مشروع نسائي يحتاج لافكاركم ومشورتكم

المميزة2006 · #1 (**permalink**) 13-06-2009, 02:20 PM

السلام عليكم ورحمة الله وبركاته
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
مثل ماهو الموضوع فكره عمل معجنات مقليات اكلات شعبيه وحلويات من المنزل
ومعي حوالي 5 او 4 بنات بس مااعرف شلوون تتنظف الفكره كل وحده تجيب اكلها من بيتها يكون التجهيز عندي ؟؟ اعمل مطبخ خارجي؟؟ وش علي ووش يلزمني
نحتاج ارائكم بارك الله فيكم

مملوحة2006 · #2 (**permalink**) 13-06-2009, 02:50 PM

مرحبا

اعتقد لو تقسمون الشغل عليكم افضل بحيث تحطون جدول يضم اسمائكم وتستلمون الطلبات بالدور مثلا يوم السبت جات طلبية على معجنات تاخذه اول وحده وتعطي المبلغ لصاحبة الفكرة والاثنين جات طلبية حلويات تاخذها الثانية بالجدول وهكذا حسب كل وحده وايش تضبط من الاصناف وتجمعين المبالغ واذا جاء نهاية الشهر تتقاسمون الارباح-اعملولكم بروشورات وصورو الاصناف علشان يتفرجو عليهم الزباين -اعملو صحن للتجربة فيه عينات من اصنافكم للزباين اللي يبغون يجربون طبخكم قبل وبيعوه 10 ريال مثلا
يلا اتمنى اني حمستك وافدتك بافكاري خاصة رمضان مقرب والكل طوابير على الكبة والسمبوسة وورق العنب

المميزة2006 · #3 (**permalink**) 13-06-2009, 03:01 PM

حياك الله اختي مملوحه وسلمت يمينك على الي اضفتيه
بس مافهمت الطريقه يعني قصدك كل وحده تسوي الصنف في بيتها مثلا نوره تستلم عمل يوم الثلاثا وتجهز الطلبيه في بيتها .؟ طيب كذا كم يكون النسبه ؟ احس كل وحده لحالها تشتغل ؟

حسوووس · #4 (**permalink**) 13-06-2009, 03:29 PM

مشروع حلووووو وفكره اكثر من رائعه

فيه مطبخ بالرياض يطبخون ذبايح للولائم والمناسبات الذبيحه كامله ب 1300 ريال كل شئ عليهم
ماعليك غير تتصل وتطلب اللى تبيه ويوصل لك الطلب على حد بيتك

وإذا ما اعجبك الطبخ تسترجع فلوسك عادي

وكل اللى يشتغلون بنات سعوديات وربي
كل زملائي صارووو يسون لهم دعاية عشان ينجح مشروعهم

إي مشروع تبدين فيه لازم تسوين له دارسه جدوى

ما هي أساسيات اللي تحتاجونها ؟؟؟ أدوات الطبخ أدوات التعليب ......

وش مهام كل بنت في القروب ؟

طريقة تنفيذ المهام ؟

طريقة تصريف المعجنات وتوزيعها ؟ أهم شئ

دارسة المصرفات والإرادات للمشروع ؟

طريقة توزيع الأرباح ؟

همس الشجون · #5 (**permalink**) 13-06-2009, 03:46 PM

مرحبا اختي

راح اعطيك رايي واتمنى تستفيدي منه .... طبعا اي مشروع لابد من راس مال ومجهود وكونكم شراكه لابد من توزيع كيفية الشراكه هل كلكم راح تتشاركون براس المال والمجهود او نصفكم راس المال والنص الثاني مجهود يختلف ... واذا كنتو راح تتشاركون بكل شي فالافضل لكم تستاجرون مكان مناسب وتسوونه مطبخ ومنه تستقبلون الطلبات وتسوونها سوا ... وممكن طريقه اخرىاذا ماتبون تستاجرون مكان وكل وحده تسوي من بيتها تنقسمون كل على حسب معرفته مثلا الي شاطره بالحلويات تكون مسؤله عنها والي بالمعجنات وهكذا ... فمن يكون عندها الشغل تكون الميزانيه على الاخريات ... يعني مثلا جات وحده طلبية معجنات هي تسويها والباقيات يجبوون جميع الاغراض ... وهكذا مع اني اايد فكرة انه يكون مكان خاص فيكم تتشاركون بكل شي . وممكن تبداون من البيت وبعد ماتنعرفون وتنجحون باذن الله تستاجرون مكاان . اتمنى اكون افدتك

المميزة2006 · #6 (**permalink**) 13-06-2009, 04:39 PM

جزززاكم الله خير والله على هالاضافات
يعمني احين الكل متفق على تووفر المكان مطلب اساسي ؟؟

حسوووس · #7 (**permalink**) 13-06-2009, 05:20 PM

المكان يعني أيجار يعني زياده تكلفه لكن

أختى لي مرور اخر بذن الله غداا

بحط لك شرح تفصيلي لدراسة مشروع وبذن الله ينفعك كثير

بس احتاج دعواتك بظهر الغيب

السلاطيـن · #8 (**permalink**) 13-06-2009, 08:30 PM

اهلا اختي المميزة2006 وفقك الله
الاخوان والاخوات ماقصروا
وتقبلي تحياتي
السلاطين

حسوووس · #9 (**permalink**) 14-06-2009, 03:47 PM

سويت دراسه بسيطه للمشروع غير شاملة
وتضمنت 10 فقرات

1- مقدمة .
2-مدى الحاجة للإقامة المشروع والهدف .
3- المنتجات .
4- العناصر الفنية للمشروع .
5- المساحة والموقع .
6- الالات والمعدات والتجهيزات .
7- العمالة والايدي العاملة .
8- التسويق .
9- الاشتراطات الصحية والبيئه .
10- المالية والإدارية .

بإمكانك تحميل الشرح التفصيلي من المرفق

http://www.g5g5.net//uploads/files/g5g5-87c96b4366.doc

وفي حال وجود اي ملاحظه بإمكانك الاستفسار