السلام عليكم

صباحكم عسل اخواني العاطلين

كيفكم مع العطالة .. طولوا بالكم أنا لي اربع سنوات عاطل ومازلت عايش

رزقكم المكتوب محد راح يأخذه .. الواحد يسعى بس لا يضيّق خلقه

يووووه .. مرّت علي أيام زعلت وتضايقت من العطالة .. بس الواحد فكر فيها وقال

المهم الصحة والعافية .. بعض الشباب بعمر الزهور بالمتشفيات الله يعافيهم

عشان كذا .. اسعوا وقدموا بكل مكان .. بس خلوا أنفوسكم طيبة ولا تتضايقون ولا شي



المهم حبايبي .. ودنا نسولف شوي


جامعة تبوك نزلت المقابلات الشخصية لبعض الوظائف والباقي بالطريق اليوم وإلا بكره

رحت قريت الأسماء المرشحين للمقابلة أكثر وظيفه فيها خمسة أسماء

وبعض الوظايف اثنين وثلاث ..



سؤالي الخطير ..

محد يعرف كم الإحتياج للوظايف

الخوف كل وظيفة يبغون واحد



وعندي سؤال أخطر من الأول

يقولون بشهر ثمانية في تقديم بجامعة تبوك ( تقديم جديد )

لو كان الكلام صحيح .. هل الأفضلية للي قدموا الآن .. اللي اجروا مقابلة شخصية



وسلامتكم


الواحد وده يفضفض من الطفش وهو بس يحدث صفحة المقابلات الشخصية ..

السلام عليكم ورحمة الله وبركاته
الله يوفقك انشاالله وشكرا على النصيحه

الله يوفق الجميع أخوي ..

وشكرا ً لك .

اخوي
شكلها ترسي على واحد فقط في جميع الوظائف والله اعلم
وجامعة تبوك والله فاضين ليه مايخلون التقدم مره واحد كل بعد ثلاث او اربع شهور
ينزلو تقديم وضحك على العالم واخرتها ياخذون واحد فقط !!!

هلا بك اخوي صديق المهنة ( مهنة العطالة ) وابشرك بعدانا مثلك اربع سنوات ولله الحمد من العطالة
وفعلا مثل ماتفضلت الواحد اول سنة وثاني سنة تدحر نفسيته للحضيض ، ولكن سرعان مايعود (( حلوة سرعان هذي )) تحسه تسلب مسعور بعدها ،،، المهم
كنا نقول سرعان مايعود لوضعه الطبيعي خاصة عندما يرى اقرانه (( مشكلتي اني تخرجت من قسم اللغة العربية )) علشان كذا اتفصح كثيرا ..
مدري وش كنت ابي اقول ،
اما جامعة تبوك ماعندي عنها علم ، بس حبيت اسلم عليك واسولف معك شوي ،

تشكرات افندم ،،،،،،،، ماهو منك والله من الحلاقين الاتراك كل يوم وانت مرتز بخشتك عندهم
يالله سلملم ،،

أهلا ً فيكم زملائي العاطلين .. نورتوا ..

والله قهر لو ما ياخذون غير واحد

والتقديم كل ثلاث اشهر .. شكلهم لهم فنادق ويبغونها تشتغل وكل شوي تقديم والعالم تجي من كل مكان



إلا محد عنده خبر عن باقي النتائج طلعت وإلا له .. السادسة والخامسة


موقع جامعة تبوك مخنبق .. ماينعرف له

شركة دجو موجوده

تصدقون اني مقدم على جامعة تبوك

العام الماضي تحديدا بتاريخ 26/8/1429

وقبل اسبوع قاعد اشوف الاسماء تصدقون مادري هذا الي قدمت فيها او لا

وثاني شي من تقديمي ما طلع شي

يعني الي تم فرزهم مقدمين العام

هلا فيكم يالغالين

الله يرزقنا وياكم بالوظيفة المناسبة والمرضية لنا جميعا ً .




أخوي عبدالله العنزي .. لا هذا التقديم قبل كم شهر مو العام

أنا قدمت قبل كم شهر وطلع اسمي للإختبار .. حقت العام شكلها طلعت أول وإنتهت




يا أخوان مدري طلعت مواعيد المقابلات الشخصية للسادسة وانت نازل وإلا لسى


ياليت تشفون الموقع حق الجامعة .. عندي مايقتح



بالتوفيق لكم جميعا ً