مشروووع تأجير كشكات جوالات ...!!

لووووورد · #1 (**permalink**) 11-06-2009, 05:05 AM

السلام عليكم ورحمة الله وبركاته

جاء في بالي مشروع بعد ما فتح واحد من اخوياي كشك جوال

طبعا المحل مكون من 9 كشكات للجوال ترتيبها 4 كشكات على اليمين و4 على اليسار

وفي الوجه 1

طبعا الكشك يختلف سعره يعني اول كشكين في المحل بـ 1000ريال في الشهر
لانها عند الباب
الي بعدها على طول بـ 900 ريال
والي بعدها بـ 800 ريال
والي بعدها بـ 700 ريال
والي في الوجه بـ 600

يمكن تقولون ليه كذا تختلف الاسعار لانه يفرق مكسب الي عند الباب عن الثاني
الي بأخر المحل وانا ملاحظها في خويي لانه هو اول واحد عند الباب مستأجر بالف ريال
يجي واحد يفتح الباب بدون ما يدخل المحل يالطيب عندك الشغله الفلانيه اي عندي ويدخل
اتوقع انه اكثر واحد يربح من الكشكات الموجوده الله يررزقه ويزيده

المووووووهم

لو نحسبها عندك كشكين بـ 1000 ريال في السنه يعني 24 الف في السنه
وكشكين بـ 900 يعني 21600
وكشكين بـ 800 يعني19200
وكشكين بـ 700 يعني16800
وكشك بـ 600 يعني 7200

نجمعها كلها ونشوف الربح السنوي لجميع الكشكات

يطلع 88800
يعني ثمانيه وثمانين الف وثمان مية ريال

والايجار راح يكون تقريبا في حدود 35 الف

نخصمها من المكسب

53800

يعني تقريبا دخل شهري ما يقارب 4000الف ريال

وديكور المحل ما يكلف 15 الف تقريبا

وانا الفكره برأسي بس ما عندي رأس المال يعني لازم اكلم الوالد عشان ينفذ

المشروع لاكن انا خوفي ان الكشكات ما تتأجر

المحل الي مستأجر فيه خويي له شهر ونص وفيه الا الحين 6 مستأجر وباقي 3 بس
واشوف واحد فيه اكسسوارات بس ما احد فيه

وهي تكفي اصلن

فيريت تبدون رأيكم طبعا انا تكلمت من الواقع الي شفته
ومكان تنفيذ المشروع في شارع تجاري في زحمه غير طبيعيه ويمكن تلاحظون من قيمه الاجار
علما بان المحل فتحه وحده بس

انتظر ردودكم

رزة · #2 (**permalink**) 11-06-2009, 05:26 AM

الله يوفقك و يرزقك .. الفكرة جميلة جدًا و يطبقها الوافدين كثير بس هم يتساعدون في الاجار و كل واحد له ركن او كشك

اذا انت شايف بالتجربة ان ممكن ما تأجر كل الاكشاك فاقترح عليك

- تقلل عدد الاكشاك مقابل زيادة مساحة الكشك و بالتالي زيادة الاجار

- تختار مجال اخر غير خويك مثلاً محل طرح و عبي و جلابيات نسائية او غيره

بالتوفيق .

أسطورة بطموحي · #3 (**permalink**) 11-06-2009, 06:14 AM

الله يووووووووووفقك الفكرة رائعة وأقترح عليك لايكون محصور عالجوالات بس يعني كشكات لكل شي !

ولاتنسى تنزل إعلان بالمنتدى .

الله يفتح ابواب رزقة ويحقق لك اكثر مما تتمنى يارب .

أسطورة بطموحي ..

لووووورد · #4 (**permalink**) 11-06-2009, 08:43 AM

اقتباس:

الله يوفقك و يرزقك .. الفكرة جميلة جدًا و يطبقها الوافدين كثير بس هم يتساعدون في الاجار و كل واحد له ركن او كشك

اذا انت شايف بالتجربة ان ممكن ما تأجر كل الاكشاك فاقترح عليك

- تقلل عدد الاكشاك مقابل زيادة مساحة الكشك و بالتالي زيادة الاجار

- تختار مجال اخر غير خويك مثلاً محل طرح و عبي و جلابيات نسائية او غيره

بالتوفيق .

انا خويي ماهو مسوي الحركه هاذي انا خويي مستأجر كشك
وانا ابي اسوي محل والناس تستاجر مني لان فكرة المشروع ما توجع الرأس
كل الي عليك تأخذ الاجار مقدم حق شهر وما عليك في المحل اذا كنت تثق في واحد
من الي استأجرو منك او انه يكون معرفه عطه المفتاح وخله يفتح المحل ويسكره معه

شاكر لمرورك

لووووورد · #5 (**permalink**) 11-06-2009, 08:45 AM

اقتباس:

الله يووووووووووفقك الفكرة رائعة وأقترح عليك لايكون محصور عالجوالات بس يعني كشكات لكل شي

!

ولاتنسى تنزل إعلان بالمنتدى

.

الله يفتح ابواب رزقة ويحقق لك اكثر مما تتمنى يارب .

المحل لازم يكون محصور للجوالات

لان راح يكون لوحة المحل مثلا مركز ... للاتصالات

فالزبون ما راح يتعب يعني يدخل المحل هاذا راح يلقى فيه اكثر من 5 كشكات
ويشوف الاسعار وراح يلقى جميع انواع الاجهزه احسن من انه يدخل محل واحد
يمكن الفكره منتشره عندنا في الدمام غير عن المناطق الثانيه

وشاكر لك مرورك ودعواتك
تحياتي لك

r-w · #6 (**permalink**) 11-06-2009, 09:20 AM

ماشاء الله
بالتوفيق

رزة · #7 (**permalink**) 11-06-2009, 09:37 AM

اقتباس:

المشاركة الأصلية كتبت بواسطة لووووورد

انا خويي ماهو مسوي الحركه هاذي انا خويي مستأجر كشك
وانا ابي اسوي محل والناس تستاجر مني لان فكرة المشروع ما توجع الرأس
كل الي عليك تأخذ الاجار مقدم حق شهر وما عليك في المحل اذا كنت تثق في واحد
من الي استأجرو منك او انه يكون معرفه عطه المفتاح وخله يفتح المحل ويسكره معه

شاكر لمرورك

انت تقول خايف ما تتأجر كل الاكشاك
فأقول لك مانت ملزوم بعدد 4 اكشاك يمين و 4 يسار و 1 بالوجه
حط مثلاً اثنين بكل جهه و 1 بالوجه و اجر اقل واحد بـ1000

يستحسن تشوف محل فتحتين .

ان شاء الله بتلقى عند الاخوان المجربين افكار

بالتوفيق .

محمد الطميحي · #8 (**permalink**) 11-06-2009, 11:18 AM

استأجرت قبل فترة في مجمع اتصالات باسم الجزيرة للاتصالات
وكان الكشك أجاره بخمسمائة ريال
ماعد الأول على اليمين والأول على اليسار كان أجاره بثمانمائة
عدد المحلات في المجمع ثمانية وعشرون محل ولكن فشل المجمع بالكامل بسبب
عدم توفر بيع جوالات بالجملة في المجمع
حيث لم يكن صاحب المجمع لديه القدرة الكافية على تشغيله
وفقك الله

اكشن · #9 (**permalink**) 11-06-2009, 05:43 PM

بالتوفيق ان شاء الله ..

بسآل لك واحد فاتح نفس مشروعك وبرد لك خبر ..

السلاطيـن · #10 (**permalink**) 11-06-2009, 06:19 PM

اهلا اخوي
المشكلة انها ممنوعة اذا كنت تقصد تقسيم المحل الى بسطات جوال وتأجيرها مثلا المحل 4×5 تضع فيه 12 طاولة وتأجره مثلا 2000 ريال في الشهر هذه الطريقة انتشرت بشكل كبير في الرياض وخاصة البطحاء والمرسلات ولكن طريقتهم اما
بإ رشاء موظفين البلدية اوتكون العمالة تحت كفالة المحل وهذه نادرة لاني اعرف واحد من الجنسية اليمنية عنده محل في البطحاء مساحنه تقريبا 15* 10 مستأجره
160 الف ريال ومقسم المحل 30 طاولة وبستطين كبيرة مؤجر الطاولة 2500 ريال شهريا والبسطة الوحدة 40 الف ريال في السنة الحساب الشهري تقريبا 76000 ريال يساوي في السنة 912000 ريال ناقص ايجار المحل 160000 = 752000 ريال ويقولون يعطي موظف البلدية 5000 ريال شهريا ولاحياة لمن تنادي علما ان الترخيص محل جوالات . ولكن اذهب الى البلدية واسأل .وفقك الله
وتقبل تحياتي
السلاطين