السلام عليكم و رحمة الله و بركاته



فكرتوا مليا ........................ حافظها من ايام الدراسه


المهم ابي افتح محل تغليف هدياء خاصه بعد ما شفت الشعب صار عاطفي زياده عن اللزوم والحي عنا ما فيه محل هدياء نروح لحي ثاني يبعد عنا خمس عشرة كليو

ابي اعرف من وين اشتري المواد و كم المكسب المتوقع و كم اجر المحل على العامل اذا فكرت بذالك و من وين اجيب كلمات حقت الهدياء ((الشعر و الخ ....))

ان شالله الأخوان يفيدوك

من المكتبات الكبيره جيب التجاليد والاغلفه ومن محلات بيع الجمله جيب الكراتين والورد

والشرايط

واذا على الابيات والشعر >> الله يخلي النت وقوقل مايقصر ابد ابد

وفي اشكال بعد للتغليف تستفيد منها للنت

اهم شي المؤهبه والتطوير في المحل

وبعد لا تنسى الدروع والة للحفر عليها

والله يوفقك

أنا اقترح الشعر تتفق مع شاعر مبتدئ ويكتب لك أبيات خاصة بكل هدية مقابل سعر رمزي 30 ريال مثلا لكل هدية وهذا طبعا راح يميزك عن غيرك!


موفق

شاكر لمروركم جميعااا

لاكن عندي استفسار عن محلات الجمله اللي تبيع التغليف و الشرايط و الكراتيين بالرياض

موفق فى محل الهدايا او تغليف الهديه خخخخخخخخخخخخ نو محل هدياء شكلو من الحماس فى طرح المشروع
مشروع جدا سهل لكن المهم الطلب هل يوجد طلب على تغليف الهدايا عندكم بالحى لانه دائما نجاح العرض متوقف بعد توفيق الله على قوة الطلب وامور اخرى بعد من اداره .........الخ
ومحل تغليف الهدايا بحرررررررمن الافكار
وبالتوفيق

اولا انت من وين؟
اذا من الرياض فعندك محلات شارع السويلم والعطايف واسواق المعيقلية الارضي
تحصل هناك القطنيات من شموع وورود والعاب ..الخ وكل لوازم الفنية
وانتبه المكتبات الكبيرة ترا تاخذ دبلات بالذات العبيكان وطقتها
فانت لاتاخذ منها الا الامور اللي ماتحصلها

وكبداية انت لازم تعرف حجم محلك وحجم بضاعتك
ولازم يكون عندك فكرة عن الاعمال وتكلفتها
يعني الهدايا فئات منها الكبيرة والمميزة
والمتوسطة ومنها الخاصة بالنجاح او زواج
او اطفال او لمريض
انت فكر كم بيكون مبلغ البضاعة
وحاول تحسب كم منتج بيعطيك
وبكم راح تبيعه
وكم تتوقع انه راح تبيع بالشهر وطبعا تحسب باقي المصاريف
من ايجار وعامل وباقي الامور واظن في موضوع هنا فيه دراسة جدوى لمحل هدايا اطلع عليه
ومن كل هذا تعرف مكسبك من خسارتك

بصراحه محل الهدايا ماشاء الله ربحه جيد جدا مقابل راس ماله
لكنه يعتمد بالدرجة الاولى ع حسب الموقع والاقبال عليه
وبالتوفيق