مشكلتي يا أخوان أنني جديد في خوض مسألة تجربة العمل لأنني أول مرة أعمل بعد ما تخرجت وفي الحقيقة أنا دخلت هذه الشركة عن طريق توصية من أحد الأشخاص للمدير والحمد لله قبلت وفرحت أنا بقبولي لأن تخصصي ليس مطلوب وهناك شح في مجال توظيفه ، المهم أنني فرحت وقالوا لي سنضعك في الإدارة في قسم التقنية التطوير مع أنه تخصصي ماله دخل بهذا القسم وهذا قسم دقيق وبيغى خبرة وشغل وكذا وكذا وبعد ما أتفقنا قالوا عندك لغة قلت ماعندي لغة بس إن شاء الله راح أخش معهد وأعطوني مهلة وراح تشوفوني اطور نفسي المهم كل شغلهم وأمورهم باللغة الإنجليزية وهم ماسكني من الضلع اللي يعورني وعطاني راتب كويس وغيره وراح يكون لك جولة أو تدريب في بداية الأمر في منشأت الشركة والمصنع وغيره وأتذكر أنه قالوا لي الجولة راح تكون أول شهر وأنا فرحت ولم أسأل ماهي طبيعة العمل في قسمي مع أنهم قالوا لي أن هذا القسم جديد وكذا
بداية المسلسل القتالي :
أرسلوا لي العرض ووافقت عليه وأخبرتهم بالموافقة وبدأت المماطلة بحيث أنني فكرت من أدخل أنه سوف يتم كتابة العقد وغيره ولكن كل يوم اليوم وكذا ، وطلع المدير المسؤول عني سعودي إنسان نذل أو عديم الأخلاق فسألته فقال لي في البداية سوف تستلم مرتبك كاملاً من أول يوم داومت فيه في الشركة .. المهم تم وعدي بمكتب وجهاز كمبيوتر وغيره وأتيت بعد أسبوعين لأسأل هل خلص عقدي فقال لي لا تزن علي ترى عقدك متى ماخلص راح نخبرك طيب يأخي أخلاق المهم أنا تماسكت أعصابي وقلت مشها له لا تدقق على كل شئ ... وما أدري هل تصرفي صح ولا
المهم ناداني بعد أسبوع من آخر مرة سألت عن العقد وقالي راح يخلص عقدك قريب بس ننتظر نشوف هدف أو صندوق الموارد البشرية المهم ما أتذكر وشو قالي المهم
أنا ما أهتميت حقيقة في هذا صندوق الموارد وبعدين عرفت أنه يدفع نصف الراتب والشركة تدفع النصف الثاني ولكن ما أتوقع أنه دخلني في هدف لأنه لازم أنه أنا أوقع على العقد مع هدف وصندوق الموارد
وقبل لا أنسى سجلوني في التأمينات قالي ... المهم حطوني من جيت في قسم غير قسمي ويعطوني شغل في اليوم مثلاً ساعة أو ساعتين وبقية الوقت جلسة بدون شغل وأنا زهقت يا جماعة وش الحل ... المهم عطاني مكتب من نظام المكاتب المفتوحة وحظي الأقشر أنه مكتبي في وجه المدير
وطبعاً الكمبيوتر في البداية إذا بقوا مني شغل يقولي شوف جهاز أي موظف فاضي ماعنده شغل وأشتغل عليه .. المهم مايصير يا شباب أكيد الموظف راح يضايق ولا شرايكم قلت خلني ساكت وأعبر ومن ثم خلوني أستخدم كمبيوتر الموظف السابق اللي جالس محله وكذلك جابوا لي الباسورد واليوزنيم بتاع الموظف السابق
طيب الكمبيوتر هذا وندوز 2000 يا جماعة وش ذا تخلف ويالله يشتغل تعبان كثير وقالي إن شاء الله راح نجيب لك كمبيوتر جديد وكذا وووعود وما شفت شئ
المهم هذا أول ما عطوني جهاز الكمبيوتر ، مافيه إنترنت وبقوا مني شئ أشتغله على الأنترنت فسألت موظف هندي معي يا بوفلان ليه ماشغلوا لي الأنترنت قالي كلم المدير العام للشركة وأنا على نياتي رحت للمدير العام وتوني اقول أنه مافي أنترنت إلا طب مديري المباشر ودخل المكتب المدير العام وأنا جالس مع المدير وقالي أفتحوا له أنترنت ماشفته إلا طب في وقالي جاي تشتكي علي يا مهندس قلت له لا يا إبن الحلال أنا قالي الموظف كذا وكذا خش وكلم المدير العام المهم أنتهى الموضوع وطلعنا من المدير العام ونادني مديري النذل في مكتبه وقالي يإبن الحلال أي مشكلة عندي تعالي ولا تقرب صوب المدير العام وكذا ... شوف كيف النذالة يعني مايبي المدير العام يدري بتصرفاته ...وكمان قالي ترى مرة واحد موظف كلمي عن شغلة وكذا وقلت له أنتظر وظل أسبوع وكلم المدير العام وفصلته لأنه راح كلم المدير العام
والمشكلة أنه هذا النذل قرارات الفصل بيده .
المدير العام اللي فهمت أنه يجي ويتكي ولا يدري وين الله حاطه فيه وكل الشغل على المدير المباشر
طيب ودوني أحد منشآت الشركة وقالوا لي كذا وبقيت فيها بس ما قدرة أعيش لأنها في منطقة تفقتد إلى سبل المعيشة
وورجعت إلى الشركة في الإدارة المهم وودوني المصنع وقالوا لي 4 أسابيع طيب المصنع هذا قابلت المسؤلين السعودين و طبوا فيني طبة أنت كيف جاي المصنع وتبغى تتعلم وتآخذ جولة وهم الشركة ما وضعوا لك أهداف تتعلمها وكيف وكيف وكيف ما عندك خبرة وجاي لنا وكيف وضعوك في هذا القسم وهو مو قسمك طيب إيش دخلك أنت يإبن الناس المهم قالي كم راتبك هذا أحد المسؤولين واللي حولني عليه في المصنع قلت له راتبي كذا وكذا قال أنا أزيد منك بمبلغ بسيط وعرض علي هذا وظيفتك ويعطوني الراتب اللي ابغاه بس أنا ما وافقت لأنه شغله صعب ويبغى له خبرة وتفكير والله يساعدك ويعنيك وما أدري كيف ....
وراح أكمل لكم في البقية لاحقاً ....
أبغى منكم تحليل للوضع ورايكم تكفوني لأني بنبط وأستجن هذا وهل حصل معاكم أنا حالياً ودي أطلع من الشركة لأنني زهقت وطفشت بس لو طلعت وين ألقى شغل أجلس بطالي وبعدين خايف أنه كل الشركات كذا بس أنا مو متقبل الوضع فأرجوا أن تجاوبوني وتعطوني خبراتكم والأدهى من كذا الناس لو سألوني وش أقولهم فشلت من أول تجربة في العمل .,, وأكيد مراح يقولون الشركة موز نية بقولون أنا اللي ما عرفت لهم .... والقضية والطامة الكبرى أنه مديري المباشر له علاقات قوية مع الشركات والقطاع الحكومي في مجال تخصصي وخايف أنه يخرب علي عند باقي الشركات هذا نذل ويعمل كل شئ

مدري وش اقول
بس انصحك تصبر الشركات كذا سياستها التطفيش
اصبر وابحث عن وظيفه ثانيه مريحه وزينه اذا ضمنت الوظيفه الاخرى اترك الشغل
ولو اني انصحك بالصبر العمل جهد وارهاق ولازم تتكيف وتحاول تتطور بالقسم اللي انت فيه

الله يعينك ويصبرك ويفرجها عليك

تكملة قصتي مع الشركة
المهم المسئولين في المصنع وبالأخص السعودين اللي أول مارحت قابلتهم طبوا فيني طبة ونزلوا فيني أسئلة والله إنت ليه جاي وكيف حطوك في تخصص مو تخصصك وكذا وأنت راح تكون مع الشخص الهندي هذا عشان يعلمك وراح يعلمك باللغة الإنجليزية طيب يا بو فلان ما قالوا لك أني ليس متقن اللغة ومو قضية يعلمي وبس أمشيها أفهم ولا ما أفهم المشكلة أنه راح أنسأل عن هذا بعد ما أخلص التدريب طيب قلت له دربني انت قال لا أنا مشغول وعندي كذا وكذا المهم هو شكله ما يبغى يدربني بعد يوم ناداني هو مع مسؤول صاحبه وجلسوا أسئلة فيني من جيت وشنهو فهمت وكذا وشنهو علمك العامل
جاوبت بكل اللي فهمته وهو وهم من أسئلتهم لي أنهم ما يبون إجابة يبون يطفشوني ويا بوفلان ترى هذه الوظيفة صعبة وماتصلح لك وتعال عندنا المصنع أفضل من الإدارة وكيف حطوك في الإدارة وأنت طبيعة تخصصك ميداني وأنت شنو شغلوك في الإدارة طول هذه الفترة وأنا قلت له في قسم كذا وكذا وهو يقولي شنو شغلوك بالضبط قلت له أسأل الإدارة وهو عصب وليش ما تبي تقولي وما أدري كيف المهم قال لازم تبقى معانا فترة طويلة ياالله تفهم الشغل معنا وأطلب من المدير المباشر في الإدارة إنه يخليك معنا فترة طويلة وأنا أرد عليهم بأدب وإحترام لأني محتاج لهم وخايف يعملون لي بلاوي ومشاكل ، طيب وأنا خلاص تعبت ومليت وقلت يالله بكمل مشواري إلين يصير عندي إجازة الويكند
طيب على أنه الويكند عندي السبت والأحد والأثنين و أحول دوام شفت ثاني مالقيت إلا يوم السبت قبل لا أمشي المدير الأجنبي سلمني جدول جديد وقالي تجي يوم السبت والأثنين عندك دوام يا أبن الحلال ما أقدر لو مأ أخذت أجازة بموت مافيه فايدة وهذا قرار من الإدارة وما أدري كيف المهم قلت له خلاص يصير خير وكذا وأنا ماني جاي يوم السبت الجاي وقلت إن كان في راسهم هالشركة حب ما طحن أنا بدقة بالشاكوش المهم وهذا أنا ماني حاضر يوم السبت ولا أدري إيش راح يصير يوم الثلاثاء إذا جيت المصنع ومع من اتفاهم لأنه المفروض أنه حسب جدولهم أداوم السبت والأثنين والثلاثاء أجي أجازة وأغير الشفت لدوامي
يا أخي غلق والله من هذه الشركة بهدلتني والله وجابت لي آلام المعدة والآلم العصبية مالي خلق مشاكل وعوار دماغ ، لو فكرت اطلع أقول يمكن أستعجلت بس ماني قادر أصبر ومن ثم راتبها كويس بس إيش الفايدة الواحد ينفذ صبره ويمكن يتصرف تصرف غير جيد ، المشكلة أنهم واعدوني على شئ ولما أشتغلت معاهم أكتشفت شئ ثاني والآن طلبوا مني تقرير عن تدريبي في المصنع وهم ما أتفقوا معي من أول على هذا التقرير وأنا كيف أعمل تقرير وأنا بالموت ألقط كم كلمة من هذا الأجنبي اللي أسم أنه دربني وماهو يختصر على 20 كلمة في كلمة واحدة
أبغى نصيحتكم كيف أتعامل معهم يوم الثلاثاء وقت دوامي إذا سئلوني ليه ماجيت وأكيد أنهم راح يرفعون خطاب عني أني ما دوامت مع أني شغلي في الإدارة ووقت ما كان أتفاقي معهم أنه عندي ويكند يومين في الأسبوع ؟؟
هل تنصحوني بسرعة الخروج وتقديم أستقالة من الشركة.. ؟؟
هل مررتهم بمثل هذه المشاكل التي صارت لي ؟
أنا أنسان طموح وعندي إبداعات وأفكار ولكن إذا وجدت أفكارة هدامة تأتي من المسئولين تتحطم أنت نفسياً المشكلة وين ما أروح يقول لي أي مسؤول يف الشركة قسمك صعب والله يعينك وكيف بتعرف تشتغل فيه وأنت مؤهلك ما يناسب ذلك
- هل من الممكن تضعون لي إيملات الشركات وعناوين شركات قوية أو متعاقدة( مع ارمكوا ) ورواتبها قوية وعنده قوانين جيدة وتقبل أي جامعي أو شهادة ثانوية

للمعلومية تخصصي أحياء دقيقة

للي ينصحني بالإستقالاة والخروج من الشركة بأسرع وقت لاحظوا أنه في راتب لي لشهر كامل إلى الآن لم أستلمة وأتوقع أستلامه بع أسبوع كذا وأنا ليس عندي صورة من العقد ولو قدمت أستقالة ربما يعرقلون صرف أو لا يصرفون لي راتبي لمدة الشهر وكذلك أريد أستفسر ما رأيكم لو أنني الأسبوع القادم لا أذهب للمصنع وأذهب للإدارة وأتفاهم معها أو أن أبغى إلى أن أستلم مرتبي الشهري وأرى ماذا يسعملون وهل سيتغيرون قسمي أم لا ؟؟

اصبر لأن الشركات عادتن ما تعطي الموظف الجديد طلباته من أول يوم ولا حتي بعد شهر. تحصلهم بيختبرونك.
فالموضوع بحاجة الي صبر

صدقني اخوي اذا تركتهم بتصير عاطل مثلنا
انت طموح والحمدلله لقيت وظيفه
تخيل لو تصير عاطل وماتلقى وظيفه وتجلس سنه وسنتين ويمكن اكثر بيتحطم طموحك
تحمل ياخوي ترى العمل ضغط نفسي ولازم تتحمله
صدقني سنتين وبتعرف للشغل وبتكون افضل
بس عشانك بالبدايه تحس بارتباك وضغط وخوف
تمسك بوظيفتك ترى السماء ماتمطر وظايف للسعوديين
وبراحتك

أنا اللي جايب لي المرض انه المسؤولين السعودين اللي معاي دايم يبتزوني
وأنت لسا ما فهمت العمل وشغلك صعب ويآخي ذبحوني بالأسئلة
وأنا أعاملهم بأحترام ما أدري أرفع صوتي وأقولهم أنه مالكم دخل فيني
ولا كيف أعمل معاهم

أول حاجة:
لازم تأخذ صورة من عقدك بأني حال من الأحوال، أولا شيء كلم مدير شؤون الموظفين، وإذا ما وجدت فائدة دخّل مديرك (فرصة مناسبة لتعديل الوضع، نفّخه شوية، وزي ما يقوله ألحس عقله، "أنت مديري، وأنا أقتدي بك، وأنا محتاج لخبرتك الطويلة في الإدارة لمحل مشلكتي، ترى البكش تجيب أكبر رأس")
ثانياً:
مدير المباشر معه حق لما زعل عشانك رحت للمدير العام بشأن اتصال إنترنت، الهندي الذي قالك كذب عليك بقصد أو بدون قصد الله وحده العالم، يجب عليك في الإدارة تتبع الهيكل الإداري درجة درجة، مو تتعدى مديرك المباشر وتروح للمدير العام،
ثالثاً:
غيابك أبداً مو في صالحك وخاصة في هذا الوقت الحرج، لا إنك لا حليت مشكلتك، وفتحت على نفسك باب، لأن أول ما تشتكي، راح يقولوا شوف لسه جديد ويغيب
رابعاً:
سوي تقرير، ألّف شوي، بكّش شوي، فليس من المعقول أنك راح تستوعب شغل الشركة بأكمله في أربعة أسابيع، برأي أنك تسوي مسودة تقرير، وأعرضها على المدرءا السعوديين في المصنع، وبرضه شوية بكّش "أنتم خير من يستشار، وكلامكم يبدو لي أنه صحيح، الظاهر أني بأترك العمل في الإدارة وأجيكم بس لازم أقدم التقرير هذا، (مو شرط أن كلامك هذا صحيح، ولكن الحرب خدعة)
وخلي شعارك "أمش عدل يحتار فيك عدوك" أنت جديد وعلى فهمت راتبك كويس، وحقين المصنع بيطقون ونفوسهم أنهم يشتغلون في وظيفتك في الإدارة،
واستمر في وظيفتك، إياك ثم إياك ثم إياك والاستقالة، أنا عارف أنك قرفت، ولكن هذه هي بيئة العمل.
في أيام الدراسة بإمكان الشخص أن يختار أصحابه وشلته في الكلية، ولكن في بيئة العمل الوضع يختلف، أنت مجبر أنك تحتك بأناس ربما لو رأيته في الشارع ما تسلم عليه لما فيه من خبث ونتانة.