##.. اختبار القدرات للطلاب الجامعييــن ..##

انسان مع نفسي · #1 (**permalink**) 20-06-2009, 11:46 AM

السلام عليكم ورحمة الله تعالى وبركاته ..

طبعاً يا شباب إذا ما خاب الظن إن الأغلبية سجلوا في اختبار القدرات العامة للجامعيين واللي راح يكون في تاريخ 12\7 إن شاء الله ..

هذا الموضوع للإخوان اللي عندهم لبس بخصوص موضوع اختبار القياس الجديد هالسنة ..
هو عبارة عن اختبار للطلاب الجامعيين الراغبين بـ :
1- اكمال الدراسات العليا ( الماجستير - الدكتوراه ) .
2- التقديم على الكليات العسكرية ( كليات وزارة الدفاع والطيران - كلية الملك فهد الأمنية ) .

آخر يوم للتسجيل في الاختبار في تاريخ 5\7 أو 7\7 ..

طريقة التسجيل : ما عليك سوا تسديد الرسوم عن طريق الصراف في بنك الراجحي ( تدخل البطاقة تروح إلى أخرى وبعدين قياس يطلع لك من ضمن الخيارات اختبار القدرات العامة للجامعيين رص عليه وبعدين تجيك قائمة 50 - 100 - 200 رص على 200 وكذا بيطلع لك الايصال اللي فيه رقم العملية لازم تحتفظ فيه عشان تقدمه وقت الاختبار مع بطاقة الاحوال تبعك ..

وبعدين تروح لموقع المركز الوطني للقياس والتقويم ( قيـاس ) وتروح تفتح لك ملف طالب تحصله من ضمن الخيارات وتسجل بياناتك وعشان يتم التأكيد لك لابد تسجل رقم العملية الموجود بالإيصال اذا سجلته راح توصلك رسالة على جوالك بتأكيد الاسم والتسجيل وبالتالي بعد ما تدخل رقم العملية انت الآن سجلت خلااااص وحجزت لك مقعد .. لما تجيك خانة التخصص بيطلع لك نظري - علمي - عام .. اكتب عام عشان يطلع لك رمز الموعد واللي هو رمز المنطقة مثلا الرياض رمزها 101

لا احد يسألني ليه نزلوا الاختبار قبل التقاديم خخخخخ

دعواتكم لاخوكم في الله .. وآسفين على القصور

..

مستعد · #2 (**permalink**) 20-06-2009, 12:02 PM

مشكور اخوي المشكله ماعندي حساب في الراجحي ولااعرف احد عنده حساب بالراجحي وش الحل

سامي666 · #3 (**permalink**) 20-06-2009, 12:09 PM

يعطيك العافية على التوضيح

بس سمعت انه في دورات تهيئ الشخص للأختبار خاصة اللي اول مرة يختبر قياس

سؤالي ما أحد يعرف معاهد تعطي هذه الدورات خاصة بمدينة جدة ....

بتوظف يعني بتوظف · #4 (**permalink**) 20-06-2009, 12:11 PM

اخوي وين موقع الاختبار في الرياض

مستعد · #5 (**permalink**) 20-06-2009, 12:16 PM

ماعندي حساب في الراجحي ولااعرف احد عنده حساب بالراجحي وش الحل هل فيه طريقه اخرى للسداد عن طريق بنك اخر

انسان مع نفسي · #6 (**permalink**) 20-06-2009, 12:16 PM

اقتباس:

المشاركة الأصلية كتبت بواسطة مستعد

مشكور اخوي المشكله ماعندي حساب في الراجحي ولااعرف احد عنده حساب بالراجحي وش الحل

ابشر بسعدك انا اسدد لك وعطني كاش ولا يهمك يا صديقي

انسان مع نفسي · #7 (**permalink**) 20-06-2009, 12:17 PM

اقتباس:

المشاركة الأصلية كتبت بواسطة بتوظف يعني بتوظف

اخوي وين موقع الاختبار في الرياض

كلية المجتمع حي الملز

انسان مع نفسي · #8 (**permalink**) 20-06-2009, 12:20 PM

اقتباس:

المشاركة الأصلية كتبت بواسطة سامي666

يعطيك العافية على التوضيح

بس سمعت انه في دورات تهيئ الشخص للأختبار خاصة اللي اول مرة يختبر قياس

سؤالي ما أحد يعرف معاهد تعطي هذه الدورات خاصة بمدينة جدة ....

يا عزيزي حنا مو ناقصين يشفطونا بعد توكل على الله وانت طالب جامعي وان شاء الله تتيسر امورك واكيد عندك خلفية عن المعلومات العامة .. اذا ملزّم تحصلة كتاب في مكتبة جرير قيمته 99 ريال عبارة عن مرجع مساعد عن طبيعة الاسئلة