مشكلتي يا أخوان أنني جديد في خوض مسألة تجربة العمل لأنني أول مرة أعمل بعد ما تخرجت وفي الحقيقة أنا دخلت هذه الشركة عن طريق توصية من أحد الأشخاص للمدير والحمد لله قبلت وفرحت أنا بقبولي لأن تخصصي ليس مطلوب وهناك شح في مجال توظيفه ، المهم أنني فرحت وقالوا لي سنضعك في الإدارة في قسم التقنية التطوير مع أنه تخصصي ماله دخل بهذا القسم وهذا قسم دقيق وبيغى خبرة وشغل وكذا وكذا وبعد ما أتفقنا قالوا عندك لغة قلت ماعندي لغة بس إن شاء الله راح أخش معهد وأعطوني مهلة وراح تشوفوني اطور نفسي المهم كل شغلهم وأمورهم باللغة الإنجليزية وهم ماسكني من الضلع اللي يعورني وعطاني راتب كويس وغيره وراح يكون لك جولة أو تدريب في بداية الأمر في منشأت الشركة والمصنع وغيره وأتذكر أنه قالوا لي الجولة راح تكون أول شهر وأنا فرحت ولم أسأل ماهي طبيعة العمل في قسمي مع أنهم قالوا لي أن هذا القسم جديد وكذا
بداية المسلسل القتالي :
أرسلوا لي العرض ووافقت عليه وأخبرتهم بالموافقة وبدأت المماطلة بحيث أنني فكرت من أدخل أنه سوف يتم كتابة العقد وغيره ولكن كل يوم اليوم وكذا ، وطلع المدير المسؤول عني سعودي إنسان نذل أو عديم الأخلاق فسألته فقال لي في البداية سوف تستلم مرتبك كاملاً من أول يوم داومت فيه في الشركة .. المهم تم وعدي بمكتب وجهاز كمبيوتر وغيره وأتيت بعد أسبوعين لأسأل هل خلص عقدي فقال لي لا تزن علي ترى عقدك متى ماخلص راح نخبرك طيب يأخي أخلاق المهم أنا تماسكت أعصابي وقلت مشها له لا تدقق على كل شئ ... وما أدري هل تصرفي صح ولا
المهم ناداني بعد أسبوع من آخر مرة سألت عن العقد وقالي راح يخلص عقدك قريب بس ننتظر نشوف هدف أو صندوق الموارد البشرية المهم ما أتذكر وشو قالي المهم
أنا ما أهتميت حقيقة في هذا صندوق الموارد وبعدين عرفت أنه يدفع نصف الراتب والشركة تدفع النصف الثاني ولكن ما أتوقع أنه دخلني في هدف لأنه لازم أنه أنا أوقع على العقد مع هدف وصندوق الموارد
وقبل لا أنسى سجلوني في التأمينات قالي ... المهم حطوني من جيت في قسم غير قسمي ويعطوني شغل في اليوم مثلاً ساعة أو ساعتين وبقية الوقت جلسة بدون شغل وأنا زهقت يا جماعة وش الحل ... المهم عطاني مكتب من نظام المكاتب المفتوحة وحظي الأقشر أنه مكتبي في وجه المدير
وطبعاً الكمبيوتر في البداية إذا بقوا مني شغل يقولي شوف جهاز أي موظف فاضي ماعنده شغل وأشتغل عليه .. المهم مايصير يا شباب أكيد الموظف راح يضايق ولا شرايكم قلت خلني ساكت وأعبر ومن ثم خلوني أستخدم كمبيوتر الموظف السابق اللي جالس محله وكذلك جابوا لي الباسورد واليوزنيم بتاع الموظف السابق
طيب الكمبيوتر هذا وندوز 2000 يا جماعة وش ذا تخلف ويالله يشتغل تعبان كثير وقالي إن شاء الله راح نجيب لك كمبيوتر جديد وكذا وووعود وما شفت شئ
المهم هذا أول ما عطوني جهاز الكمبيوتر ، مافيه إنترنت وبقوا مني شئ أشتغله على الأنترنت فسألت موظف هندي معي يا بوفلان ليه ماشغلوا لي الأنترنت قالي كلم المدير العام للشركة وأنا على نياتي رحت للمدير العام وتوني اقول أنه مافي أنترنت إلا طب مديري المباشر ودخل المكتب المدير العام وأنا جالس مع المدير وقالي أفتحوا له أنترنت ماشفته إلا طب في وقالي جاي تشتكي علي يا مهندس قلت له لا يا إبن الحلال أنا قالي الموظف كذا وكذا خش وكلم المدير العام المهم أنتهى الموضوع وطلعنا من المدير العام ونادني مديري النذل في مكتبه وقالي يإبن الحلال أي مشكلة عندي تعالي ولا تقرب صوب المدير العام وكذا ... شوف كيف النذالة يعني مايبي المدير العام يدري بتصرفاته ...وكمان قالي ترى مرة واحد موظف كلمي عن شغلة وكذا وقلت له أنتظر وظل أسبوع وكلم المدير العام وفصلته لأنه راح كلم المدير العام
والمشكلة أنه هذا النذل قرارات الفصل بيده .
المدير العام اللي فهمت أنه يجي ويتكي ولا يدري وين الله حاطه فيه وكل الشغل على المدير المباشر
طيب ودوني أحد منشآت الشركة وقالوا لي كذا وبقيت فيها بس ما قدرة أعيش لأنها في منطقة تفقتد إلى سبل المعيشة
وورجعت إلى الشركة في الإدارة المهم وودوني المصنع وقالوا لي 4 أسابيع طيب المصنع هذا قابلت المسؤلين السعودين و طبوا فيني طبة أنت كيف جاي المصنع وتبغى تتعلم وتآخذ جولة وهم الشركة ما وضعوا لك أهداف تتعلمها وكيف وكيف وكيف ما عندك خبرة وجاي لنا وكيف وضعوك في هذا القسم وهو مو قسمك طيب إيش دخلك أنت يإبن الناس المهم قالي كم راتبك هذا أحد المسؤولين واللي حولني عليه في المصنع قلت له راتبي كذا وكذا قال أنا أزيد منك بمبلغ بسيط وعرض علي هذا وظيفتك ويعطوني الراتب اللي ابغاه بس أنا ما وافقت لأنه شغله صعب ويبغى له خبرة وتفكير والله يساعدك ويعنيك وما أدري كيف ....
وراح أكمل لكم في البقية لاحقاً ....
أبغى منكم تحليل للوضع ورايكم تكفوني لأني بنبط وأستجن هذا وهل حصل معاكم أنا حالياً ودي أطلع من الشركة لأنني زهقت وطفشت بس لو طلعت وين ألقى شغل أجلس بطالي وبعدين خايف أنه كل الشركات كذا بس أنا مو متقبل الوضع فأرجوا أن تجاوبوني وتعطوني خبراتكم والأدهى من كذا الناس لو سألوني وش أقولهم فشلت من أول تجربة في العمل .,, وأكيد مراح يقولون الشركة موز نية بقولون أنا اللي ما عرفت لهم .... والقضية والطامة الكبرى أنه مديري المباشر له علاقات قوية مع الشركات والقطاع الحكومي في مجال تخصصي وخايف أنه يخرب علي عند باقي الشركات هذا نذل ويعمل كل شئ