بسم الله والصلاة والسلام على رسول الله محمد بن عبدالله عليه افضل الصلاة و أتم التسليم

السلام عليكم ورحمة الله وبركاته

بصراحه ما أدري من وين أبتدي و من وين أنتهي , انا حياتي كلها هم بهم

وبحكي لكم من البداية , أنا موظف بشركة وكنت شغال بالشرقية لمده خمس سنين قدر الله علي وصار لي حادث , وسويت عملية بالظهر وركبو مسامير , الحمد لله بعد العمليه تعافيت و نقلت لمنطقة نائية لتحسين ظروفي , المهم أثناء عملي في المنطقة النائية حصل لي حادث أصابني بنفس الفقرة بالعمود الفقري القديمه . و زود على ذلك فقرة فوقها , وفوقها بعد تنميل وضعف في الرجل اليسرى , طبعا المنطقة النائية لا يوجد فيها مستشفى واهلي بالرياض وراجعت المستشفى لمدة سته شهور , كنت أحاول النقل من المنطقة النائية إلى منطقة الرياض أو إلى أي منطقة يتواجد فيها مستشفى للعلاج , لكن إدارتي ترفض النقل بحجة انها تحتاج موظفين مع انهم ليسو مستفيدين مني , المهم رحت للرياض وتعالجت وصرت ارسل لهم اوراق المستشفى بدون ما أدوام , ولا خليت واسطة الا وكلمتها و للأسف قالو المصاب لا تقبل به أي إدارة !
المهم دخلت على الرئيس الكبير بنفسي , فقال لي تبي تنقل جيب لك بديل , أو إنك بتجلس بالمنطقة اللي انت فيها .. المهم دخلت على ناس من قرايبي بالشركة عل وعسى يفيدوني مافاد فيهم شيء
المهم في آخر شيء قلته لهم , انا براجع المستشفى ولا تشافيت برجع لكم واعطوني اجازة , فكان ردهم كالصاعقة , قالو لي اذا ماتداوم راح نحولك تقاعد , وانا عمري 25 يبون يقاعدوني , بصراحة تحطمت وكرهت عيشتي و علي من الديون مالله به عليم ويبون يدمرون مستقبلي..
طبعا قدمت على المقام السامي ببرقية إلى أبو متعب وتحدثت عن اللي صار لي والظلم , طبعا عندي مقابلة مع مسئول التقاعد الشهر الجاي او يمكن اللي بعده , وانا اخاف يندمر وضعي لا يجيني التقاعد ...
واللي ارسلت لهم البرقية قالو انتظر اكثر من شهر
يا إخوان أقسم بالله العلي العظيم إني أحس إنها تقفلت بوجهي ولا لي إلا الله ثم أنتم .. مشورتكم علي , هل أقبل بالتقاعد , أم أقوم بالشكوى عليهم ...بالعلم إني الآن ماامشي الا بعكازة , ولا اقدر اسوق السيارة لمدة طويلة ... وممنوع جلوسي لوقت كثير ...
وعندي تقارير بحالتي كلها .. ومع اني مرسلها لعملي لكن مافادتني للأسف..

والله اندمرت نفسيا وصحيا , و الوظيفة من جهة أخرى ..
قبل ما أعرف هذه الشركة كنت بخير وبعافية لكن من بعد ماتوظفت فيها أحس الناس بدت تحسدني و صابتني مصايب مايعلم بها الا الله ..

فزعتكم انتظر ردودكم
وش اسوي ياناااس

طيب، زي ما يقولون، سين سؤال، لو حصلت على التقاعد، كم بيجيك، أو بالأحرى الآن كم راتبك؟ عشان نحاول نوصل لتقدير المبلغ الذي راح تأخذه في حالة تقاعدك

الله ييسر امرك اخوي


حتى انا مثلك الدنيا متقفله بوجهي
درست كليه وطلعت مالها مستقبل ومالها ابدا وظائف
قدمت معامله لوزير التربيه والتعليم بظروفي الخاصه واني محتاجه لوظيفه ولمن وصلت لشؤون الموظفين رفضوها قال ايش ماهوب عذر ياويلهم من ربي

كلمت حقوق الانسان وخبرتهم بظروفي قفلوهاااااااا بعد
ومابقي مكان الا ارسلت هالسيره له وربك محد دق علي على كثر مارسلت حتى لو الوظيفه مو زينه وارفضها بس ماحس تعبي راح

واخرتها ياخوووي اكتشفت اني مسحوره ههههههه يعني انا من غير سحر اعاني يجي هالسحر ويكمل الناقص

فماتدري يمكن تكون مسحور وماتدري وهالشئ قاطع رزقك ومسببلك بهالحوادث

تبي نصيحتي اسال معالجين بالقران اذا كنت تحس باعراض والله ماتدري يمكن فيك شئ معسر امورك مثلي
ماقول الاحسبي الله على من ضرني
ش
والله ييسر لك امرك يااارب ويفتها بوجهك ويشفيك ويرزقك باللي تتمناه

الله يسرها عليك

إن لله وإن إلية لارجعون

اذكار الصباح والمساء لا تسيبها والله ثم والله لتقوم بصحتك

والاستغفار بنيه الشفاء بعد كل صلاه 100 مره وراح تدعيلي

الناس ماتذكر خير... العين ضاقت يالطيف

الله يمدك بالعافيه وتكمل وظيفتك وانت بأحسن حال

ماضاقت الا فرجت .. والله يفرجها عليك وعلى كل عاطل يارب