ترى التجاره يبي لها بال وصبر وطولت بال
ولاكن خليني اعطيك اشويه نصيحه من اخ لك انا رئي انك تبيدين من البيت
انتي اشتري اشويه اكسسورات وفساتين وعطورات تكون رائحتها حلوه
ابدي من الاسعار الرخيصه الاهم ترى الريحه والذوق وخلي بدايتك الف ريال
وزعي على العائله وجربي ومو خسرانه وربي يوفقك

بزنس مان · #4 (**permalink**) 31-05-2009, 04:12 AM

ابعدي عن الاسهم ما ورها الا الخساير

مجرد نصيحه اخويه

يحيى صالح · #5 (**permalink**) 31-05-2009, 05:31 AM

وانا رايي من راي اخوي ابداع القصيم
وبعدين الصيفيه جايه دوري في المخيمات الصيفيه
ومثل هالاماكن اللي فيها تجمعات نسائيه
وخذي لك كشك وشويه اكسسوار على شويه عطور وادوات تجميل
وشوفي وشلون الشغل حريييييييقه خذي راي اخوك
اقل ما تطلعين لك 5000 في الشهر وكمان
تسوين لك كروت وكل ما تبيعين على وحده تعطينها كرتك
واذا بضاعتتك جيده وحلوه صدقيني في الحاله هذي ان جوالك مايوقف اتصالات
واذا انك في جده افضل وافضل اقدر اوفرها لك من اسواق الجمله
وصدقيني مربحها تدبيله ومكسب حلو من راس مال بسيط
اتمنى اكون افدتك باللي اقدر عليه

تحياتي
يحيى صالح

أحبك يازوجتي · #6 (**permalink**) 31-05-2009, 09:40 AM

وعليكم السلام ورحمة الله وبركاته

أول حاجه لاتستعجلي ، فكري على مهلك .

الله ييسر لك

محمد الطميحي · #7 (**permalink**) 31-05-2009, 05:46 PM

الأسهم أبعدي عنها
وإن شاء الله تستفيدي من مبلغك في مشروع جيد

انوووثه · #8 (**permalink**) 31-05-2009, 09:09 PM

سيرياليه جزاك الله خير

:

ابداع القصيم

فكرتك حلوه لو انها صعبه بالنسبه لي كـ بنت !!
وانا من النوع الي ماطلع كثير .. !!

فـ ياليت نشوف غير هالشور ربي يسعدك ؟!
محتاجه اشغل فراغي بشي حلو ومثمر ؟!

لو كان حلك اخر الحلول

وبالنسبه للتجاره حابه اعرف كيف ابدا كيف سالفه البيت ؟

اما الأسهم ان شاء الله ببعد عنها ؟!

:

بزنس مان

ابشر ياخوي وحياك ربي

:

يحيى صالح

هلابك ،،
بالنسبه لشوركم حلو ،،
لكن صعب بالنسبه لي انا بالشرقيه
ممكن نوع من البضاعه محدد و مربح افضل من 20 نوع احس ؟!

ياليت والله يكون تدبيله السعر حتى لو اشري من جده لو اني مو منها
انا من الشرقيه .
مشكور اخي ماقصرت .

:

احبك يازوجتي

ان شاء الله ابشــر
وحياك ..

:

محمد الطميحي

ان شااء الله ابشر وياليت تعطونا مشروع جيد
الله يسعدكم ،،

.
.

مازلت بـ انتظار ارائكـــم ،،

القاموس · #9 (**permalink**) 31-05-2009, 09:10 PM

لاتخشين في الاسهم نصيحه

محمد الطميحي · #10 (**permalink**) 31-05-2009, 09:22 PM

في نظري من أفضل المشاريع النسائية خاصة لمن تملك مبلغ مثل هذا المبلغ
مشروع نسائي يبدأ من المنزل والزبائن الصديقات القريبات وغيرهن
وأقصد الإكسسوارات النسائية وأيضاً البلوزات والتنورات وغيرها ففيها دخل جيد
وأنا مجربها
بالنسبة للإكسسوارات الشراء جملة من الخاسكية وكذلك أدوات التجميل
والبلوزات والتنورات من عمائر الباشا
الله يوفقك