ما مثل أخوك اللي يحبك ويغليك


إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

وأن خيرهما الذي يبدأ بالسلام

قصيدة ثمينة ومؤثرة

الناس واجد بس ما مثل الاخوان .... ما مثل اخوك اللي يحبك ويغليك

ما مثل اخوك اللي صدوق ومعوان .... تفديه بالغالـي وبالـروح يفديـك

يشكي لك جروحه وهمه والاحزان .... ولا ضاقت الدنيا بهمك يواسيـك

لو كان لك ربعٍ ونـاسٍ وجيـران .... ما مثل اخوك اللي عن الناس يغنيك

أخوك هو عزك ولو كان ما كـان .... يبيع كل الناس لأجلك ويشريـك

أنا أشهد أنه لك على الصدر نيشان .... تاجٍ على راسك وستـر يغطيـك

وانا اشهد انه مـا يثاقـل بميـزان .... مثل الذهب والماس مافيه تشكيك

وانا اشهد إنه ما يقـدر بالاثمـان .... عن العدو حصـن ودرع يوقيـك

إياك لا تفتـح طريـق لشيطـان .... بينك وبينه جعـل ربـي ينجيـك

ولا تستمع لاجاك علان وفـلان .... يا كثر ما تسمع من اللي يعاديـك

ولا تجعل لغيرك على العقل سلطان .... ترى كثير اللي بشـوره يدهويـك

ترى الدهر دوار يا سرع الأزمـان .... يومٍ تواريـه الثـرى أو يواريـك

تقول يا ليت الذي كـان ماكـان .... يا ليتني بالقبر جنبـك واخاويـك

يا ليتك تعود واضمك بالاحضـان .... أضمك لصدري واقبـل أياديـك

يا ليتك تعود ترى القلـب ندمـان .... وده يسوق المعذرة ثـم يراضيـك

بس البلا يا ليت مـاردت إنسـان .... ويا ليت ما تمحي ظلام بما ضيـك

تماكن الدنيا وواصـل بالاحسـان .... قبل الندم يطويك والهـم يبريـك

ونهاية المشوار ما غيـر الاكفـان .... ويبقى مع السارين ذكرك وطاريك

منـــــــقول

لو كان لك ربعٍ ونـاسٍ وجيـران .... ما مثل اخوك اللي عن الناس يغنيك

أخوك هو عزك ولو كان ما كـان .... يبيع كل الناس لأجلك ويشريـك

أنا أشهد أنه لك على الصدر نيشان .... تاجٍ على راسك وستـر يغطيـك

وانا اشهد انه مـا يثاقـل بميـزان .... مثل الذهب والماس مافيه تشكيك

وانا اشهد إنه ما يقـدر بالاثمـان .... عن العدو حصـن ودرع يوقيـك



ابيات صاغها شاعرها من ذهب واحكم ابياتها بروووعة فائقة بنصائح ثمينة لاتقدر باطنان من الجواهر والدرر,,فلايوجد للاخ مثل اخيه ...ابدعت اخوي عديم الياس في نقلها .. ويعطيك الف الف الف عاافية

أخوك هو عزك ولو كان ما كـان .... يبيع كل الناس لأجلك ويشريـك

أنا أشهد أنه لك على الصدر نيشان .... تاجٍ على راسك وستـر يغطيـك

وانا اشهد انه مـا يثاقـل بميـزان .... مثل الذهب والماس مافيه تشكيك

وانا اشهد إنه ما يقـدر بالاثمـان .... عن العدو حصـن ودرع يوقيـك

رااااااائعه
صح السانك والسان شاعرها
نصيحه جميله ومؤثره ..
الله يعطيك العافيه يالعديم
طرح رااقي ومميز كما عودتنا ..
دمت بخير

الحمد لله ع السلامه اخوي عديم
صح لسان شاعرها وصح لساانك مليووون
وبيض الله وجهك ع القصيدة..

صح لساانك اخوي عديم ولساان الشااعر

قصيده رااائعه بيض الله وجهك على هالراائعه الثمينه

شكرا ياغالي وربي يعطيك العافيه

بااارك الله فيك وجزآك خيراً

قصيدة رائعه ومؤثرة في زمن كثرة فيه قطع الأرحام والأخوان الله المستعان

مافي شئ بهالدنيا يستاهل ان الأخوه يزعلون من بعض ..!!


طرح راااقي
تسلم شاعرنا على هالإنتقاااء المميز
الله يعطيك العافيه



دمت بخير



حنين الرووح

صح لسانك اخوي عديم الياس ابيات جميله

ومبدع في طرحك يعطيك العافيه