السلام عليكم ورحمة الله وبركاته ..
انا بصراحه ودي افضفضلكم وارمي همي لكم .. لانكم انتو الوحيدين اللي حتى لو ما بتساعدوني راح تشيلون همي وتواسوني اقل شي .. راح اعتبركم بحر ارمي عليه همومي .. وانتو احكموا بانفسكم على الواقع الاليم اللي انا عشته ..
انا طول الله لي اعماركم بدأت معي قصة المعاناة والبهذله بعد ما تخرجت من الثانويه العامه بمعدل 88.44 % .. بتقدير جيد جدا مرتفع .. [ علمي ] ..
طبعاً بعد ما ناخذ الشهادات تبدأ مرحلة العناء والبحث عن الوظائف ووجع الراس ..
بعد كذا تم الاعلان عن التقديم في الكليات العسكرية التابعة لوزارة الدفاع وقدمت عليها ((((((وبدأت قصة المعــاناه والظلم والغبنه)))))) << دخلتكم جو سينما عارف 
<< خخخ..
المهم قدمت اوراقي وعطونا ارقام الطلب وقالوا خلاص تجون عشان الكشف الطبي والمقابلات الشخصية وووو .. الخ ..
رحت بعد كذا وللمعلوميه [ قبل ما ادخل تقديم العسكرية بستة شهور تقريباً سويت تشطيب اللي هو الليزك] طبعا اجتزت جميع اقسام الكشف الطبي ما عدا النظر قالولي الكلية الجويه اللي مسوي ليزك ما يدخل عندنا واذكر اللي قالي شكله مطوع [ وثوبه طويل ] << داري ما تجي بس يالله هذا الصحيح !! اللهم لا شماته بس ..
بعد كذا قلتلهم ليش ما تقبلوني ياخي انا من زمان امنيتي الكليه الجويه واصير طيار وفقعت عيوني عشانكم وجيتكم وبالنهايه بارده مبرده ما نقبلك .. قالي ياخي انت بتسوق طياره ما بتسوق سياره .. قلت الليزك تصحيح نظر يا اخي افهمني الله يرضالي عليك ما بقى الا انت ترى .. بلا تسوق علي نصبك ذا << طبعا قلتها بنفسي هذي لا تصدقون << 
المهم قال مره ما نقبلك وراح احولك عند الاخوان ويحولونك على الكليه اللي انت مسجلها بالخيار الثاني اللي هي .. الكلية البحريه..
المهم حولوني وقالوا اوك حنا نقبل اللي مسوي ليزك ومن ذالكلام .. انا ارتحت قلت يعني ما راح شي ان شاء الله والوالد بيرضا باذن الله .. المهم ضابط .. [ لان ابوي اساساً حلمه اني اصير ضابط خصوصا انو اخوي اللي اكبر مني كان عاطل ويدور وانا ما شاء الله تبارك الله جسمي حلو وطولي احلا ووزني مثالي على طولي ولله الحمد ] .. المهم ابوي لو قالوله تاخذلك قصر 50 دور وكل دور فيه 5 مليون [يورو] وروزرايس ولا يصير [فلان] اللي هو انا << ضابط .. بيقول لا ابي ولدي ضابط .. لدرجة انه يبكي احيانا يبيني اصير ضابط ... الله يطولي بعمره يا رب وان شاء الله ارضيهواصير ضابط ..
المهم بعد كذا تحولت لهم فعلاً واجتزت كلش ويوم اعطوني كرت المراجعه اللي فيه رقم الطلب اللي طبعاً ينكتب بالنهايه من الرقيب اول اللي عند الكمبيوتر وناس معه بخط يدهم .. كتبولي رقم الطلب بكرت المراجعه وقالوا خلاص الله يستر عليكم روحوا .. ما بقى الا النتايج النهائية .. هو كتب رقمي وعطاني الكرت .. وكان الرقم فيه 335 وباقي رقمين المهم هذي بدايته يوم جيت باروح قالي الرقيب اول .. الله لا يوفقه بحياته ويسلط عليه.. قال تعال تعال شوي .. انا جيته على نياتي وقلت سم .. قال جب الكرت شوي وعطيته وعدل الرقم بخط يده الى 325 وباقي رقمين ما ادذكرهم بس اللي عدل فيه رقم 3 بالخانه الثانيه .. ورحت واستغربت صراحه ... طبعا النتائج طلعت بجريدة الرياض وانا كنت بالصاله واخوي الكبير كان بالغرفه وطبعا الوالد والاهل مسافرين وهم على نار كلهم ... طبعا جلست ادور بالارقام .. تصوروا وش صار !!!
لقيت الرقم اللي بدايته 335 .. اللي كان رقمي قبل ما يعدله الرقيب اول .. اما الرقم اللي عطاني اياه اللي بدايته 325 ما طلع ... انا وش صارلي !!! تصوروا !!!!!!!!!
وربي طحت بوجهي على الجريدة واللي خفت منه صار وجلست ابكي وابكي وابكي .. ودخلت بحاله نفسيه لمدة اسبوع ومسكر علي الغرفه لدرجة انو الاهل جو من السفر بسبتي لان اخوي عجز فيني ... قالي اخوي امش ندخل على الامير سلطان ونقوله السالفه وما بيقصر الله يطول بعمره .. قلتله انا ما ابي ادوخ كثر ما دخت بالتقديمات ولا طلع فايده خلااااااااااااص يا اخوي عفت الدنيا والتقديمات والعسكريه وحجم الظلم اللي وصل لهالمرحـــله ... خلاص .. جا ابوي قال امش معي والله ما اخليهم لا اشتكيهم قلت والله ما اروح .... بالعربي عفتهم وعفت الكليه كلها بعد حركة النجاسه حقتهم .... وقلت لاخوي والله العظيم لو يجوني لين حدي ويشحذوني ادخل ضابط عندهم ما رحت .... هذي اول غبنـــــــــــــــــــــــــه وكانت عام 1424/1425 .. تونا باقي ..
بعد كذا رحت قدمت بجامعة الملك سعود وكانت متاحة لي عدة تخصصات من ضمنها كلية العلوم الادارية محاسبه بس الله يهديه واحد من الشباب قال خلنا ندخل اسهل تخصص ونجيب معدل وبعد كذا نحول لكلية قوية .. دخلت انا وياه تخصص تربية بدنية بكلية التربية .. المهم اول ترم جبت معدل 3.96على اساس اني باحول !! .. بعد كذا اعجبني الوضع مع الشباب اللي بالتخصص وحسيت انو صعب اخسرهم .. واعجبني الجو معهم ... لانو فيه حاجه محد يعرفها عن التربية البدنيه .. انو دائما في كل المواد مع بعض وبالميدان والملاعب مع بعض ونعيش الجو الرياضي مع بعض وبالقاعات مع بعض والدكاتره كل ما عدينا ترم يكونون معنا بمادة ثانية بالترم اللي بعده ونفس الشباب .. المهم مالكم بالطويله << احس اني دخلتكم جو
بعد اربعة اترام حول خويي اللي معي واللي اقترح علي انا نحول لتخصص ثاني بعد اول ترم .. وحول لغة عربية .. ويا ريته ما حول .. صرقع راسه وفصل من الجامعه ابشركم ودخل المب.. ماني قايل عاد بس جندي ..
استمريت ودجيت ن بعد اول ترم ونزل معدلي وباخر ترم باليالله رفعته وصار 3.38 من 5 ..
تخرجت عام 1429 هـ الحمدلله وصار املي وطموحي انا واخوي وابوي .. الكلية الامنية..
طبعاً وزارة الدفاع كارههم ومتعقد منهم باقي وقدمت عليهم ولا طلعت قبول مبدئي اصلا وارتحت وحمدت ربي ..
قدمت على الكلية الامنيه .. وجينا لمرحلة الكشف الطبي لانها مرحلتين طبي 1 وطبي 2 على ما اذكر اجتزت اول مرحلة اللي هي الوزن والطول .. والوزن المثالي طبعاً كل اخوياي معي وما عدا من اول مرحلة الا انا و3 معي لانو اي مرحلة ما تجتازها ما عندهم تفاهم ويقولون بيباي على طول المهم قالوا للشباب اللي ما اجتازوا الوزن والطول وعندهم اعتراض يركنون على مدرجات على جنب .. المهم حاولوا الشباب معاهم ما نفع ابدا طبعا عددهم حوالي 4 ..
استمريت بمراحل الكشف الطبي ولله الحمد ما وقفت ابدا عند اي مرحلة واجتزتها بنجاح .. حتى انو بالمقابلة الشخصيه قابلت رائد وعقيد وقالولي ما شاء الله عليك تناسق جسمك ومظهرك وطولك حلو بنعطيك الدرجة الكامله بس شد حيلك بالمقابله قلت انا جاهز واجتزت المقابله وانبسطوا مني وقالوا باذن الله انت معنا بالكلية ..
المهم وصلت لاخر مرحلة اللي هي اللياقه البدنية .. وطبعاً حنا اهل اللياقه لانا متخرجين من التربية البدنية وما تعوق معانا .. ما شاء الله ..
جبت امتياز باللياقة البدنية والمضمار واكد لي واحد هناك بعد ..
بالاخير جا الفرز النهائي ودق علي واحد قبلها قال انت مقبول بس لحد يدري ترى ارتفعت الارقام للامير نايف ... تصوروا ..!! سجدت لله شكر وبعد اسبوعين كذا طلعت النتائج النهائية ..
ولكـــن !!!!!
ما طلع رقمي 
كيف !!
ليش !!
باي حق !!
ما ادري 
قالي الرجال اني انقبلت وحصل تلاعب من عند ...!! مدري لكن الله لا يوفقه ولا يحلله ولا يبيحه اللي كان السبب ..
يا ناس انا ما فيني شي والله انا قدها وقدود ومستعد اخدم وطني واتشرف بهالشي ليش حظي كذا ..!!!!!!!
<FONT size=4><FONT color=indigo>........... الشباب اللي بالبداية دقروا , تذكرونهم !! كلللللللللللهم انقبلوا واللي معي انقبلو الا واحد وانا بس وهالواحد دقر بالكشف الطبي حق الاسنان وانا مشيت بكل c
12-06-2009, 04:15 PM
العرض الشجري
