آلسلام عليكم


سمعتوا آخر نكته ،،، يقولون فيه اتحادي ماغط ولده ليش ؟ لانه جالس مع 4 شباب ---> تضحك صح

الا دامني بديت بالنكت بقولكم نكته مئلفها يومي صغير ----> وحلمي الوحيد انها تنتشر بين الناس بس مالله كتب

النكته هي ----> فيه قوي ورخمه يمزحون مع بعض قام القوي صفق الرخمه كف قووي وانحاش --> شطانه بس
قام الرخمه يلحق القوي
والقوي منحااش
والرخمه يلحق ويتحلف فيه ويقول خلني آمسك بس
قام القوي ووقف فجأه قال هاه وش بتسوي
قام الرخمه وطق القوي بخفيف وقال حبشه آلحقني ---> عآش مرقع


---> كل النكته قام وقام

بس آهم شي انها معجبتني



كني شطحت وآجد تلاحضون

بقولكم سالفتي اللي جاي عشان اقولها --> قل قآآ

طبعا سالفه خفيفه وبسيطه نزلتها عشان وخيتي الا يا وقت من زمان وهي تزن فوق راسي وتقول ليه منذو مبطي مانزلت مواضيع
عشان كذا نزلت هالموضوع

مره من المرات جا عرس ناس من جماعتنا مناسبين لهم قبيله ثانيه ---> فهمتوا
وحضرنا العرس حق الريجيل
وكنت انا صف اولى ثنوي ومعي خالي صف 3 متوسط
آنا طبعا لي شنب ---> زي شنب بيتر الاطخم بس اقل شوي
وخالي ماله ولا نقطة شنبه مشاء الله
المووهم حنا انا وخالي حاضرين عرس الريجيل لين جاء العشا وتعشينا ويوم خلصنا رحنا تمشينا على رجلينا وطفشنا ورجعنا للقصر وراحو اغلب الريجيل وحنا متكين عند القصر وقاعدين نسمع صوت الطقاقات مدهرات
قال خالي ياحضهم ودي ادخل عند الحريم
قلت رح ادخل وش رادك ترا مالك شنب انت مثلي يعني يحسبونك صغير
قال ايه بس الحارس
قلت عادي حوس به وادخل
قال طيب انت ادخل معي قلت ---> ناظر ناظر شنبي
قال ايه والله

الموهم وبينما حنا نسولف
الاجاي ولد عمي مار من عندنا ويقول فاتكم دخلت عند الحريم ورقصت معهن ---> هو قدي بس شكله تعطيه سادس ابتدائي
قلت ياحضضضك
طيب كيف كيف حلوات وكذا
قال والله شي مره خاصه جماعة العروووسه كلهم قطعااااات اووما جماعتنا حافضهم صم
الموهم قلت لولد عمي ياخي ودي ادخل ---> شوي قعد يناضرني وقال لا لا مشكله شنبك
قال خالي لقيتها تلطم ومحد عارفك
قلت لحضه خل اتلطم
واقوم واتلطم قلتهم كيف قالوا والله كاأنك صغير مرره
قلت طيب والحارس النشبه هذا وشلون ندخل
قال ولد عمي انا بروح الهيه وانتم دخلو
ويروح ولد عمي ويحارش الحارس وحنا جايين من ورى الحارس
ويقعد يهايط على الحارس انتا كللللللب انتااا حمار ---> ويقوم الحارس ويتحمس ويقعد يلحق ولد عمي

وحنا نستغل الفرصه وندخل
وشافنا الهندي وقعد يصايح نفررر كبير اتلع نفر كبيررررررررر برا
وحنا نتوزى ورى السيب ---> يعني مايشوفنا الهندي وتونا مابعد دخلنا القاعه اللي فيها الرقص والفله
وقام الهندي وراح يركض برا ---> ويقول نفر كبير يوودخل نفر كبير يوودخل
وصار الباب بدون حارس
وقام ولد عمي اللي شكله صغير ودخل معنا
وجا ورى السيب اللي حنا فيه
قال يالله يالله ادخلووا
قلت لا لا انا بطلع خايف تصفقني اومي لادرت اني داخل
قال طيب طل بس
قلت طيب
واقوووم وامشي بخفيف وادخل راااسي واطل على الحريم

وانا اللي كذا صرررت ---->
أشي لابسه آخضر وآشي بنفسجي وآشي اسود وفيه فصوص لماعيه وآشي قصير وآشي الظهر طالع وآشي عبدهـ تناضرني كذا ----->
وانا اللي تضيع علووومي وتطيح اللطمه يوم شفت العبده القهوجيه تناظرني بحقد وهي اللي تقعد تناضر شنبي
وانا اللي آنحاااااااااش وارجع للسيب اللي بين الحارس وبين القاعه
وآشوى مالحقتنا
قال ولد عمي ليه طلعت قلت لا بس الصبابه شافتني
قال اوووح
شوي مادرينا الا نسمع صووت هبد الباب حق الحااااارس
ثلاثه ريجيل اخوان العروووسه

طع طع طع يطقون الباب ومعصبين مررره ---> الحارس مفتن علينا

اطلللللللع ياكلب انت وياااااااااه
شوي طلع لهم ولد عمي اللي كنه صغير
وقال وشفيه وشفيه
قال فيه اثنين كبار دخلوا قبل شوي ولا
قام الدلخ ولد عمي يناضرنا ويضحك وقال لا لا مافيه محد دخل هينا كبير
---> الريجيل عرفوا ان حنا ورى السيب
وقعد يصايح علينا اطلللللللللللع ياكللللللللللللب
وانا اللي اصير انا وخالي تسذا ---->
قمت وصغرت صوتي ---> يقالي بزر
قلت طيب طيب بنطلع بس حنا نبي نشتري من البساطه اللي داخل وبنطلع على طووول
قال اقووووووول اطلع ياحماااااار لادخل عليك واتوطى في بطنك
قلت لخالي وش نسوي وش نسوي
قال خل نطلع وش نسوي
قلت اخاف يذبحوني لاشافوا شنبي
قال لا موب شايفينه ان شاء الله
ويقوم يطلع خالي الاول
وانا اطل من بعيد ---> أناضر وش يسوون به
ويعطونه رفستين وصقعه على راسه ويروح
وانا اقوم واطلع لهم
وانا متلطم
يوم جيت عند الباب اللي الريجيل واقفين عنده
واسوي نفسي صغير واصغر صووتي قلت لاتطقني بقوووه تكفى
قال تعال بس
وانا اجي
















































































وهم اللي يعطوني رفستين ويجيني كف من ورى طير شماغي ---->
ياويلي واقوم واحط يدي على شنبي من الربكه
واناضر واقول خلاص خلاص ماحناب عايدينها --> بصوت صغير
قال وشفيك حاط يدك على فمك
قلت آح آح فمي يوجعني

---> وفشششششششششششش ---> ماتشوفون الا غبرته


وهـ نجيت باعجوبه الحمدلله
ورحت وقابلت خالي هيناك وقالي شفت ام بنفسجي كيف
قلت خل اوم بنفسجي شفت اووم اسووود اللي عليه لمعه ---> خقق ذييييك

---> وطول اليوم وحنا نسولف عنهم





وخلصت السالفه وملصت

واعذرونا على الاسلوب كانه مخلبط وماينفهم ---> سريع سريع كتبتها

هههههههههههههههههههه اللقافه وما تسوي

اولا النكـــته حلوهـ ولا يهمكـ <

والله سـآلفتكـ ســآلفة ههههه وبعدين الشنــب في ذا الموآقف والله مـآيخدم

بس اللي تمنيــته ان القهوجيــه لحقــت عليكـ < عشآن الاكشن يجي تمـآم

الله يوفقك ويســعدك اسعدنـآ بذا السـآلفـه التوحفـه

ههههههههههههههههههههههههههههههههههههه
ههههههههههههههههههههههههههههههههه
يووه مؤمل خير علومك علوم الله يونسك والله اني كنت مره متضايقه وخاطري مضطرب اليوم يوم شفت سالفتك احس عادمخيخي يستجيب
ويسعد ام وجدان كانت تونسني خلف الكواليس الله يسامح من زعلني عاد انا زي العبيد يوم كامل اجلس مكوره ههههههههههههههههههه
<<<<<<<<<<<<< وثيقة تعود

ههههههههههههههههههههههههههههههههه
والله سالفتك سالفه يوم تصغر صوتك والطول وش سويت فيه شكلك مشيت ع ركبتك ههههههههههههههههه

اتحفنا بصرقعتك

وثيقة مرت من هون

الله يفرج يا مؤمل

ههههههههههههههههههههه والله قصة مرة حلوة ضحكتني كثير
كله عاد ولا مغامرات الطفولة.... ياليت دايم تحكيلنا قصص محتاجين للضحك يومي

والله يبغالك انت وأصحابك فرشة محترمة على هادي اللقافة

اشكر كل من مر على موضوعي المتواضع


وابشرو بمغامراتي

بس لي عوده على التعقيب على الاعضاء لاني مستعجل