والله انا ماعندي خبره في هالامور

بس والله انا تعبت في البدايه في وضيفتي

ما تأقلمت وماني عارفه راسي من رجولي

والمهام مره كثيره

بس مع الايام صار الامر هين ( بعد 3 شهور )

وفهمت كل شي

مع اني ماسكه تخصص غير تخصصي في التدريس

وجايز يكونون يبون يختبرون صبرك

ودام راتبك كويس امسك وضيفتك بيدينك ورجلينك والله ما احد لاقي وضايف هالايام

وانتظر عط نفسك فرصه واعتبره تحدي بينك وبين نفسك

والله يعينك ويسهل لك

يبدو لي أن الجماعة يبغون يقيسون طول نفسك، يعني يبغون يطفشونك، فانت خلييك جامد، حط في بطنك بطيخ صيفي وأقعد، قالوا تعال الصبح، قل طيب حاضر، قالوا تعال المساء قل طيب حاضر، أنت الآن لست في مرحلة تشرّط، والشغلة مو بكيفك، إلين ما تتمكن من الوظيفة، ذيك اللحظة، أبدأ بمطالبك.

بالنسبة للتقرير، أكتب خطوط عريضة، يعني لا تدخل في التفاصيل الدقيقة، أكتب كلام عام، إذا الموظفين الكبار مو راضين يعطونك المعلومة، اجلس مع العمال، دحلسهم شوي، جيبوا له فطور ولا بارد، وكلمتين حليون، تجيب رأسه.
في معظم الأحيان تلاقي صغار الموظفين يعرفون خفايا أمور المنشأ أكثر من المسؤولين أنفسهم،
ويمكن الشغلة هذه كلها مدبرة، يبغون يشوفك تطفش وتزحق ولا تثابر وتستمر.

أي جهة عمل تريد موظفين يحتملون ضغط العمل
وفي أول ثلاثة أشهر يحق للمنشأه انهاء خدمات الموظف في أي وقت بدون شروط أو جزاءات
عشان كذا أنت لازم تثبت نفسك ولاتسمع للي يحاولون يحبطون معنوياتك او مايعطونك معلومات
اعلم ان مديرك المباشر اذا كان راضي عليك فهو سيقف بجانبك في جميع الظروف
واعلم أن مديرك المباشر لن يكون راضي عليك إلا اذا كنت مجتهد في عملك
والاجتهاد موب معناته ان شغلك كله يكون صح معناته انك مستعد لتعلم كل جديد وانك تتعلم من اخطاءك وانك تكون متعاون
وترا اكثر شي يكرهه المدير في الموظف اذا قعد الموظف يتشرط يعني هذا ابيه وهذا ما ابيه
اي شي يطلبه منك مديرك اعمله بدون اعتراض والموظفين الاخرين خل علاقتك فيهم رسميه ومبنيه على الاحترام المتبادل
أنا كنت مسئولة عن بنات واوزع عليهم العمل وكان فيه بعضهم تقول مابي هذا وابي هذا .. صدقني كنت اتضايق جدا من هالاسلوب لانها تبي تشتغل اللي يعجبها ويريحها فقط وهذا غلط ياتشتغل مثل اللي نطلبه او لا تشتغل .. وفي المقابل كان فيه وحده أي شي اطلبه منها تسويه بدون تأفف ولا اعتراض ولا نقاش وصدقني انا من كثر ماهي مجتهده ومتعاونه كنت من نفسي احاول اريحها بدون ماتطلب
وعموما أي مكان عمل بتلقى فيه ضغوطات بس اهم شي انك تتغلب على الضغوطات ولا تتركها تغلبك
خلاصة الحديث: أي شي يطلبونه منك قم بعمله فورا ولا تترك وظيفتك الا اذا جتك فرصه افضل

والله كأنك تتكلم عن وضع المصنع اللي كنت اشتغل فيه
لا تقول اسمه بس قولي هو مصنع حلويات وبسكويت ؟

اكتب في التقرير اللي تعلمته وبس لو سألوك ايش دا ؟ قولهم هذا اللي تعلمته
يمكن يقولولك هذا غير كافي ومن دا الكلام وشويت تخويف وترهيب (حركات الشركات) بس ماعليك هم عارفين انه الخطأ مو منك
وبالنسبة لشغل التطفيش احتمال يكون اختبار فعلا واحتمال كمان يكونوا ناويين يخرجوك
انا كنت دائما نظرتي مختلفة لما اتعرض لمشاكل واقول اختبار لكن للأسف اكتشفت انه العملية كانت مدبرة وكان مديري ناوي يخرجني
للحين مقهورة والله على نفسي قهر شديد ما حنساه طول عمري
والله لو كنت ادري عن نيتهم كان ما تحملت الاهانات وقلة الادب وكان رديت في ساعتها لكن خلاص "ما اخطأك لم يكن ليصيبك وما اصابك لم يكن ليخطأك"
فانت اول شي خليك مقتنع اقتناع كامل ومؤمن انه المكتوب هو اللي حيصير لك
انصحك هذي النصيحة عشان لو صار شي مو حلو لا سمح الله تكون مجند نفسك من بدري ، لانه بصراحة الوضع عندك مو مطمن
الله يساعدك

ما اسم الشركة او المصنع الذي تعمل به

مازود على كلام الاخوه ..

ولكن لي تعليق بسيط انا عاطل ولا لي خبره في هالامور ولا اقدر افيدك بصراحه ..

بس شغله وحده اذكر الله وصلي على النبي صلى الله عليه وسلم وربك يفرجها وعليك بالدعاء والاستغفار

اللهم اجعل لك من كل هم فرجا ومن كل ضيق عافيه يارب

اللهـ يعينكـ ياخوي ..

بس اهم شي تصبر .. ولاتعطيهم مجال انهم يطفشونكـ من شغلكـ ..

لأن هذا مصدر رزقكـ ..

ياخي الواحد ذي الايام مو ضامن اي وظيفهـ ..

يعني احمد ربكـ واقعد في وظيفتكـ احسن لكـ ..

وشد حيلكـ .. واثبت نفسكـ في الشغل

صدقني بتكسر خشومهم واحد ورا الثاني ..

افرض احترامكـ ع الكل من خلال اتقانكـ لعملكـ ..

وبعدين صدقني .. مافي احد في هالدنيا طلع من بطن امهـ عارف شي ..

لازم نتعلم .. ولازم نخطئ .. والخطا مو عيب .. الخطا وسيلهـ عشان نتعلم الشيء الصح ..

عموماً هذا اللي قدرت اقولهـ لكـ .. وارجع واكرر .. لاتقدم استقالتكـ ..

هذي هي اساليب الشركات .. والاخوان كفوا و وفوا ..

بالتوفيق ان شاءاللهـ ..

الله يفرج همك وهم كل المسلمين