اولا : الله يوفقك وييسر لك امرك
ثانيا : صحيح انه مهم الدعايه وانها اهم شي لكن لازم تهتمي برضو
بالمكان اولا لازم استراحه كبيره والشي الثاني لازم تسوي الاكشاك
عشان تغرين التاجرات بالاكشاك انها جاهزه
لان مو معقوله بيجون كل اسبوع يشيلون ويحطون باكشاكهم
وهذا يدخلني لموضوع ثاني
انتي بتستاجرين الاستراحه بالنظام اليومي
يعني كل خميس
طيب صاحب الاستراحه اكيد مابيخليها الايام الباقيه فاضيه صح ولا لا
اكيد بتتاجر
طيب والاكشاك واللوحات وخلافه وين بتروح
بكذا يعني لازم تشوفيلك مكان تحطيها فيه
اذا فيه مكان طيب حلو
باقي يبيلك عمال كل يوم خميس يشيلون ويحطون

وصدقيني انا مابي احطمك وترين مشروعك جدا ناجح لاكن لا تستعجلين
وماخاب من استشار ولا ندم من استخار

وانا عندي لك فكره افضل وهذا راي فقط


ليه كل خميس

ليه ماتخلينها لمدة 5 ايام من اخر كل شهر مع الرواتب
وبدال ماتاجرين البازار اليوم ب 300 تاجرينها ال 5 ايام ب 1000
وكذا انتي ضمنتي حقك لمدة 5 ايام وليس ليوم واحد
وبرضو ماتتكلفين لمدة اربع ايام في الشهر كل خميس وانتي طالعه نازله باكشاكك واغراضك
خليها خمس ايام ممتاليه كذا اجار الاستراحه اقل واجار الفرش والكراسي للمحاضره اقل
وتكلفة تحميل وتنزيل الاكشاك والاغراض الثانيه اقل
والاستراحه فيها حارس اصلا يعني تبقى الاغراض وماعليها خوف
وهذا رايي
ان اخطات فمن الله وان اصبت فمن الشيطان ومن نفسي


تحياتي

توكلي ع الله وسويها مربحه تراها والعالم طايحه فيهاا

مشروع وفكرة 100%

لا تتواني بالتنفيذ ،،،،

وأستهدفي أحياء شمال ووسط الرياض ،،،

ما شاء الله عليك
بإذن الله يكون بداية خير
توكلي على الله ثم ابدئي والله ييسر أمرك

اعطيك نقاط لاااااااااابد من مراعتها وبالمناسبة أعطيك النقاط من واقع خبرة شخصية وتجربة مباشرة في نفس العمل الذي تريدين القيام به :

1 / لاتنساقي خلف فكرة الدعاية القوية في صحف وماشابه لسبب بسيط إن الشيء اللي تسوينه غير نظامي وبالعربي المحاضرات في الاستراحات تكاد تكون جريمة .. يعني لاتكبري السالفة خليها في أبعد نقطة عن الاعلان الصحفي .. اقتصري على نشر الخبر في المدارس مثلا وفي دور التحفيظ النسائية ومراكز الدعوة كفاية جدا جدا حتى لاتتفتح العيون عليك أولا وحتى لايتكاثر الحساد عليك ..

2 / حاولي تساهمي في استضافة داعيات لهم جمهور وشعبية وتنظمين لهم جدول وسلسلة محاضرات في موضوع معين علشان يلتزمون فيها وماتتعبين دائما في التنسيق معهم وعلى فكرة الاسم الرنان أفضل من أي دعاية أخرى..يصير تبلغين الناس بوجود الاسم الفلاني وباخر الخبر تقولين فيه بازار
لأن الناس بالأساس جايين من أجل المحاضرة خاصة الأمهات اللي يجيبون بناتهم وهم اللي لابد تركزين عليهم لأن الوحدة ماتجي لوحدها ..

3 / انصحك في البداية بجعل البازار على طاولات وبتنسيق معين يسهل التعامل معه .. بعد كذا اسبوع وبعدما يدخل عليك مبالغ كاش اعملي كشكات صغيرة بكفرات وسهلة التخزين وبحول الله ماتكلفك وعندي استعداد اساعدك بدون مقابل في هالموضوع .

4 / لأن العمل اسبوعي وفيه صعوبة كل أسبوع تحاولين تتعاقدين مع 20 تاجرة سوي عروض مثل الاسبوع بـ300 والاسبوعين بـ500 والثلاثة بـ700 ريال يكون أضمن لك بحيث يكون بعض الطاولات مؤجرة لكذا اسبوع قدام وبعضها تأجير اسبوعي بحيث ماتتعبين اسبوعيا توفرين عشرين مستأجرة لأن العدد مو بسيط على فكرة توفريه اسبوعيا..

المعذرة كانت الكتابة مستعجلة ولم أراجعها وبالتوفيق بإذن الله