فرجا هم هالعائلة الله يفرج همكم

المتوكله · #1 (**permalink**) 09-06-2009, 07:12 PM

السلام عليكم..
ياناس مالي بعد الله الا انتم
فيه عائلة ابوهم متوفي وامهم عندها عيال وعندها بنت مطلقه وعيالها وماعندهم دخل كويس .. راتب ابوهم اللي يجري لهم 2500 ريال بس .. وقدموا ع الجمعيه ورفضوا يعطونهم مؤنة ,,,
المهم السالفه اللي ابكم فيها
انه البيت اللي ساكنين فيه لجدهم ابو ابوهم وعمهم يبي يطلعهم عشان يبيعه وياخذ نصيبه بس البيت قديم مايجيب سعر كويس يعني نصيب هالحرمه هي وعيالها مايجيبلهم حتى شقة وهي في هم لا يعلم به الا الله سبحانه ..
وتوها مقفلة من امي وهي تصيح
عمهم جاب الشرطه بما فيهم السجانات بس الحرمة تعبانه فااعطوها مهله وخذوا ولدها ..
تكفون اذا تعرفون احد يساعدها او الجمعيات يشترون نصيب عمهم ..

الله يفرج همومكم

غدا يوم آخر · #2 (**permalink**) 10-06-2009, 12:19 AM

الله يفرجها عليهم يارب
والله ييسرلهم من يساعدهم

وردة الجووري · #3 (**permalink**) 10-06-2009, 12:19 AM

تشبه حالتنا بس الفرق ان ربي رازقنا بخال وطلعنا من البيت اللي هو بيت ابووي كان

وخذاه عمي..

وبعدها توفى خالي وخلانا وضعنا بعده

الله يفرج عليهم

اختي شوفي اذا هي في الدمام فيه خليها تكلم احد في مؤسسه عبدالله فؤاد

يمكن تلقا شي

لان اذكر وحده ساعدوها في بيت

اسال الله ان يفرج على كل مسلم

اللهم امين

المتوكله · #4 (**permalink**) 10-06-2009, 11:57 AM

هم في الرياض

حياة العاطلين · #5 (**permalink**) 10-06-2009, 02:33 PM

الله يفرج همهم وهم كل المسلمين اجميعين

وردة الجووري · #6 (**permalink**) 10-06-2009, 05:35 PM

طيب اختي اذا هم في الرياض

تقدم على جمعيه انسان يمكن يفيدونها

قائد · #7 (**permalink**) 10-06-2009, 06:28 PM

هذه الدنيا عجايب في عجايب
البعض يقول القوي يأكل الضعيف وهذاصحيح
حسبي الله ونعم الوكيل
على هذا العم
الله يفرج همهم وهم كل المسلمين اجميعين
بالله يا أختي روحي الي جمعية الخيرية أو أي جمعية يمكن يسعدونك

أبوريفان · #8 (**permalink**) 11-06-2009, 12:26 PM

الله يفرج كربهم

وهاذا العم مافية خير يشتت عيال اخوه في شارع عشان شوية فلوس

االله يهدية ماودي أدعي عليه
الله يهديه
الله يهديه
الله يهدية

باحث اجتماعي · #9 (**permalink**) 11-06-2009, 03:42 PM

المتوكله

أشكر قلمك هنا بكل عبارات الشكر التي أعرفها والتي لا أعرفها
لطرحك هنا والذي حقيقة جسد لنا معنى العلاقات الحميمه والاحساس العالي بمن
حولتنا والشعور بمعاناتهم والبحث عن وجود حلول لهم
أختي الفاضله أذا وصلت هذه الأسره محل الطرح الى الحاجة الفعلية وأصبحوا من اهل الحاجة والعوز والفقر فأين هم من خدمات قطاع الضمان الاجتماعي الذي تكفل بالوقوف الى جانب من يعاني من الحاجة والعوز وبما أن الله من علينا في هذا المنتدى الشامخ بتخصيص قسم للضمان الاجتماعي فاأتمنى منكي توضيح الطرح هناك وكذلك أبوب مساعدتي مفتوحة بتوفيق الخالق عز وجل لي في الاجابة على الأمور التي تخص الضمان الاجتماعي لمعرفتي المتواضعة في أموره وانظمته وأطلاعي عليها فكم اكون سعيدا لو تمت اتاحة الفرصة لي لتقديم العون لتلك الأسرة بما أستطيع في حدود مقدرتي