مشروع يطلع ذهب برأس مال بسيط؟؟

أحبك يازوجتي · #1 (**permalink**) 03-06-2009, 09:01 PM

بسم الله الرحمن الرحيم

السلام عليكم ورحمة الله وبركاته

تحيه طيبه ،،،،،،،،،،، وبعد

مساكم الله بالخير والأيمان والراحه والسعاده والأطمئنان والسكون ،،.

كيف حالكم جميعا انشالله بخير

فيه مشروع سهل وبسيط ومربح جدا انشالله ،،،،،،، والكل يقدر عليه (المتزوجين أحم أحم ) وغير المتزوجين ؟؟؟؟؟؟؟؟؟!!!!!!.

طبعا المشروع هو عباره عن تأجير الشغالات (الخادمات ) كيف؟

سأروي لكم الطريقه بالتفصيل الممل ، أوكي؟

أولا بارك الله فيكم تقدم على احد مكاتب الاستقدام بطلب خادمه (طبعا لازم تكون متزوج ) واذا ماكنت متزوج سهالات تقدم بأسم أخوك المتزوج او ابوك .

بالنسبه للخادمات على حسب ، فيه ناس تفظل اللاندونيسيه وناس تفظل السريلانكيات ، لكن الغالب السريلانكيات .

تقدم على المكاتب ، طبعا المكاتب ماهي وحده بالأسعار على حسب المنطقه والمدينه ..... شلون؟

يعني مثال بسيط :.
مكاتب الاستقدام اللي بالرياض تختلف اسعارهم تماما ، يعني تلقى بــــ 8300 (اندونيسيه) وتلقى بـــــ 9000 وزياده

أيضا بالشمال تختلف الاسعار طبع اغلى

تجي الخادمه بعد شهرين وتأجرها بــــــ الفين ريال الشهر

اتمنى لكم رزقا مباركا غير منقطع

أعذروني اكتب وانا مستعجل (غدا سأضيف بعض الاشياء على الموضوع)

تحياتي للجميع

اميرالبطالة · #2 (**permalink**) 03-06-2009, 09:45 PM

فكره حلوه بس أحس انها صعبه شوي
الله يعطيك العافيه

ابن الهيلا · #3 (**permalink**) 03-06-2009, 09:46 PM

أخي الحبيبي

الكلام في المشاريع سهل ولكن عند التنفيذ صعب

أما حول مشروعك هذا تعليقي علية
- مخالف لتعليمات الجوازات وأن صادوك الله يعينك
- من يدفع الفين فهم حقين طواري شهر شهرين ورجعها لك
- هل تظمن أن الخادمة سوف ترجع لك بكل تأكيد لا سوف تهرب وهي الي تستفيد من المبلغ كامل لن تريد أنك تشاركها فية
- هل تضمن أن العوائل كلها لايوجد لديهم شباب مراهقين غير محافظين ويقع الفاس في الراس وترجع لك وهي حامل
- مشروع خادمة واحدة لاينفع وأن كان العدد أكثر من واحدة لابد من وجود سكن خاص بهم ومراقبة عليهم

أخي الكريم
بشكل عام المشاكل فية أكثر من فائدتة أضف الى ذلك مخالف لتعليمات الجوازات

تقبل مروري ولك الشكر

متفائله جدا · #4 (**permalink**) 03-06-2009, 10:11 PM

ابن الهيلا انا معاك كلامك صحيح مليون في الميه مشاكلهم اكثر من منافعهم

انا هبلوا فيني استاجرت وحده اسبوعين لظروف صحيه والا مو من حبي لهم

الله لايحيجنا لهم المهم قعدت عند اسبوعين ماقدرت انام لاني اغلب الوقت

مافيه شغل عندي ولحالي بالبيت وهي مكالمات ماتنقطع تكلم سعوديين

وللاسف اني اقول سعوديين انصدمت شبابنا رجعوا للخدم وهي تطلب بطاقات شحن

وهذا اللي جنني وليتها زينه استغفر الله تحوم الكبد كيف يقبلون هالشباب بهالوضع

ومره حصلتها تبكي قلت وش فيك خفت على نفسي قالت بروح ازور اختي تعبانه هنا قريب

قلت مايخالف روحي وانا على نياتي ولمارحت سمعتها تتصل في شاب وتقول مرني العصر

انهبلت ارسلتها لجارتي علشان ترتب بيتها وفتشت اغراضها لقيتها ملابس اعوذ بالله

قمصان نوم مجهزتها ومكياج وعدسات وعطورات والاخس اكسيسوارت تنافس السعوديات

كلمت زوجي ابكي ودها مابيها هذي ليكون فيها امراض والله خفت على ولدي منها لانه

تعلق فيها احاول امنعه مافيه فايده سعودي ماعليه شرهه هههههههلمارجعت جاء حبيب الروح اتصل فيها

قالت يالله بروح يامدام قلت طيب شيلي اغراضك كلها قالت ليش مادم وقعدت تصيح سبحان الله

خليني افسد الشباب وارجعلك قلت انا بسافر لاهلي هناك شغاله وعطيتها فلوسها وطلعت تبكي عند الباب

ماصدقت اطلعت واسكر الباب على ولدي والله ولا فيلم رعب صراحه الخدامه تصلح للعائله الكبيره

وتكون على كفالك مو تستاجرها ولاتفكر بهالمشروع فاشل حتى لو جابلك شوي فلوس واسفه لاني صريحه

من تجربه وواقع مرير عسانا مانحتاجهم ابدا

عطادر · #5 (**permalink**) 03-06-2009, 10:23 PM

ياشباب لاتشغلوا في هذة الشغل صدقوني المشاكل فيها اكثرة من الفائدة

تور الصحراء · #6 (**permalink**) 03-06-2009, 11:01 PM

اهم شئ حكم العمل هذا

وذلك بسؤال شيخ عن الحكم

أنا الوطن · #7 (**permalink**) 04-06-2009, 12:02 AM

صراحة اسمع البعض يتجهوا لهذا المشروع

اذا كانت الشغالة خاصة بالمنزل اتوقع مافيها شي .. ومناسب المشروع ..

لكن لا بد من مراعاة الشغالة واعطائها حقها ونصيبها ايضاً

مرة استأجرنا شغالة وقسما بالله كانت تشتغل بنشاط وحماس رهيب حتى حين انتهى العمل كانت تسأل هل في عمل آخر ؟!!!!

البعض بدأ يفكر في استقدام اكثر من شغالة ويسكنهم بغرفة ليتاجر بتأجيرهم !!!!!

بالتوفيق