جزاك الله خير

الله يجزااك خير
بس هالانجليزي مشكلة وربي
مايمديهم يستغنون عنه

أنا عندي شهادة ثانوية وشهادة دبلوم شامل تقدير ممتاز بيقبلوني ولا لا

ممكن اخوي تعطينا مكان مكتبهم في جده
اكون لك شاكر

جزاك الله خير

مشكورررررر..... ويا ليت تزودنا بالمعلومات اللي طلبوها الاخوان

جزاك الله خير

مشكور اخوي ..

طبعاً انا مقدم عليهم واتصل علي واحد من الهند تقريباً قبل شهر .. وقال لي ممكن اسوي لك مقابله شخصيه مبدئيه لمده خمس دقايق على الجوال .. قلت له( نو برابلوم .. تك يور تايم ) .

وبعد ما سوى لي المقابله قال لي برسل لك رساله ع الايميل ..

وبعدها بأسبوع اتصل علي واحد من الرياض قال تعال سو مقابله .. ورحت وسويت المقابله مع الي في الرياض طبعاً هندي .. والشركه اغلبها هنودي ..

المشكله هنا ان لغتي الانجليزيه نوعاً ما ضعيفه بس هو تفهم وضعي وحاول يتكلم معاي بمصطلحات بسيطه .. ومشيت معاه ..

المويهم طولت معاه في المقابله وحسيت انه انبهر مني .. يعني شوي بيقول لي جيب اوراقك خلاص قبلتك ..

بس سألني السؤال القاتل بالنسبه لي .. قال ( كم تتوقع الراتب ) .. قلت له ان قيمني على حسب خبراتي وشهاداتي .. ؟!!

زبدها في وجهي كانه يقول لا تتفلسف .. قال ( قف مي نمبر ) .. قلت له ( اي لوكينق فور بيسك بتوين 4 اند 4 اند هاف ) .. انا قلت له كذا قلبت الوان وجهه ..

قال ثانكيوو مستر .. انا لازم الحين قيمتك بس بستشير السوبر فايز والكند سوبر فايز .. قلت له مو مشكله بس متى اتوقع الرد .. قال الاسبوع الجاي ..

مر الاسبوع الاول والثاني اتصلت عليه . قلت له اني انتظر رده للحين قال اليوم برسل لك الرد على الايميل ..
وطبعاً الي قهرني ما اتصل ..

وبعدها للحين واهو ما يتصل ارسلت له ايميلات واتصل عليه ما يرد .. وارسلت له رساله على الجوال .. واهو ساحب علي .. بس مدري ليه لاهو قال لي قبلناك ولا هوو قال ما قبلناك ..

على العموم ياشباب انا اقول لكم ترى الشركه قويه والي بتحصل له فرصه عمل فيها بيكون محظوظ ..

وحسب مكالمتي مع مدير التوظيف الي بالهند قال لي انهم محتاجين لـ 30 مهندس او فني سعووديين حالياً في السعوديه . لانهم متعاقدين مع شركه عذيب ... وبتكون فرصه لكسب خبره قويه ..

علماً ان شركه ويبرو كانت ما تآخذ إلا موظفين جامعه البترول .. ولكن هم هالحين يبون حتى لو عندك دبلوم حاسب ..


وشكر خاص لصاحب الموضوع مره ثانيه .. واسف على كثر هرجي ...


تحياتي
عاطل << فوور ايفر