مشروع البزارات وش رايكم فيها

متفائله جدا · #31 (**permalink**) 10-06-2009, 12:06 AM

اقتباس:

المشاركة الأصلية كتبت بواسطة محمد الطميحي

ما شاء الله عليك
بإذن الله يكون بداية خير
توكلي على الله ثم ابدئي والله ييسر أمرك

مشكور اخوي حمستني الله يوفقك

متفائله جدا · #32 (**permalink**) 10-06-2009, 12:11 AM

اقتباس:

المشاركة الأصلية كتبت بواسطة مجتهددد

اعطيك نقاط لاااااااااابد من مراعتها وبالمناسبة أعطيك النقاط من واقع خبرة شخصية وتجربة مباشرة في نفس العمل الذي تريدين القيام به :

1 / لاتنساقي خلف فكرة الدعاية القوية في صحف وماشابه لسبب بسيط إن الشيء اللي تسوينه غير نظامي وبالعربي المحاضرات في الاستراحات تكاد تكون جريمة .. يعني لاتكبري السالفة خليها في أبعد نقطة عن الاعلان الصحفي .. اقتصري على نشر الخبر في المدارس مثلا وفي دور التحفيظ النسائية ومراكز الدعوة كفاية جدا جدا حتى لاتتفتح العيون عليك أولا وحتى لايتكاثر الحساد عليك ..

2 / حاولي تساهمي في استضافة داعيات لهم جمهور وشعبية وتنظمين لهم جدول وسلسلة محاضرات في موضوع معين علشان يلتزمون فيها وماتتعبين دائما في التنسيق معهم وعلى فكرة الاسم الرنان أفضل من أي دعاية أخرى..يصير تبلغين الناس بوجود الاسم الفلاني وباخر الخبر تقولين فيه بازار

لأن الناس بالأساس جايين من أجل المحاضرة خاصة الأمهات اللي يجيبون بناتهم وهم اللي لابد تركزين عليهم لأن الوحدة ماتجي لوحدها ..

3 / انصحك في البداية بجعل البازار على طاولات وبتنسيق معين يسهل التعامل معه .. بعد كذا اسبوع وبعدما يدخل عليك مبالغ كاش اعملي كشكات صغيرة بكفرات وسهلة التخزين وبحول الله ماتكلفك وعندي استعداد اساعدك بدون مقابل في هالموضوع .

4 / لأن العمل اسبوعي وفيه صعوبة كل أسبوع تحاولين تتعاقدين مع 20 تاجرة سوي عروض مثل الاسبوع بـ300 والاسبوعين بـ500 والثلاثة بـ700 ريال يكون أضمن لك بحيث يكون بعض الطاولات مؤجرة لكذا اسبوع قدام وبعضها تأجير اسبوعي بحيث ماتتعبين اسبوعيا توفرين عشرين مستأجرة لأن العدد مو بسيط على فكرة توفريه اسبوعيا..

المعذرة كانت الكتابة مستعجلة ولم أراجعها وبالتوفيق بإذن الله

مشكور اخوي بس لو على كلامك باجر اسبوع ب300 ماراح استفيد شي لاني ما اظمن 20 مستاجره والمشكله سويت دعايه ومالقيت اي تجاوب طبعا عن طريق النت وبدات اتحطم مادري
وين المشكله يعني تخيل اجار الاستراحه 1500 على اليوم لانها كبيره ومغلقه احسبها اسبوع واستاجر الطاولات وغيره وغيره ماراح ارجع راس مالي كذا وشاكره تجاوبك معاي

مجتهددد · #33 (**permalink**) 10-06-2009, 02:03 AM

لالالا لا تستعجلي
لحظة
الان المحاضرة هذي حسب مافهمت منك انها بالاسبوع مرة وحدة يعني اسبوعية ماهي يومية
اجار الاستراحة ماهو كثير1500ريال
دخلك بالاسبوع 6000ريال
اصرفي 500 ايجار ادوات وطاولات لين تشترينها لك لاحقا
صار متبقي 4000ريال
اخصمي 500ريال تصوير وتوزيع اوراق اعلانية توزعيها بدور التحفيظ والمدارس الخيرية وحلقات تحفيظ القران بالمسجد النسائية طبعا
يعني بالاسبوع اقل شي صافي3500ريال وبالشهر 14000ريال
طبعا ماهو شي طول العمر
لو طبقتيه ولو اربعة اشهر تاخذين لك مبلغ تقدرين تتحركين فيه لشي اكبر
بالنسبة للمستأجرات أنصحك ابتعدي عن النت لأنه يضيع وقت
انا اعلنت على النت بكل قوة مدفوع ومجاني لوظائف ماحصلت موظفين ولاموظفات
اعلنت عن بضائع مالقيت مشترين
اعلنت عن فرص استثمار مالقيت مستثمرين
النت لم يأخذ صبغة جدية في مجتمعنا بعد
الطريقة الأمثل بالنسبة لك هي أن تذهبي بنفسك لبازارات مختلفة وتعرضي على التاجرات طاولات عندك وتقابليهم وجها لوجه حتى لو اعطيتيهم بخصم مثل 200 ريال لأول مرة وزي كذا بتكوني جمعتي العدد المطلوب وزيادة
انتي احرصي على حضور اي بازار بمنطقتك واعزمي التاجرات وقدمي لهم خصومات وجها لوجه وارتبطي معهم بكلمة وعربون غير قابل للارجاع
أما الدعايات في البداية ماتنفع برأيي خاصة عن طريق النت

ركزي مضبوط واشتغلي بهدوء وراح تشوفين كيف تضبط معك

متفائله جدا · #34 (**permalink**) 10-06-2009, 01:47 PM

انا فكرت استاجرها 5 ايام نهايه الشهر على الرواتب =7500ريال قيمتها في 5 ايام
ما ادري كم عدد اللي راح يستاجروا عندي قول يمكن اقل شي 5 من 1000ريال خمس ايام
تصير 5000الاف فقط من غير اني راح اعدل في الاستراحه واساجر طاولات وغيره
وطبعا انا صعبه على اطلع للبزارات واكلم التاجرات انا متزوجه وعندي ولد وصعبه اشيل
ولدي وادوربه على التاجرات وزوجي رافض المساعده لانه مو مقتنع بالفكره ابدا
فكرت ادور مسوقات للمشروع طبعا بنسبه لكن استصعبتها مادري احترت كنت متحمسه
حيل بس مافيه اي تجاوب وشاكره لك اخوي

متفائله جدا · #35 (**permalink**) 11-06-2009, 02:42 AM

وين مشاركات الباقين ؟

مجتهددد · #36 (**permalink**) 11-06-2009, 05:34 AM

المعذرة على التأخير

اعطيك نقاط كالعادة/
1/أصعب شي الانسان يشتغل بمشروع وفيه معارضة مثل معارضة زوج لسبب أنه سيكون عائق كبير بكل صراحة

2/لاتجعلي الموضوع اخر الشهر خليه اسبوعي افضل وبين كل يوم ويوم اسبوع حتى يكون أكثر فائدة للتاجرات المحتملات

3/دام عندك ولد الله يحفظه لك ومسؤولية اتفقي مع بنت ثقة بالنسبة لك واعطيها 2000ريال بالشهر اذا اجرت الطاولات كلها طبعا عن طريق زيارة البازارات كلها اللي بالمنطقة وانتي وجهيها للتسويق حسب ماتشوفين مناسب

4/لاتبدأي حتى تنسقي أول أسبوعين ثلاثة بكل قوة حتى يكون الانطباع الاولي رااااااااائع سواء من الحاضرت للمحاضرة أو التاجرات اللواتي سيسعدن بالكثافة ويتمسكن بالايجار في قادم الاسابيع ولتكن 3 محاضرات لأشهر 3 داعيات بالمنطقة مثلا خلال الثلاثة اسابيع الاولى حتى تضمني كثافة الحضور

والله يوفقك وأي شي حاضرين

متفائله جدا · #37 (**permalink**) 11-06-2009, 11:56 AM

مشكور اخوي ماقصرت

متفائله جدا · #38 (**permalink**) 12-06-2009, 04:20 AM

شورو علي مالقيت تاجرات يعني المشروع فاشل رخصت الاسعار على غير فائده

والله تحطمت

مجتهددد · #39 (**permalink**) 12-06-2009, 05:32 AM

وش مالقيتي تاجرات

طيب مافيه بازارات بمنطقتك ؟؟

اعطيهم اول مرة بلاش او بـ100 ريال بس كسعر رمزي وخلهم يجون بس

اجمعي التاجرات من البازارات واذا صعب تروحين وكلي وحدة تقوم بالدور

اذا انتي سريعة الكسر وتحطمت كذا على طول تراها مشكلة

متفائله جدا · #40 (**permalink**) 12-06-2009, 05:55 PM

ياخوي كل اللي حولي يحطمون قلت بغامر حطيت البزار ب100 بس مافيه تجاوب وجبت مسوقات

مالقوا حتى المدارس قلت بخليهم يسون حفلاتهم عند بالستراحه مجانا علشان اضمن حضور

حتى هذي مافيه تجاوب دور تحفيظ قلت لهم يسون حفلاتهم ومحاضراتهم عندي مجانا بس مافيه

تجاوب ليش مادري مابي اللي حطموني قبل يدرون اني فشلت لازم اجيب حل كيف مادري؟!

ياربي ابي انجح لو مره بس يغلط الحظ ويصيب مره في العمر