نفكر سواء .................... تجارب+نصائح+افكار

كلام سليم · #1 (**permalink**) 23-06-2009, 03:44 PM

السلام عليكم و رحمة الله و بركاتة

بصراحة كنت افرر بالمواقع و اعجبت بهذا الموقع و اعجبت بفكر الاعضاء و حبهم للخير و نصائحهم فقررت اني انضم اليكم و انشاءالله افيد واستفيد

يا اخوان بالعاميه انا معي مبلغ خمسين الف ريال سعودي الباقي من القرض الباقي شغلته و على قولة الراجحي لا تحط البيض في سله وحده و افكر بمشروع و اللي يبي يشاركني بمشروع ماكو مشكله واللي يبي يعطيني افكار استفيد منها ويستفيد كل من يقراء الموضوع جزاه الله الف خير

انا ما اخاف من الخساره لاكن ابي واحد ثقه انا ما عندي وقت ما اطلع من الدوام الا الساعه اربع العصر واطلع دايخ ادور الفراش ........... جاب قصة حياته "احب افضفض"

انا اول كنت فاضي وكنت اطقطق و لي تجارب مع محلات الجوال و الحلاو بالعيد والذبايح في عيد الاضحى و كدة الدنان ايام حلوه الحين صرت محترف .......هههههههه

والله كلها فيها مكسب لاكن محلات الجوال حاليا تغيرت كل الاجهزه صينيه نكبه بالعربي الحلاو يمكن يميع عليك يبيلك ثلاجات و الغنم "الحلال" والله فيها مكسب مو طبيعي والدنات يبيلها واحد فاضي .........لاحد يزحك

المهم فكرت مليا ....... مسوي لغه عربيه
ما لقيت مشروع يشجع ابي افكاركم لا تبخلون علي انا اخوكم الصغينون

ابي تفاعلكم هنيه الكل يستفيد انشاالله "اعتبروها حلقة نقاش"

اسف على الاطاله و عدم ترابط الموضوع :o

الفكر التجاري · #2 (**permalink**) 24-06-2009, 12:54 AM

مدام انك خبرة في المواشي من الأفضل تبقى فيها
لأن اللحين راح يدخل موسمها

كلام سليم · #3 (**permalink**) 24-06-2009, 02:30 AM

اقتباس:

المشاركة الأصلية كتبت بواسطة الفكر التجاري

مدام انك خبرة في المواشي من الأفضل تبقى فيها
لأن اللحين راح يدخل موسمها

شكرا على مرورك اخوي

اعرف ان هذا موسم للمواشي لاكن اذا تعرف مورد من سوريا انت ولا غيرك استطيع ان اصرف الحلال وفيها مكسب طيب واللي يبي شريك ماكو مشكله واللي يبي سعي ماكو مشكله

ابي افكار اخرى من الاعضاء

بقايا طموح · #4 (**permalink**) 24-06-2009, 03:19 AM

للاسف ماعندي افكار وان شاءالله الاعضاء يفيدونك

بالتوفيق لك ان شاءالله يارب

بزنس مان · #5 (**permalink**) 24-06-2009, 05:34 AM

اقتراح

دام عندك خبره في الدينات ليه ما تشتريلك دينه وتمسكها عامل بس يكون امين وتتابعه

او تحطها بوايت وتمسكه افغاني

ان اعجبتك الفكره ادع لي بالتوفيق

أحبك يازوجتي · #6 (**permalink**) 24-06-2009, 07:03 AM

السلام عليكم ورحمة الله وبركاته

أنا أعتقد بما انك قلت ان لديك خبره بماكنت تشتغل به اول ليش ماترجع له الحين وبما انك قلت ايضا انك لست خائف من الخساره

تحياتي

كلام سليم · #7 (**permalink**) 24-06-2009, 02:31 PM

موظفه في الخيال شكرا على مرورك

بزنس شاكر لمرورك و الله يوفقك بس الدنات ما تشجع الحين اختلف الوضع

احبك يا زوجتي شاكر لمرورك وانا ابي شي جديد و مجدي

أحبك يازوجتي · #8 (**permalink**) 25-06-2009, 06:13 AM

الله ييسر لك ويفتحها بوجهك

قهوة · #9 (**permalink**) 27-06-2009, 09:30 PM

خمسين ألف كم تجيب لك من دينا ؟
؟
حتى لو مستعملة
اشتر فيها دينا أو أكثر إذا عندك زيادة مبلغ . وجب لكل دينا باكستاني أو هندي ثقة . وخذ جوازه وعطه صورة من الإقامة فقط ، وصوره صور حديثة . واتفق معه إنه يجيب لك شهريا 3000 ريال ( مبدئيـًا ) .. بعدين لما يفهم الشغلانة تزيد إلى 5000
ولا تعرفه ولا يعرفك إلا نهاية الشهر ، يسلمك 3000 وتعطيه منها 1000 راتب .

5 دينات × 2000 = 10000 شهريـًا ، وانت متمدد في بيتك . طبعا العشرة الآف بعد خصم رواتب السواقين .

واركد على هالوضع 4 سنوات ، وبعدها اجلس مع نفسك واحسب خسايرك وارباحك وقرر بين أمرين :

إما توسع مشروعك ويصير عندك مؤسسة كاملة للدينات وتأجيرها وتشغيلها .
أو تبيع الدينات وسواويقها ، وتبدأ مشروع آخر .

والله لو اني رجال لاطلع من هالمشروع ذههههههب ..
بس العوض ع الله .

قهوة · #10 (**permalink**) 27-06-2009, 09:50 PM

فكرة ثانية قريبة من الأولى
اشتر لك فان هوانداي جديد بهالسعر تقريبا
وجب لك عامل سنع
وانقل مدرسات
كل مدرسة بـ1000 ريال
الفان يتسع لــ6 مثلا
6×1000= 6000 شهريا منها راتب العامل إذا كان هندي 600
.
ولما يتعلم الشغل جب لك عامل ثاني يروح معه نفس المشوار مرتين ثلاث ، ومسك العامل القديم سيارة جديدة ب6 معلمات
وهكذا
أعرف لك ناس من كثر الذهب اللي يطلعونه من هالشغلة موظفين أشخاص لمحاربة قيادة المرأة للسيارة في الصحف والمجلات والانترنت

مايبون رزقهم ينقطع