اليوم قررت اني اذهب لجامعة الامام الداجه
المهم وصلت للمواقف وطقيت كعابي الين مقر العماده يمكن كيلو المهم وصلت دخلت على سكرتير العميد قلت وش قصتكم وش تحسون به رد واساساً قبل ما اواجهه نفسه خايسه مغصوب على الشغل الله اكبر ياهاالشغل قال ما ادري وش صار عليها قلت انتم قلتو في 21 قال ايوه لكن مالك الى انك تطلب الرحمن قلت ابي اقابل العميد قال مو موجود قلت تصريفه فاهمين هالحركات المهم انا عصبت قال رح لمكتب التسجيل والقبول رحت لهم لقيت المكتب مقفل وقتها كانت الساعه 10 قلت ما حد داوم قالو بعض الموظفين ما ندري قلت اجل من يدري التسيب الاداري قال دورعليهم يمكن تحصل موظف يخدمك مالت عليهم وبعد طقاق مع هالموظفين الكسلائى قال اخر موعد يوم الاربعاء قلت اي اربعاء اربعاء من شهر محرم اه اه اه منهم

اعذروني على القصه الحزينه لكن حبيت اشكي لكم الحااااااااااااااااااااااااااااااااااااااااااال لاحبابي
ويقولون التلفونات ترن ومافيه الى موظف واحد قال ماني راد على ثلاث تلفونات ترن في نفس الوقت والله من الدجه

طيب ما قالو انه فيه امتحاااااااااااااان عشاااااااان القبول>>> خمبتزه في خمبتزه !!!

وانت ياماريو الله يصبرك وكرزو الله يعينك

آمـــــــــــــــــــــيــــــــــــــــــــــــــ ــــــــــــن

هههههههههههههههههههههههههه

والله من جد من التسيييييييب الاداري ياخي يخافون الله على هالرواتب اللي ياخذونهاااااااااا

ويا سنين العمر بديت اليوم ادور لي دورات ابرك لي ماااااااااااااالت عليهم صحيح انهم تخلف في تخللللللللف

ونشوف يوم الاربعاااااااء راح يقولون يوم السبت ثم يقولون السنه الجديده

والله يصبر الجميييييييييييع

يا رجال ريح بالك

وبعدين والله غلطان يوم تطلع من معهد الادارة

انت الان تعتقد ان جامعة الامام افضل من معهد الادارة ؟

وش السالفه ياعرب واي اربعاء

لابارك الله فيهم اجلنا دورات واشغال ننتظر دبلومهم كش عليهم

ماقول الشرهه ع اللي يسجل عندكم

تعالوا حبيت أقول لكم شغله <<<< ليش مايردون عليكم ويردون علي ؟؟؟


سبحان الله و قسم بالله أن كذا موقف الناس تصيح و تتضايق يقولون مايردون علينا وأنا بس ترن ترن ترن همن يرد علي <<<< طبعاً أنا أتكلم عن الرجال أما الحريم غاسله يدي منهن من عام السبلة : (

طيب قولوا الآن ماشاء الله بعدين أتمرمط مثلكم ,,


كلمت اليوم الضحى على الساعة 11 وشويات على إدارة الجامعة حقت الرجال رد علي موظف وسألته وش صار على الدبلومات المجانية ؟؟؟ <<< أنا مقدمة مثلكم : )

قال لي أنتظري منهم مسج ,,

قلت هم قالوا في تاريخ 21 / 10 ننتظر ولسى مابعد جاء شي منهم ,,

قال يمكن التأخير من وزارة التعليم العالي ,,

قلت طيب الأنقلش فيه فعلاً إختبار تحديد مستوى ؟؟

قال لي لا بس مقابلة شخصية ,,

قلت طيب صح الدراسة في تاريخ 5 / 11 ؟؟

قال الأن نشوف تقارير الصادرة من الوزارة ويصير خير ,,


و سلامتكم ,,


مرة ثانية أسمع ماشاء الله بصوت عالي ,,

كل يوم لهم كلام والغاز جديده

حسبي الله عليهم ~

لاومقابله بعد روحو زين بعد هالمرمطه قال مقابله

الله يكتب اللي فيه خير بس

انا قلته وضعهم خمبتره في خمبتره

مايدرون وين الله حاطهم

ويحطون اللوم على التعليم العالي (حجه) الله اكبر احرجونا الى والله من قل الدبره فيهم

وبعدين والله غلطان يوم تطلع من معهد الادارة >>> غصبن عني حتى قالو مانقبلك الى بعد سنتين من تاريخ قبولك عشان غيرك يحصله كرسي في المعهد ولا احلى مرحله في حياتي الدراسيه المعهد عرفت الانجليزي منه لو ما دخلت له كان ميح وبقوه ولا اعرف ادبر نفسي لكن الحمد لله على كل حااااااااااااااااااال

انت الان تعتقد ان جامعة الامام افضل من معهد الادارة ؟

لا جامعة الامام ماهي افضل لكن انا املي في حالحياة يكون عندي شهادة لو دبلوم لاني جربت كل شي جربت بكلوريس اعلام ولا مشيت وجربت معهد الاداره ولا مشيت وجربت كلية المجتمع حقت الملك سعود وبرضو يعني تيتي تيتي رحتي مثل ما جيتي مردنا لقديمنا جامعة الامام اول جامعه ادرس فيها بعد الثانوي