ممكن دقيقه من وقتك؟

ميكانيكي · #1 (**permalink**) 19-06-2009, 09:17 AM

السلام عليكم...
كيف حالكم ياخوانى عساكم بخير ..
جمعه مباركه على الجميع ان شاء الله
ياخوان حبيت انبه لنقطه مهمة جدا والله ...
انا رايت اكثر من 90 % من ردود الاعضاء انه الواسطه هي سبب رفضهم باي قطاع عسكري ..
ياخوان اي نعم الواسطه لها سلطه ومحد ينكر هالشي بس والله السالفه كلها توفيق من الله ...
والله ياخوان انا ماودي انه نتعلق بالسبب ونترك المسبب الى هو الله جلا جلاله ...
ياخوان ماعتقد في شخص تاذي من الواسطه قدي ...
والمشكله ماعندي اي واسطه باي قطاع واسطتي هو الله سبحانه ...
والله ياخوان انا لى تقريبا 4 سنوات عاطل ...
اول سنه قدمت على الدفاع المدني وخلصت كل اموري لين القبول النهائي وكل الى معي ظهر نتائجهم وانا اسمي ماطلع ادق على الدفاع المدني يقولون لسه اسمك ماجاء من وزارة الداخليه انتظر لين نتصل عليك >>>ودي اعرف وين راح اسمي ههه- واضحه تبديل ملف بملف اخر وصلي الله وسلم
وبعدها قدمت على المباحث وكان تسليم ملفات والله ياخوان هذا اغرب موقف مر عليا بحياتي ..
التقديم بدا السبت وانا جيتهم بسكاكا الاحد وانا من المدينه ( قاطع 1000ك )
المهم لما دخلت عندهم قالى الرقيب اظن انه نسبتي ماتوهل للقبول ..
قلت له ليه كل الى قدمو هنا نسبهم اعلى من 85 ؟
قالى لا بس حنا اليوم نبى من 80-84.99 ..
انت نسبتك 85 مدام ماجيت امس راحت عليك قلت له انى من المدينه قالى مع السلامه
عمركم شفتو موقف زي كدا؟ انا صراحه كل ماقول لواحد يستغرب هالموقف...
ووقتها كان فيه واحد يدق على ملازم جوه والا شوي ويجي عسكري يقول فلان بن فلان بين 300شخص تقريبا تخيلو ؟هاذي واسطه قويه خخخخخ
وللان ياخوان ماياست وقاعد اقدم على كل قطاع يجي وانا متاكد انه بعض الوظائف تروح بالواسطه بس والله ياخوان كل شي توفيق من الله ..
ماخاب من دعاه وطلب رحمته وطلب فرجه ...
واسف على الاطاله ...
اتمنى لكل عاطل انه الله يرزقه فوق مايتمني
وادعو لى انى انقبل قبول نهائي بالقاعده الجويه...بالتوفيق للجميع..

ليت نص جندي · #2 (**permalink**) 19-06-2009, 09:31 AM

هلا والله بخير عساك بخير

صادق الله هو الرازق وهو المدبر لكل شي

والواسطه ذبحتنا انا مثلك بس في البحريه خلصت كل شي

وانقبلت نهائي واوعدوني للدوره وجيتهم قالو تاجلت رح وندق عليك

والى اليوم مادقو وانا على نياتي اخر شي علمني واحد قال ملفك بدل من عند العقيد

والناس دخلو الدوره قبل شهر

هيا وشرائك

المثل يقول قطع الاعناق ولا قطع الارزاق

الله يقطع رزق من قطع رزقي

قولو امين

واللله يوفقك ويوفقنا

اذا مانقبلت بالقاعدة قطعت عهد على نفسي

مادور العسكريه بعد 4 سنوات بحث

وش نسوي

ولو يجي حرب ولا شي لخلي اللي وظفوهم ينفعونهم وانا بنسدح في

بيتنا

جامعي وأملي بلله · #3 (**permalink**) 19-06-2009, 09:32 AM

صبااح الخير أخووي ميكانيكي
والله أخووي من ناحيه الواسطة بهذا شي خاالصين منه
ماتمشي أموور الواحد بهدنيا الى بلواسطة ومن ناحيه تقديمك السابق ماهي على المعدل
على لواسطه حطوو شخص بمكانك لأن معه واسطه
والي مثلك أخووي كثير متمرمطين بس مااعليك الى أنك تصبر وتحتسب الأجر لأن حقك عند ربك مايضيع وصدقت التوووووفيق من ررب العاالمين
لاكن الله يسهل أمررك ويكون بعوونك وويوفقك
ويووفقنا بطامه الكبررى الي بتجي كليه الملك فهد الأمنيه

الله يسهــــــــــــــــــلها عليناا يااحي يااقيوووم

أخوووووووك/ سلطااان,,, جامعي وأملي بلله

عاطل سدير · #4 (**permalink**) 19-06-2009, 03:49 PM

جزاك الله خير اخ ميكانيكي والله يرزقك ويرزقنا

صعفق بن صعفق · #5 (**permalink**) 19-06-2009, 04:06 PM

مثل ماقال اخوي جامعي واملي بالله شي خالصين منة
الله يرزقك ويوفقك
ادعولنا نقبل بلامن العام

كنز المحبة · #6 (**permalink**) 19-06-2009, 04:10 PM

بالتوفيق للجميع ..

ملازم بدون نجمهـ · #7 (**permalink**) 19-06-2009, 04:11 PM

الله يرزقك
ويوفقك
واخوي تاكد ان الله بيكافئك على صبرك مو بالدنيا بالأخره
الله يوفقكم كلكم وانا معكم ان شاء الله

ارامكو السعوديه · #8 (**permalink**) 19-06-2009, 04:13 PM

ميكـآنيكي

موضوعك في غـآأيه الاهميـه والواسـطه لآشـك ان لهـآأ دور

وانـآ صـآر لي موقف وهو اني قـدمت على شـركـه كبيره واجتزت الاختبار والفحص وانتهيت والمفروض انهم يكلمونيي استلم توجيهي واروح لمقر المركز تبعي بس سحبوا علي وكل اخوياي اللي كـآنوا مـعاي استلموا التوجيهات ودوامو في مراكزهم الا انا . اكلم مكتب التوظيف يقول اسمك ماجانا من المكتب الرئيسي واكلم المكتب الرئيسي قال اسمك مو في الدفعه هذي <<<< عاد انا احترت وش اسووي ؟؟؟؟
وتبون الصدق يـأست منهم وسحبت عليهم ونسيتهم اصلا وانا عارف ان في واسطه سحب اسمي وحط اللي يبيه وفي يوم من الايـآم دق علي رقم غريب وقال لي معك مكتب التوظيف ونبيك تجينا يوم السبت ومعك صوره من الشهاده ودوامك يوم الاحد في الظهران قلت تم

انا كنت مابي الظهران ومن الله يوم رحت لهم قالوا تخصصك في جده والحمد لله على كـل حـآل

اســف ع الاطـآأله

نواف الولدعي · #9 (**permalink**) 19-06-2009, 04:21 PM

يرجال اجعل امرك لله واعرف ان مايحصل لك هو ابتلا من الله واختبار لك لكن لاتيأس من رحمة الله وعليك بالدعاة بين الاذان والإقامة وفي الثلث الاخير من اليل................والله يوفقك وتتوظف في اقرب وقت