السلام عليكم __ بصراحه انا من زمان كنت متابع هذا المنتدى الراقي وخاصة الاخ باحث اجتماعي ولايهونون جماعة الربع الباقين على العموم انا حبيت اشارك بموضوع خاص فيني انا انسان بديت حياتي صح في بداية التسعينيات لقيت وظيفه بدوله شقيقه ولله الحمد كنت عايش احلى عيشه تزوجت والله رزقني باطفال وكنت استلم راتب طيب تقريبا بالريال السعودي عشر الاف واستمرت حياتي طبيعيه اكثر من 11 سنه بعد فتره حسيت بصداع شديد وكنت اكل بنادول وبروفين وانسى الموضوع وبصراحه جلست اكثر من سنه وانا يوميا صداع وبنفس الوقت يوميا اكل بروفين وبنادول ومافكرت اروح للطبيب حتى جاء يوم من الايام وحسيت بضيق تنفس شديد ورحت للمستشفى ( سدحوني الدكاتره على السرير وتجمعو علي وكانو يتكلمون انقلش وكل شوي واحد يناظر فيني وانا بلحظتها قلبي طاح بركبتي من الخوف المهم طلعت نتيجة الفحص وطلع معاي تضخم بعضلة القلب وارتفاع بضغط الدم وبلحظتها عرفت اني انضميت للقائمة اصحاب الامراض المزمنه ولازم يوميا اكل علاج والا يصير معاي فشل كلوي على حسب كلام الدكاتره انا من اللحظه هذي بديت اتعب نفسيا قدمت استقالتي واخذت مستحاقتي وقلت احسن شي ارجع لبلدي الحبيب وكان ايامها الاسهم بعزها بس حظي النحس وراي وراي مايخليني حطيت كل فلوسي بمكيرش انعام حاليا بعد اربع ايام وقفو التداول على الشركه هههههههههه شر البلية مايضحك بس الحمدلله اني خليت عشرين الف تقرييا لزوم فرش وتأثيث البيت اللي استأجر ته ( طبعا جيت فاضي يعني كل شي جديد بالبيت ) جلست اول شهر وجهي مبين اني ولد نعمه بس ثاني شهر تغير الوضع صرنا نأكل نص دجاجه على الغداء وحنا 6 اشخاص انا والمدااام ربي يخليها ولايحرمني من طيبتها << شيب براسها ايام كان متعافي وصاحي دووم تصيده يغازل <<<ههههههههه واربع اطفال متعودين على الوجبات وبطاط ليز وملحقاته تصدقون اني لالحين مادخلت بالموضوع اللي كنت بقوله بس حاس اني تعبت وانا اكتب بدت اصابعي تتهاوش على الكيبورد خلاص يمكن اكمل الموضوع بكره والا بعد شوي اذا ماجاني نوم يتبع الجزء الثاني فاصل ونواصل

بعد ماخسرت كل شي راتب الوظيفه ومستحقاتي اللي طار ثلاث ارباع فلوسها بمكيرش وطبعا بقى الربع بعتها بخساره بعد مارجعوها ربع المبلغ طبعا دفعت لصاحب االبيت علي ايجارات مـتأخره طبعا ايجاري 900 ريال شهري الحمدلله اني ساكن بمنطقه فيها الايجارات رخيصه والا كان اللحين عايش فوق السطوح والباقي شريت سياره وحلفت على العيال والحرمه الا نسافر للطائف ونصيف في ربوع بلادي اه يابلادي ونأخذ عمره بيني وبين نفسي قلت مكيرش اللي بلع ثلاث ارباع فلوسي هو وربعه مواغلى واعز من وناسة عيالي واهلي << معصب بلحظتها على مكيرش سافرنا وانبسطنا واعتمرنا ولله الحمد ورجعنا بعد يومين انفصل الكهرب علينا طلعت مومسدد الفاتوره طبعا سددت ودفعت كل ديوني لاني حاس اني بعد كم يوم اندفن بالفقر وانا حي وفعلا صار اللي كنت متوقعه بس قدمت عل الضمان الاجتماعي ومعي اوراق اللجنه الطبيه وبعد كم شهر بدو يصرفون راتب شهري حاليا 1998ريال طبعا حسبو خمس اشخاص زوجتي خليجيه مومحسوبه معنا طبعا 1998 ناقص 900 ايجار ناقص فاتورة كهرب 200 ريال صيفا صرنا نقتصد كلنا نرقد بغرفه وحده وهــ ياقلبي مكيف واحد ايام العز ولت ماعاد ترجع والباقي مصروف مدارس الحمدلله عيالي ارعتهم يدرسون بس مايأخذون ريال احد للفسحه هذا كان ايام زماننا هههههههه بالقليل ثلاث ريالات اواربع نقول بالشهر 400 ريال تبع الفسحه بس اول الشهر الغداء نص دجاجه واذا بقى كم يوم من الشهر ماتغدى بوقت الغدا افطر خبز ه وجبنة كيري العبال يستحقون اكل نص الدجاجه لانهم يتعبون بالمدارس << يكأفهم لالحين حاس بالسلطنه خلصت قصتي يمكن لاني تعبت بس ودي اعرف شلون احسن وضعي المادي لاتقولون دور وظيفه ورت ومالقيت وسمعت اني لو توظفت يقطعون الضمان واروح وطي بعدها مشكلتي مااعرف اشحذ والا الامور تهون

اول شئ حمدالله على السلامه اجر وعافيه إن شاء الله
وربي يوفقه يارب ويعينك على ما اصابك والله يشافيك ويعافيك
ابي اريح قلبك بكلمتين الاولى
ابو صديقه لي صابه زي الي صابك تقريبا من ناحية المرض والحمدالله الرجال الان عمره دخل في الستين او قريب منه وهو زي العسل ماشاء الله بس الشئ المهم انك تاخذ العلاج في وقته وكمان الاسبيرين استخدمه بدال البندول
لانه مفيد للدماغ
والشئ الثاني ترى بتلاقي الناس الي تدعي لك وانا والله تقريبا بشكل يومي ادعي لك مريض مؤمن بالله ومتبع محمد ان ربي يشفيه وبإذن الله ربي يستجيب دعواتي وإن شاء الله انك بتضل في بالي

بالنسبه للوظيفه شوف ربي ماخلاك تتركها ورجعك لبلدك إلا لانه في خير لك حط في بالك ربي مايسوي شئ لك إلا لانه الافضل لك في حياتك
لا تيأس من رحمة ربي والله لو تضيق الدنيا كلها فيك راح تلاقي راحتك بركعتين قبل النوم تخفف عنك الم

انا اهنيك على سالفة انك قدمت للضمان هذه فكره جيده منك
بس انت كمان تقدر تقدم على الجمعيات الخيريه ممن يصرفون لك
لاتفقد الامل هذا اهم شئ استمر بالبحث
وتقدر تشتغل وظيفه مؤقته الين ماتجيك وظيفتك زي حارس امن طبعا في مكان مافيه شمس
او في مصنع المصانع
حاول لا تفقد الامل وربي اكيد بيعوضك
لا تقول ما اقدر دور يا خيووو قدم على الشركات الي في القرى
اكيد راح تلاقي لان الشركات الي في القرى تفتقد الناس الي عندهم خبرات في العمل
يعني انت من جده قدم على القرى الي حولينها زي بحره ثول ...الخ بالذات شركات السيارات
والله اعلم
خيوو ربي بيعوضك خل املك بالله كبير عشان يديك
واكثر من الدعاء والاستغفار
عارف ممكن مايكون عندك فلوس تصدق عشان تتيسر امورك بس تقدر تصلي صلاة الضحى
تعتبر صدقه عن نفسك
ترى الصدقه تيسر امورك
خيوو انا ما اتكلم من جهل ولا من فراغ
انا مريت بحياة صعبه بس ماثبتني غير قيام الليل والضحى من ناحية الصبر والرحه النفسيه رغم كل الي يحصل
واذ على اكل اولادك وسالفة النص دجاجه الحمدالله انا جاتني ايام اكل رز ابيض مع جبنه مثلثه
اصبر واحتسب مابيدك شئ
والله يا خيووو تلاقي وظيفه بس دور وظيفه اقل من المستوى الي انت وصلت له
يعني بعيد عن شهاداتك لو حتى تبيع في اي محل او كاشير في السوبر ماركت في كثير شباب يشتغلون هالشغلانه
ربي يعوضك ياااااااااااااااارب وصدقني ربي قريب ويشوفك بس يبيك تقول يارب يارب يارب يارب

واذ لك ام او اب عايش او زوجتك لها اطلبو منهم يدعولكم في صلاتهم ان ربي يفرجها عليك

والله يرزقك بوظيفه عاجل غير اجل يارب

خيوو لو جاتك فرصه انك تقدم خطاب لأمير المنطقه الي انت فيه قدم له
او للملك
والله يرزقك ويعافيك
واتمنى نسمع عنك اخبار طيبه يارب قريب يارب

وعلى فكره لما تسجد في صلاتك قول اللهم ارزقني من حيث لا احتسب
والله انا جربتها ونفعت معاي مره قلتها ماخلصت صلاتي إلا الباب يدق
والمره الثانيه بعدها بيومين
وغيره وغيره


بالتوفيق واسفه على الاطاله بس والله حاسه فيك

اخــي الــكـريــم

اللـه يـشفـيـك

ويـكـتـب الاجـر لـك

واحـتسـب فالـمرض

لـه فـواائــد لايـعـلمـهاا

كـثـيـراا" مـن الـنـااس ،،

انـاا شـااب عـمـري

فـي الـعـشريـناات

وصـاار لـي مــدة

طـويـلـه تـقـريـباا"

7سنـواات مـن

مسـتشفـى

الـى مـسـتشـفـى !

ولـكـن ربــك كـبـير

تـبـي الـصـحـه

الـرزق و تـغـيـير

حـيــااتـك الـى

سـعـااده بـإذن الـلـه ،

الـيـك الـدوااء

وواصـل عـلـيـه

واكـثـر مـنـه

انـه الاسـتـغـفاار

لاتـقـرأ كـلاامـي

وتـهـمـلـه

هـذاا عـلاااج قـوي ،

اسـتـغـفـر

فـي الـيـوم 1000 مـره

مـثـلا" 500 في النهـاار

و 500 فـي الـليـل ،،


واكــرر اسـتـمـر

عـلـى الاسـتـغـفاار

بنـية الشـفـااء

وبـإذن الـلـه

تـقـوول الاطـبـااء

مـااعـنـدهـم اي

خـبـر ،،،


ولاتنـساا اخـووك

مـن الـدعـااء

لـي بالشفـااء

الـعـااجـل ...

الله يشافيك

هلا وغلا بالجميع وشاكر ردودكم الطيبه على موضوعي وبالنسبه للاخت r-w اشكر ك على كل كلمه كتبتيها ومبين انك طيوبه ربي يسعدك ويخليك واحس ان كلامك كلام انسان يحس بمعاناة الغير برغم ان الوقت هذا الناس ماتحس باقرب الناس لها وبالنسبه لاقتراحاتك كلها على العين والراس بس سالفة الجمعيات الخيريه بصراحه كنت مستبعدها من راسي بالمره لاني لو راجعتهم اكيد بكرهــ نفسي واتعب بزياده 000 وظايف قدمت على اكثر من مكان بس كلهم ماعندهم سالفه مواعيد وبس وشغلة كاشير على قولتك ماتحصل لنا لانم يبغون شهادة اقل شي الثانويه وانا معي اولى متوسط وماخذها قبل كم سنه ويمكن تستغربين مامعي شهاده وكان راتبي اكثر من عشر الاف اقولك السبب لاني كنت عسكري بدوله خليجيه << شايب عمره بمنتصف الثلاثينات وبالنسبه للامير انا بالشرقيه واميرنا محمد بن فهد بس وش يوصلني عنده 500 كيلو المسافه بيننا وبينه وبعدين اذا وصلت عنده وماظنيت اني اوصل << ولامره جرب وش اللي يضمن ان يسوي لي شي اخاف اتعب واخسر تكاليف السفر واطلع تيتي مثل مارحتي جيتي -- بس ابشرك طلعت ذيب وتهاوشت اليوم مع مدير بنك التسليف كنت مقدم على قرض اسره والمفروض اني استلمه قبل 4شهور بس مايخلون سوالفهم ونذالتهم كل يوم بكره تعال استلم الشيك بس اليوم خلاص ان انشالله اني راح استلم الشيك بكره ابو 25000 الف ريال بس ودي استفيد من المبلغ مدري اشتري بضاعه رخيصه وابيعها بس خايف اخسر ويرتفع ضغطي بزياده هههههههه اللي عنده اقتراح لي يسدحه بس تكفون مشروع مضمون ماابي اخسر بعدها يسدحني وافطس

اخوي وحيد اسئل الله جل جلاله ان يشفيك عاجلا غير اجل انه سمع مجيب وان يمتعك بالصحه والعافيه ويهنيك بشبابك يالغالي اشكر ردك على مشاركتي يسعدك ربي

الحمدالله
كويس خيووو هذه بدايه طيبه مع بنك التسلف
والعلاله الي يسوونها لابد منها
وبالنسبه لكيف تصرف المبلغ والله انا ما عندي اي فكره في هالسوالف
بس انت اسأل اهل الخبره من الناس التجار في المنطقه الي انت فيها
وربي يفرج همك يارب
الله يرززززززززززززززززززقك من حيث ماتحتسب
الله يفتح عليك ياااااااااااااااااااااااارب في اقرب وقت من شخص ماتتوقع انه يساعدك
ولا تنسى دعاء الاطفال مستجاب ^_^
والله يتمم على خير