باركولي ابو البنت وافق .. احسن شي بالعالم .. طلب مساعدة

حمد الشمري · #1 (**permalink**) 22-06-2009, 04:06 PM

السلام عليكم

اول شي قولو مبروك لان ابو البنت وافق بعد مابحث عن اصل اصل اصل اصلي ويقولون انه وصل لجدي الثامن طعش

يمكن بعضكم كان يشوف الاعلانات اللي احطها للوظايف دايم اكتب تحتها ( ادعولي بالتوفيق والزوااااج

)
وابشركم عاد الصباح جات موافقة ابو البنت

( والله ياني اكلت هوا من كثر التفكير خايف يقول مافي بنات للزواج

)
لكن الحمدلله على توفيقه
انا وش كنت

اقول .. اي ,, تذكرون اعلاناتي وكان اللي يردون يقولون الله يوفقك بعروسه واللي تقول ان شاءالله نرقص بعرسك واللي يقول الله يزوجك بنت الحلال
فحبيت ابشركم لانكم كلكم اخواني وغالين بالحيل بالحيل
واللي كان يسأل عن الغيبة عن المنتدى هذا هو سبب الغياب .. روحة وجية وقرارات ومشاورات مع الأهل ومن هالكلام وماكنت فاضي ادخل المنتدى والله يعين الجميع ويوفقكم

المهم اني انا موظف قطاع خاص وعندي قرض ماخذه اخوي باسمي << بسرعة ينضحك عليه

المهم انا مادري من وين اجيب القرض ( المهر والشبكة وهالخرابيط ..)

انا والبنت مانبي زواج كبير وخساير وبالأخير نعيش عمرنا كله اقساط وقلة حيا

اللي يهمني اني اجيب ستين الف مهر الغالية وبعض الشغلات اللي خبري خبركم

ناس تقول خذ قرض الزواج من بنك التسليف وبنك التسليف لازم عقد الزواج وابو البنت يبي القرض مع الملكة يعني صعبة .

طيب نجي للخيار والطماط الثاني
آخذ قرض من البنك بملغ ستين الف من أي بنك ..!! ووش الأفضل لموظف قاطع خاص والراتب 4 او 5 الاف

الفكرة اللي في بالنا اني آخذ القرض وبعد الملكة اخذ عقد الزواج واروح لبنك التسليف وآخذ منهم 45الف واسدد البنك واللي يبقى من القرض حق البنك اكمله اقساط لين يجي موعد الزواج اللي هو بعد سنة ان شاءالله من الحين ..
طبعاً مسألة تأثيث الشقة وايجارها بيكون منتهي ان شاءالله ..

يوووه كني طولت

باختصار

الأفضل انا اشوفه..

آخذ قرض من البنك 60الف واسدد بعد 3 شهور 45الف كاش واكمل باقي قرض البنك .!!

طيب من يعرف كم تصير الفائدة من البنك وكم تصير مدة السداد ( القسط بيكون 1500 ريال )

واضح الموضوع والا اوضح اكثر

باختصار اكثر انا موظف قطاع خاص والزوجة كذلك والراتبين تقريباً 5500 ريال

وش الأفضل نسوي خاصة ان الملكة بعد شهر او شهرين ولازم ادبر 60 الف مهر وشبكة << بيصيد سمك الأخ

ساااااااااااااااااااااعدوني ياهل الخبرة

اي فكرة اي ملاحظة اي فائدة اذكرها وانت تبارك لي

على فكرة الشوفة الشرعية بعد 15 يوم وش افضل البس شماغ والا غترة

الموضوع موجود بكذا منتدى ..