08-09-2009, 06:40 AM
|
 |
عضو جديد
|
|
تاريخ التسجيل: Jul 2009
الدولة: United Kingdom
المشاركات: 23
معدل تقييم المستوى: 3096
|
|
السلام عليكم ورحمة الله وبركاته
اولا :اعتذر جدااااااااااااا عن التاخير لكن لظروف ماقدرت اروح للرياض الا امس الاثنين ولا حبيت اني اكتب رد باليومين السابقين وتشوفن اسمي وتدخلون تبون العلم ويخيب ظنكم
المهمممممممممممممممممم
اول شي سويته يوم دخلت الرياض رحت لمبنى 5 في مدينة العلوم والتكنولوجيا حيث مكان ادارة دعم البحوث
المهم لقيت القسم قاعا صفصفا مافيه احد تقول رمضان حرام يداومون فيه
لكن الحمد الله بحث البحث لقيت شخص كريم(ادعوله بالتوفيق)في قسم الصادر تعاون معي ووراني صورة القرار الصاااادر
التفااااصيل
الي قدمو عليهم 700 طالب وطالبة
طبعاااا انا نشبت له بالاسئله وهو والله ماقصر جاوب بالي يعرف
يقول هو(اعتقد ان خلاص الي ماسوو معهم مقابلات شباب او بنات اعتقد خلاص الله يوفقهم في مكان ثاني)
***طبعا اخت حاسوبة وبقيت الي ماسوو مقابلة معهم ترا هو ماكان متاكد مرره حتى انه قال يمكن انهم باخذون كل فتره دفعه***والمرشحين ال12 كبداية***فلا تفقدون الامل وخلو اتكالكم على الله
اما الي خلصو المقابلات
اولا مطلوب 4 تخصصات(هذا انا قريته بعيوني بالقرار الصادر منهم لادارة المدينه)
محاسبة
هندسة
حاسب الي
علوم اساسيه
طبعا هم على قولة الاخ يبون ثلاث شباب وثلاث شابات من كل حقل
يعني 3 * 4 =12 شاب و12 شابة
طبعا انا لقيت اسماء الي ترشحوو نهائي بس باقي الحاسب الالي لسى ماطلعو(الي انا منهم للاسف)
يقول احتمال الاسبوع القادم يطلعون لان القرار شبه خالص بس لسبب اجازات الموظفين تاخرو
ولا انسى اخواتي البنات طبعا ماحصلت ولا اسم بنت بالقرار فسالته (عاد هو جلس يطالعني يقول وش يبي هذا) انا قلت له لا بس حاب اعرف لان شخص موصيني اسال عن قريبته(استغفر الله على الكذبه)بس انتم سالتو ان شاء الله مو كذبه
الي فهمته من كلامه انو الحاسب الالي شباب والبنات كل التخصصات ماطلعو الاسبوع هذا بيطلعون الاسبوع الجاي
وراح يبلغون الجميع
طبعا انا قريت الاسماء بس اعذروني والله ماجمع مخي احفظ ويمكن لاني كنت منصدم ماطلع الحاسب الله اعلم
لكن انا اوعدكم لي رجعه الاسبوع الجاي راح اخليه يعطيني صوره من القرار(صار يمون)
بس هو اسم واحد لسى في بالي طبعا الاسم الاول بس وهو راكان وتقديره جيد جدا وتخصصه محاسبه
عاد الي توافق عليه الشروط اعلاه لاينسانا من الدعاء
اما بالنسبه للرواتب فهو مثل الخدمه المدنيه
يعني بكالريوس السابعه
ماجستير<<مثلي الثامنه
عاااد يوم طلعت منه رحت لواحد ثاني
قعد اساله وجاوب مثل الاخ السابق
وقلت له انا عندي بعثة دكتوراه واخاف تروح مني <على بالي بخليه يطلع شي لو مخبيه
قالي لااااا رح دكتوراه انسى المدينه قلت لا يبن الحلال انا ماجستير ولي سنة ماتوظفت ابي خبره لاحق ع الدكتوراه قالي لاشوف وجهك الا بعد الدكتوراه واخذ اسمي وكتبه بورقه<<الله يستر لايشطب اسمي لو طلع
النهاية اعذروني لو قصرت بس والله هذا الي قدرت اجيبه
واوعدكمممممممم الاسبوع القادم اني انشب للحبيب لين يعطيني صورة القرار وجيب كل الاسماء عيال وبناااات
اسف على الاطااااااااااااااااااااااله
على فكره اول شي سويته يوم رجعت بريده رحت انزل الرد فدعولي بالتوفيق وياكم
تحيااااتيـــــــــــــــــــــــــ للجميع
التعديل الأخير تم بواسطة ماجستير عطالة ; 08-09-2009 الساعة 06:48 AM
|
العرض العادي
