اختي الحائره

خليه يروح للضـمان أحسن وياخذ العلـم منهم والله يسر الامـور

وهو الحين وش مهـنته بالاحـوال متقاعد ولامتـسبب

اذا كان متسـبب راح يصرفون له ضمـان شهريــا

اما متقاعـد مادري اتوقع يعطونه مسـاعده مقــطوووعه

السلام عليكم ورحمة الله وبركاته
أختي الحايره بعطيك قصتي وأنتي أفهمي
زوجي عنده من زوجته الأولى خمسة أولاد وأنا عندي طفلين وراتب زوجي ألف وسبعميه وتسعين
شفتي راح للضمان ومعه جميع الإثباتات وش تتوقعين قالوا
عطوه ورقه وقالوا عب البيانات وتعال في يوم الرجال قبل صلاة الفجر وأمسك سرى ويمكن يجيك الدور الظهر وبنعطيك من ستة ألالاف إلى تسعة الالاف وتعال السنه الجايه وقدم طلب من جديد ونشوف يانقبل يامانقبل
قام زوجي رجع الأوراق وقال سلام عليكم خلوها لواحد غيري محتاج

بسم الله الرحمن الرحيم
أختي الحائره
المثل يقول
النار ماتحرق إلا رجل واطيها
وماحك جلدك مثل ظفرك
إنا في زمن محد ينفع أحد إلا إذا معك واسطه
الزبده ياقلبي إذا عندك شهاده وأنتي عاطله لاشغل ولادراسه دوري لك وظيفه أوشغل وأنتي في بيتكم ولا الله يعين أبوك يدور له شغله لوبألفين
والله يوفقكم
ويرزقكم من حيث لاتحتسبون

بسم الله الرحمن الرحيم
عزيزتي الحائره
الله يوفقك في دراستك
إذا جاك واحد مافيه كلام ليش تردينه أما واحد مايستاهل لامو حل وبعدين من قال أن الزواج مشاكل بالعكس
الزواج حلو وأهم شي التفاهم والإحترام الإحترام الإحترام مهم جدآ بين الزوجين والمصارحه والحب
عزيزتي أنا متزوجه من ست سنوات ولاعمري في يوم تهاوشت أنا وزوجي ((ماشاءالله))يعني الحرمه إذا شافت نفسها على زوجها هي الخسرانه وصدقيني الرجال تملكينه بكلمه وحده بس
عليكم بالإستغفار وإن شاءالله أخوي باحث إجتماعي يقدر يساعدكم والله يفتح لنا ولكم أبواب رزقه وإذا بغيتي أي شي كلميني على الخاص