شركات الاستثمار (( الوساطه )) تطلب موظفين .. مستقبل واعد ..

ولـيـد · #41 (**permalink**) 15-04-2007, 10:24 AM

الله يعطي جميع الي ردو العافيه وبالنسبه للاخت طالبه كبيره مشكوره على الاضافه

اما اخوي الامل انا اعرف بعض هذي الشركات انها تفتح لها فروع في الرياض

لكن بالنسبه للمدينه ياليت تتصل بالشركات الي بجده وتستفسر منهم

واختي مرام هذي وظايف رجاليه ونسائيه ولو تقرين رد الاخت اه يالقهر

ورد طالبه كبيره تعرفين اي الشركات الي طالبه وظائف نسائيه

وبالتوفيق للجميع

LXXL · #42 (**permalink**) 15-04-2007, 11:23 AM

الحين لما ارسل cv لازم اكلمهم ولا مايحتاج ارسلها وبس.

ولـيـد · #43 (**permalink**) 15-04-2007, 11:31 AM

ارسلها وهم لمن يحتاجون بيتصلون بس عادي لو تدق عليهم وتسالهم وتشوف

وش يقووووولون وتحسسهم بانك محتاج لهالوووظيفه وبالتوفيق

وحي القلم · #44 (**permalink**) 15-04-2007, 02:52 PM

مشكور اخوي على الوظائف امس انا رديت وكان في استفسارات في ردي بس ما طلع الرد توي دخلت ما لقيته المهم انا اليوم دقيت على الشركات اللي مافيها واللي فيها بس يقولون ارسلي ولا اتصلي بعدين المهم هو سؤالي هل البنات معزولين عن الرجال مثل البنوك او اختلاط ؟؟؟ وكيف رواتبهم يعني مثلا انا من مكه لو بتروح 1000 ريال للسواق يتحمل الراتب ولا 2000- 3000

ولـيـد · #45 (**permalink**) 15-04-2007, 03:20 PM

هلا اختي سادحه انا بقولك شي فيه بعضها يمكن يكون فيها اختلاط وبعضها لا

انا بصراحه قابلت في شركه وشفت فيها اختلاط وبعضها مافيها وانتي من حقك

لمن يتصلون عليك تسالينهم اذا عندهم اختلاط ولا لا وكيف طبيعة العمل

وبعدها تقررين اذا تشتغلين وياهم ولا لا وبالنسبه للرواتبهم هي تختلف من

شركه لشركه وفي اقل الاحتمالات مايقل عن 4000 الراتب وهذا ماصار في

مقابلاتي لانه اي مقابله اقابلها يقولون كم تستلم راتب الحين اقولهم 4000

لانه فيه مره واحد سالني عن راتبي وقلتله 4000 قالي خلاص انا لمن بتصل

فيك بعطيك عرض افضل من هالراتب ودامه افضل اكيد بيكون راتب فوق 5000

ويوصل للسته بعد لاني اعرف واحد شخصيا موظف فيه هالشركه وراتبه

اعتقد فوق العشره الاف بس مبدئيا بيعطونك حول الاربعه الاااف وهذا في اقل

الاحتمال وشركه ثانيه قالولي رواتبنا 4000 مبدئيا يعني هذي هي رواتبهم تقريبا

واتمنى اني اجبت على اسئلتك وبالتوفيق

SULTAN-VIP · #46 (**permalink**) 15-04-2007, 10:31 PM

يا اخوان بالنسبة للرواتب

انا شخصياً كلموني شركة الدخيل وحسب الخبرة اللي معي قال لي مدير الموارد البشرية بنفسه على الجوال انه راح يعطيني مبدئياً ( 4000 ) ولكن حسب كلامه انه لو اروح الرياض واقابله يمكن نتفق على اكثر من هذا الراتب ,,

بس انا رفضت لأن الوظيفه بالرياض وانا بالدمام ومافيه فرق بين راتبهم والراتب اللي استلمه حالياً.

الله يعطيكم العافيه وبالتوفيق,,,

قلة صنعه · #47 (**permalink**) 16-04-2007, 04:46 AM

طيب ممكن أقدم عليهم وتكون الوظيفه بالطايف ؟؟

ولا الوظيف بس في جده والرياض؟؟

ومشكورييييييييييين

Lvy · #48 (**permalink**) 16-04-2007, 09:39 AM

مشكور ع الموضوع المفيد
والشكر برضو لـ آه يالقهر & طالبه كبير الي تأكدوا لنا من الأرقام

بس حابه اسأل
انت سمعت عن شركه "سداد" و شركه "تداول" , هل هي تدخل ضمن هالشركات الي ذكرتها (يعني شركات وساطه) ؟
وبشكل عام ايش ممكن يكون شغلي بهالشركات الي ذكرتها ؟

ومشكورين ع الموضوع وأي شي يستجد بحطه هنا : )

عطيلي999 · #49 (**permalink**) 16-04-2007, 10:04 AM

عافاك الله اخوي وما قصرت

Lvy · #50 (**permalink**) 16-04-2007, 10:41 AM

بنات

رقم شركة الدخيل الي دقيتوا عليه هذا / 4782525
مو نفس الشركه

لما دقيت طلع لي "المركز الإستشاري للاستثمار والتمويل"
ورد علي واحد سوداني اتوقع قال اساسا ً مافيه قسم نسائي
ماادري يصرفني أو ايش

المهم أنا دقيت على :

شركة اصول
تلفون / 4731414
فاكس / 4760330
ماعندهم شواغر نسائيه حاليا ً , بس فيه قسم نسائي ,
وممكن تقدمين ع الفاكس

..

شركة فالكم للخدمات الماليه
تلفون / 2011280
ايميل / hr@falcom.com.sa
قال لي الوظايف ترسلين الـ CV ع الإيميل

..

شركة وطن للاستثمار واعمال الاوراق الماليه
تلفون / 4190652 تحويله 221
فاكس / 4191055
ماعندهم قسم نسائي حاليا ً , بس ممكن اقدم ويشوفون بالمستقبل
التقديم ع الفاكس

..

المجموعه الماليه
تلفون / 4779977
فاكس / 4770004
مثل ماقالوا البنات
يطلبون محللات ماليات وتخصصات اقتصاديه وإداريه فقط

..

الباقي لسى ماردوا علي
وانا حابه ادق بنفسي وأسال قبل اقدم

طبعا ً اتكلم بس عن الشركات بخصوص التوظيف للبنات
ماسألت الرجال

بالتوفيق جميعا ً