السلام عليكم ورحمة الله وبركاته

ياجماعه .. أنا أتمنى أحج من زمان ... وناويه أجهز نفسي للحج هذه السنه
وان شاءالله اني راح أتكلف بكل تكاليف الحج

... حابه أعرف من الأشخاص الي راحوا للحج السنوات الماضيه عن شوية تفاصيل ...
ياترى بالتقدير كم تكاليف الحج الي راح أتكلفها ؟؟ يعني كم التكلفه للفرد الواحد ؟؟
وعادة الي يروحوا للحج .. ايش الاشياء الي ياخذوها معهم ؟؟
وايش الأشياء الي لازم آخذها بالاعتبار وما أغفل عنها ؟؟
وأكيد ما أستغني عن نصايحكم

وادعولي ان الله ييسر لي الحج هالسنه ويكتبها لي

وجزاكم الله خير
.
.
.

الحج اجمل رحلة بالعمر..

الله يوفقك ويعينك..
الحج ما اعرف الان كم صارت سعر الحملات.. لكن الافضل من 5الاف وفوق..
مافيه اشياء تاخذها كثر المعلومات.. ودينيه..
اهم الاشياء اللي تنبهي لها.. وممكن تصادفك بالحج الوسواس.. يجي وسواس نظافه او غيره..
بيوم عرفة الناس الكل يدعي ويتضرع لله..والدعاء يوم عرفه يكون من بعد صلاة الظهر يبدأ الدعاء
...لكن بعد يوم عرفه انتبهي راح تكثر السوالف جدا جدا.. ويقل الدعاء. انتبهي ايام التشريق تكثرين فيها الدعاء والصلاة....
افضل انواع الحج هو التمتع وهذا اللي وصى عليه الرسول صلى الله عليه وسلم..
انتبهي للدعاء المقيد والمطلق.. وانت ان شاااء الله راح تكون في حملة رواح يرشدونك..
حاول قد ما تقدر تضبطين اعصااابك.. الحج الان مو متعب.. لكن ضبط الاعصاااب جدا مهم..
خصوصا مع الاجانب وتصرفاتهم بعضهم تطلعك من طورك..
جيبي معك عباتين.. لانه بيكون مو سهل تغسلين عباتك.. جيبي معك لايام منى كمام..
طبعا لاتبليسين الكمام في وقت ما انتي محرمه.. الا بعد السؤال من المشائخ..
احسبي معاك غير ملابسك الخفيفة.. جكيت.. لانه ممكن يصادفك في منى او مزلفه.. برد..
اكيد الحاج لازم يجيب هدايا.. اقترح عليك تشرين هدايا قبل الحج.. وتجهزينها وبعد الحج توزعينها..
لكن لاتكذبين وتقولين من مكة.. قولي هدايا حجي..>> لانه الحج ضيق.. ومافيه تنزلين السوق.. وغير كذا يضيع الوقت..
جيبي معاك كريم حق الالم الاقدام.. وحبوب صداع...
من قبل لاتمشين كل الناس بيوصونك تدعين لهم وهذي امانه..
فاحسن شئ اكتبي اسماء اللي يوصونك.. وايش بتدعين لهم.. لانك راح تنسين..
ما يخلى الان الشعر من قصة شكل.. بالحج يلزم التقصير.. فيكون على كل تدرجه..
تقصرين منها.. وهذي فتوى ابن جبرين الله يشافيه لي..
احرصي دائما على نقطه خصوصا في الحرم المكي نفسه.. في حال افترقوا تتلاقون فيها..
لانه ممكن تفترقون.. داخل الحرم مع الزحمة.. وبالغالب عند الكعبه يصير صعوبة بالاتصال..
فاحسن شئ حددي نقطه..
في باقي المناسك بمنى وما فيه خوف.. لانه انتي تكونين لابسه بأيدك اجباااري مثل الاسواره ..
فيها بيانات موقعك في منى مخيم رقم والاشياء التابعه لها..
ولابسه بطااقه تكون فيها هويتك.. واسم الحملة اللي انتي فيها..
جيبي معك الشطنة الصغيره اللي تكون على البطن .. وحطي فيها الفلوس..
لاتحطين فلوسك بشنطة كتف.. ولاتخلين الفلوس كلها مع شخص واحد.. وزعيها..
اذا اللي معك نشيطين.. طوفي واسعي بالدور الثـــــاني..
ولا تشيلين هم النوم وغيره.. ربي يعطي في مكـــة نشاط مثل نشــــــــــــــــاط الصوم في رمضان..
من الاشياء اللي لاحظتها الاخوات العربيات يشوفونا سعوديات يفتكرونا مفتيات..
يجون يطلبون منك الفتوى.. لا تفتين ابدا.. واذا الحو عليك قولي لهم انه فيه تلفونات للفتوى.. في الحرم المكي..




عصرت مخي... وجبت لك تجربتي بالحج..

والله ييسرها لك.. وتحجين.. وان شـــــاء الله ربي يكتبها لي مرة ثــــانية