ياخواني جميعا

اجمل تحيه لكم

والله ابي رايكم بموضوعي وترا ريكم يهمني

يا خوان انا خريج كليه معلمين .. تخصص حاسب الي .. بمعدل مرتفع

انقبلت في وظيفه معيد (مساعد مدرب ) في معهد الاداره بالرياض(مع اني طلبت الدمام وحطوني بالرياض) علا المستوا الخامس وبعد سنتين ابتعاث للماستر في تخصص الاداره ( ع حسابهم)<< متخوف من فكره الابتعاث شوي خايف من اني افشل ويفصلوني

وانا طموحي مدرس حاسب في الثانويه يعني تبع وزاره التربيه والتعليم .. لكن للاسف التعيين يتاخر
- علما ان قبلي ناس تخصصهم حاسب من كليه معلمين وجالسين ثلاث سنين وللان ما جاهم تعيين

ابي رايكم يا اخواني :eek:
اتوكل والله وادخل المعهد

او

استنا التعيين مع انه مطول

علما ان الراتب في المعيد في المعهد نفس راتب المدرس في وزاره التربيه والتعليم ( كلهم مستوا خامس)

تكفووون اللي يشاهد موضوعي يعطيني رايه

شمري لبى قلبك آلف مبروك آنا آبي لك الخير آدخل المعهد وشد حيلك يارجال والابتعاث انشاءالله انك ذكي يبيلك تشد حيلك بس هذا رايي وآحمد ربك غيرك مالقاه آخل بلا تردد
وشكرآ

اخوي المكرم امير بخشتي

الله يوفقك دنيا واخره ع ردك ورايك

بانتظار اراء الاخرين .. لاني محتار شوي وخصووص اني ما احب زحمه الرياض وكنت طالب المعهد اللي بالدمام بس حطوني بالرياض

توكل علي الله ويقولك المثل خلك علي مجنونك لايجيك اجن منه ياخوي فيه جامعيين ومعدلاتهم ممتازه كثير بالمنتدي مالقو اي وظيفه احمد ربك وتمسك فيها

مشكور اخوي مستعد علا هالنصيحه واسال الله ان يكتب لك كل ما تتمناه وكل خير

ياخوي توكل على الله وربي يسر امرك وامر كل مسلم

اخوي الشمري اتمنالك التوفيق
سبحان الله ما تدري الرزق اذا جاء يتسهل ويمر كل شي تساهيل
وانت لاتفكر انك تفشل بالعكس فكر انك تنجح يعني بالعربي حط هدف قدامك
وركز على هذا الهدف مع الجهد والمثابره وحط في بالك انك راح توصل بعد الله
واكثر من الأستغفار وصلاة الأستخاره وربي يوفقك انشاءالله وتتسهل معاااااك
الله ييسرلك ويرزقنا انشاءالله من واسع فضله

يالغلا

يجب عليك إداء صلاة الاستخارة قبل قبول هذةالوظيفة
وربك سبحانه وتعالى راح يدلك على الخير وين ..! هل بهالوظيفة أو بغيرها.!

اول شي استخير ثم شاور من تثق برايه ثم استأذن والديك وتوكل على الله واقبل الوظيفة يقول "اذا كنت ذا رأي فكن ذا عزيمة فان فساد الرأي أن تترددا" وزي منت عارف الفرصه تجي مرة بالعمر استغلها وموفق باذن الله

بعد الاستخارة
انا اقول لك ياغالي توكل على الله ولا تنتظر التعيين بكرة ان شاء الله تكمل دراستك وتسير افضل بإذن الله تعالى