[align=justify]
السلام عليكم ورحمة الله وبركاته

بإختصار وبعد ما سكرت الأبواب بوجهي وفقدت الأمل بالحصول على وظيفة و قررت أفتح لي مشروع يصير لي مصدر دخل رئيسي وثابت وما أحتاج أحد غير الله ، خصوصاً إني أفكر إنه بكرة بيكون عندي أسرة و أولاد أنا مسؤول عنهم أمام الله أبغى أضمن لهم حياة سعيدة ، و لأن ما عندي رأس مال قررت إني أنسى أو بالأصح أتناسى موضوع المشروع .

مرة من المرات كنت جالس مع شباب في قهوه وكانوا يسولفون عن صندوق المئوية و إنهم متعاونين و يقدمون قروض حسنة للمشاريع و نصحني واحد منهم إني أقدم طلبي يمكن الله يكتب لي وأحصل على قرض منهم و ينفتح لي باب رزق ما كنت أدري عنه ، و فعلاً فكرت بمشروع كان برأسي من زمان و أقسم بالله العظيم إن هالمشروع حلمي وكنت واثق من نجاحه خصوصاً إن المجتمع ما زال محتاج للفئة هذي من المشاريع و فعلاً قدمت الطلب وشرحت مشروعي ، و جلست أنتظر ردهم .

لأني كنت واثق من مشروعي مليون بالمية ما توقعت أبداً يتم رفضه ، و فعلاً بديت أشتغل على الموضوع وإخترت المكان وسألت عن الأجار وطلع مناسب لرأس المال الي طلبته وكان يتراوح بين الميه وخمسين ألف للميتين ألف ريال ، و فوق كذا كلمت العمالة وإتفقت معهم ، و سويت دراسة جدوى للمشروع ، و قررت يكون عندي نظام مكافآت للعمالة من غير الراتب المغري .

لكن طولوا الصندوق ما ردوا ، و قررت أتصل فيهم وأسألهم ، لما إتصلت وسألت الموظف الي رد علي صدمني وقال لي بكل برود مشروعك تم رفضه ، طيب وش السبب ؟ قال إنه ما معي شهادة خبره خاصة بالمشروع ، و يقصد الموظف إن ما معي شهادة خبرة المفروض يحصل عليها العامل مو أنا ، أنا ما راح أشتغل بالمحل لأن عندي عمالة متخصصه في هذي الشغلة ، و أصلا في السعوديه ما عندنا ولا شخص يشتغل هالشغلة ولا أحد عنده هالشهادة ، و شيء طبيعي إنه العمالة بتكون حاملة للشهادة هذي ، صدقوني العيب مو فيني ، أنا كان من الممكن إني أشتغل لو معي هالشهادة لكن ما عندنا للأسف معاهد تدريب متخصصه في الشغلة هذي .

صدمني ، و قلت له مع السلامة و سكرت السماعه ، و قررت إني أنسى الوظيفة وأنسى المشروع ، و سألني أبوي ليش ما توظفت للحين ولا اشتغلت ، و خيرني بين إني أتوظف أو أطلع من البيت ، طيب ليش ما يفهم أبوي إن الوظائف مو بكيفي ؟ و هل لو ما لقيت وظيفة الحل الوحيد هو طردي من البيت ؟ أنا يائس بصراحة من كل شيء و إنسدت نفسي من كل شيء ، ما أحد راضي يفهم حجم الكارثه أو حتى يستوعبها !
[/align]

لا تيأس من رحمة الله

حاول وحاول وحاول .... مليون مره حاول

النجاح لا يأتي من مره واحده

غير المشروع الى مشروع اخر يمكن تتوفق فيه وتمشي امورك

وادع الله انه يكتب لك الي فيه الخير خاصة في مثل هذا الوقت الثلث الاخير من الليل

قم توض وصل ركعتين وادع ان الله يفرجها ويرزقك من واسع فضله ولا تنساني من دعائك

الله يكون بعونك

مثل ماقال اخوي بزنس بكل بساطه غير المشروع ولا تيأس

بالعكس انتوا الشباب عندكم فرصه اكبر في المشاريع لانها متنوعه وكثير

ان شاء لله تتوفق وتتيسر امورك

بالتوفيق اخوي ,,

الله يريح بالك ويزيل همك ويفرج كربك ياخوي لاتزعل نفسك والدنيا والله ماتسوى وبعدين هادا رزقك يعني لاتخاف ح يجيك !

وحاول ولاتيأس وهاللحظات تمر علينا كثييير توكل على ربك وأستغفرررررررر كثييييييييير وحاول تعيد دراسة الجدوى وطورها واستشير اللي أكبر منك بالسوق ويفهم بالمشاريع وتطويرها وحاول تفهم المشروع من كل الجوانب وأرجع ارسلها مرا ثانية وبإذن الله يووافقو عليه وصدقني ح يوافقو عليه بس أكيد فية خلل بالدراسة حاول ولاتضعف وخليك متفائل وقوي قلبك !

وأكيد الوالد مايقصد بكلامة بس حب يقسى عليك عشان تعمل شي لنفسك وطبعا من خوفه عليك وأنت حاول تشرح له الموضوع بهدوء ونحنا هنا أخوانك وأخواتك ح نساعدك قد مانقدر وطمنا عليك ؟!

الله يووووووووووفقك ويسهل لك امورك ويرضى عليك ويفتح لك أبواب رزقة يارب العالمين .

الله يكون بعونك ياخووي



طيب اذا عندك سياره خاصه ليش ماتكد عليها احسن من القعده بالبيت

موفق

اخي العزيز كن قريبا من الله وثق بالواحد الأحد..ولاتيأس..كيف تريد ان تصبح رجل أعمال مدعوم من صندوق المئوية وأنت اصابك الاحباط من أول رفض للمشروع..يشهد الله اني قدمت على الصندوق اكثر من مرة ويتم الرفض ولكن بفضل الله ومع المحاولات والاصرار أكرمني الله وتم الموافقة على مشروعي ومازلت ا نتظر اتصالهم لتوقيع العقد منذ شهر ومع ذلك سأصبر حتى يتم توفيق الله...فكن قريبا من الله ولاتيأس ولا تقنط من رحمة الله.

لا تفقد الامل قدم مرة ثانية وبمشروع ثاني

واحب اقول لك ان اجراءات الصندوق تاخذ وقت طوووووويل يعني حاول تشتغل اي شغله ثانية

اخوي روح لعبد االطيف جميل ( باب رزق جميل) ترى تعملهم جدا راقي ومحترو روح جرب عسى الله يفرجها في وهك ياصاحبي ولا تنسي ( ولا تقنطو من رحمة الله )

لا تيأس أخوي ..
أرجع قدم طلب ثاااني ..
وشوف مشروع ثاني .. وان شاء الله ربي يكتب لك رزق فيه ..
ولا تيأس من روح الله .. لا ييأس من روح الله الا القوم الكافرين ..
الدنيا يبي لها جري وكفاح وكبد ..
ما فيه شي يجي بالساهل .. ابد ما فيه ..
والله يوفقنا وياك في يحب ويرضى ..
موفق ..

قدم مرة ثانية ماراح تخسر شيء ..

ومو شرط نفس المشروع اللي في بالك ..

لو تشوف لك نشاط مربح ويوافقون عليه ..



بعدين من ناحية ابوك .. يقول يا الوظيفة والا بطردك من البيت ..

صدقني مافي احد ( أحن ) عليك من ابوك .. لكن يقول هالكلام يبيك تتحرك اكثر واكثر ..
ادري انك تحركت .. لكن لا تيأس يا بعدي ..


بعدين ابوك مستحيل يطردك من البيت ..

والله لو انك













































نصراوي

مزحة على الخفيف .. والله يوفقنا واياااااك ..